39 shlokas
- 1
भूतपूर्वम् अभूतपूर्वं वा जनपदं परदेशापवाहनेन स्वदेशाभिष्यन्दवमनेन वा निवेशयेत्
bhūtapūrvam abhūtapūrvaṃ vā janapadaṃ paradeśāpavāhanena svadeśābhiṣyandavamanena vā niveśayet
- 2
शूद्रकर्षकप्रायं कुलशतावरं पञ्चकुलशतपरं ग्रामं क्रोशद्विक्रोशसीमानम् अन्योन्यारक्षं निवेशयेत्
śūdrakarṣakaprāyaṃ kulaśatāvaraṃ pañcakulaśataparaṃ grāmaṃ krośadvikrośasīmānam anyonyārakṣaṃ niveśayet
- 3
नदीशैलवनभृष्टिदरीसेतुबन्धशमीशाल्मलीक्षीरवृक्षान् अन्तेषु सीम्नां स्थापयेत्
nadīśailavanabhṛṣṭidarīsetubandhaśamīśālmalīkṣīravṛkṣān anteṣu sīmnāṃ sthāpayet
- 4
अष्टशतग्राम्या मध्ये स्थानीयम्चतुःशतग्राम्या द्रोणमुखम्द्विशतग्राम्याः कार्वटिकम्दशग्रामीसंग्रहेण संग्रहं स्थापयेत्
aṣṭaśatagrāmyā madhye sthānīyamcatuḥśatagrāmyā droṇamukhamdviśatagrāmyāḥ kārvaṭikamdaśagrāmīsaṃgraheṇa saṃgrahaṃ sthāpayet
- 5
अन्तेष्वन्तपालदुर्गाणि जनपदद्वाराण्यन्तपालाधिष्ठितानि स्थापयेत्
anteṣvantapāladurgāṇi janapadadvārāṇyantapālādhiṣṭhitāni sthāpayet
- 6
तेषाम् अन्तराणि वागुरिकशबरपुलिन्दचण्डालारण्यचरा रक्षेयुः
teṣām antarāṇi vāgurikaśabarapulindacaṇḍālāraṇyacarā rakṣeyuḥ
- 7
ऋत्विगाचार्यपुरोहितश्रोत्रियेभ्यो ब्रह्मदेयान्य् अदण्डकराण्य् अभिरूपदायादकानि प्रयच्छेत् अध्यक्षसंख्यायकादिभ्यो गोपस्थानिकानीकस्थचिकित्सकाश्वदमकजङ्घाकारिकेभ्यश्च विक्रयाधानवर्जानि
ṛtvigācāryapurohitaśrotriyebhyo brahmadeyāny adaṇḍakarāṇy abhirūpadāyādakāni prayacchet adhyakṣasaṃkhyāyakādibhyo gopasthānikānīkasthacikitsakāśvadamakajaṅghākārikebhyaśca vikrayādhānavarjāni
- 8
करदेभ्यः कृतक्षेत्राण्यैकपुरुषिकाणि प्रयच्छेत्
karadebhyaḥ kṛtakṣetrāṇyaikapuruṣikāṇi prayacchet
- 9
अकृतानि कर्तृभ्यो नादेयानि
akṛtāni kartṛbhyo nādeyāni
- 10
अकृषताम् आच्छिद्यान्येभ्यः प्रयच्छेत्
akṛṣatām ācchidyānyebhyaḥ prayacchet
- 11
ग्रामभृतकवैदेहका वा कृषेयुः
grāmabhṛtakavaidehakā vā kṛṣeyuḥ
- 12
अकृषन्तो वावहीनं दद्युः
akṛṣanto vāvahīnaṃ dadyuḥ
- 13
धान्यपशुहिरण्यैश्चैतान् अनुगृह्णीयात्
dhānyapaśuhiraṇyaiścaitān anugṛhṇīyāt
- 14
तान्यनु सुखेन दद्युः
tānyanu sukhena dadyuḥ
- 15
अनुग्रहपरिहारौ चैतेभ्यः कोशवृद्धिकरौ दद्यात्कोशोपघातकौ वर्जयेत्
