15 shlokas
- 1
अवटस्थाने कारोतरम् एके समामनन्ति
avaṭasthāne kārotaram eke samāmananti
- 2
वैदलश्चर्मनद्धो भवति
vaidalaścarmanaddho bhavati
- 3
तस्मिन्वैदलं शुण्डामुखम् अवदधाति
tasminvaidalaṃ śuṇḍāmukham avadadhāti
- 4
तस्य बिलं चर्मणा परिणद्धं भवति
tasya bilaṃ carmaṇā pariṇaddhaṃ bhavati
- 5
तस्मिन्यद् आस्रवति सा परिस्रुद्भवति
tasminyad āsravati sā parisrudbhavati
- 6
पात्रसंसादनकाले ऽश्विभ्यां सरस्वत्या इन्द्राय सुत्राम्णे त्रीणि पात्राणि प्रयुनक्ति
pātrasaṃsādanakāle 'śvibhyāṃ sarasvatyā indrāya sutrāmṇe trīṇi pātrāṇi prayunakti
- 7
त्रयान्सक्तून्यवगोधूमानाम् उपवाकासक्तूंश्च श्येनपत्त्रे वाले द्रोणे वा
trayānsaktūnyavagodhūmānām upavākāsaktūṃśca śyenapattre vāle droṇe vā
- 8
अजाविलोम्नाम् अध्वर्योः पवित्रं भवति
गोअश्वानां प्रतिप्रस्थातुः
ajāvilomnām adhvaryoḥ pavitraṃ bhavati
goaśvānāṃ pratiprasthātuḥ
- 9
आज्यं निरुप्याध्वर्युद्रोणे प्रभूतं पयो निर्वपति
ājyaṃ nirupyādhvaryudroṇe prabhūtaṃ payo nirvapati
- 10
मन्त्रवद् इत्य् आश्मरथ्यः
तूष्णीम् इत्य् आलेखनः
mantravad ity āśmarathyaḥ
tūṣṇīm ity ālekhanaḥ
- 11
आज्यम् उत्पूय वालेन पय उत्पुनाति
ājyam utpūya vālena paya utpunāti
- 12
प्राङ्सोमो अतिद्रुत इति सोमवामिनः
प्रत्यङ्सोमो अतिद्रुत इति सोमातिपवितस्य
prāṅsomo atidruta iti somavāminaḥ
pratyaṅsomo atidruta iti somātipavitasya
- 13
ब्रह्म क्षत्रं पवत इति सुरां प्रतिप्रस्थाता
brahma kṣatraṃ pavata iti surāṃ pratiprasthātā
- 14
पाशुकान्य् आज्यानि गृहीत्वाध्वर्युः पयोग्रहान्गृह्णाति
pāśukāny ājyāni gṛhītvādhvaryuḥ payograhāngṛhṇāti
- 15
कुविद् अङ्गेति सर्वेषाम् एका पुरोरुग् एका पुरोनुवाक्यैकः प्रैष एका याज्या
kuvid aṅgeti sarveṣām ekā purorug ekā puronuvākyaikaḥ praiṣa ekā yājyā