anugrahaparihārau caitebhyaḥ kośavṛddhikarau dadyātkośopaghātakau varjayet
- 16
अल्पकोशो हि राजा पौरजानपदान् एव ग्रसते
alpakośo hi rājā paurajānapadān eva grasate
- 17
निवेशसमकालं यथागतकं वा परिहारं दद्यात्
niveśasamakālaṃ yathāgatakaṃ vā parihāraṃ dadyāt
- 18
निवृत्तपरिहारान्पितेवानुगृह्णीयात्
nivṛttaparihārānpitevānugṛhṇīyāt
- 19
आकरकर्मान्तद्रव्यहस्तिवनव्रजवणिक्पथप्रचारान्वारिस्थलपथपण्यपत्तनानि च निवेशयेत्
ākarakarmāntadravyahastivanavrajavaṇikpathapracārānvāristhalapathapaṇyapattanāni ca niveśayet
- 20
सहोदकम् आहार्योदकं वा सेतुं बन्धयेत्
sahodakam āhāryodakaṃ vā setuṃ bandhayet
- 21
अन्येषां वा बध्नतां भूमिमार्गवृक्षोपकरणानुग्रहं कुर्यात्पुण्यस्थानारामाणां च
anyeṣāṃ vā badhnatāṃ bhūmimārgavṛkṣopakaraṇānugrahaṃ kuryātpuṇyasthānārāmāṇāṃ ca
- 22
सम्भूय सेतुबन्धाद् अपक्रामतः कर्मकरबलीवर्दाः कर्म कुर्युः
sambhūya setubandhād apakrāmataḥ karmakarabalīvardāḥ karma kuryuḥ
- 23
व्ययकर्मणि च भागी स्यात्न चांशं लभेत
vyayakarmaṇi ca bhāgī syātna cāṃśaṃ labheta
- 24
मत्स्यप्लवहरितपण्यानां सेतुषु राजा स्वाम्यं गच्छेत्
matsyaplavaharitapaṇyānāṃ setuṣu rājā svāmyaṃ gacchet
- 25
दासाहितकबन्धून् अशृण्वतो राजा विनयं ग्राहयेत्
dāsāhitakabandhūn aśṛṇvato rājā vinayaṃ grāhayet
- 26
बालवृद्धव्यसन्यनाथांश्च राजा बिभृयात्स्त्रियम् अप्रजातां प्रजातायाश्च पुत्रान्
bālavṛddhavyasanyanāthāṃśca rājā bibhṛyātstriyam aprajātāṃ prajātāyāśca putrān
- 27
बालद्रव्यं ग्रामवृद्धा वर्धयेयुर् आ व्यवहारप्रापणात्देवद्रव्यं च
bāladravyaṃ grāmavṛddhā vardhayeyur ā vyavahāraprāpaṇātdevadravyaṃ ca
- 28
अपत्यदारं मातापितरौ भ्रातॄन् अप्राप्तव्यवहारान्भगिनीः कन्या विधवाश्चाबिभ्रतः शक्तिमतो द्वादशपणो दण्डः अन्यत्र पतितेभ्यः अन्यत्र मातुः
apatyadāraṃ mātāpitarau bhrātṝn aprāptavyavahārānbhaginīḥ kanyā vidhavāścābibhrataḥ śaktimato dvādaśapaṇo daṇḍaḥ anyatra patitebhyaḥ anyatra mātuḥ
- 29
पुत्रदारम् अप्रतिविधाय प्रव्रजतः पूर्वः साहसदण्डः स्त्रियं च प्रव्राजयतः
putradāram apratividhāya pravrajataḥ pūrvaḥ sāhasadaṇḍaḥ striyaṃ ca pravrājayataḥ
- 30
लुप्तव्यायामः प्रव्रजेद् आपृच्छ्य धर्मस्थान्
luptavyāyāmaḥ pravrajed āpṛcchya dharmasthān

