18 shlokas
- 1
एतेन वैश्वसृजो व्याख्यातः
etena vaiśvasṛjo vyākhyātaḥ
- 2
यावन्मन्त्रं हिरण्येष्टकाः शर्करा वाभ्यक्ताः
yāvanmantraṃ hiraṇyeṣṭakāḥ śarkarā vābhyaktāḥ
- 3
उपधानकाले ऽग्रेणोत्तरनाभिं यच्चामृतं यच्च मर्त्यम् इत्य् एतैस्त्रिभिर् अनुवाकैर् अभिदक्षिणम् अग्निं परिचिनोति
upadhānakāle 'greṇottaranābhiṃ yaccāmṛtaṃ yacca martyam ity etaistribhir anuvākair abhidakṣiṇam agniṃ paricinoti
- 4
तिस्रो वा चितयस्त्रिभिर् अनुवाकैः
tisro vā citayastribhir anuvākaiḥ
- 5
स्वयमातृण्णादि समानम् उत्तरम् अन्यत्रानुशंसनात्
svayamātṛṇṇādi samānam uttaram anyatrānuśaṃsanāt
- 6
ऋचां प्राची महती दिग् उच्यत इत्य् अनेनानुवाकेनानुशंसति
ṛcāṃ prācī mahatī dig ucyata ity anenānuvākenānuśaṃsati
- 7
रात्रिसत्त्रेषु शतरात्रान्तेषु समहाव्रतेषु त्रिषु च सारस्वतेषु सत्त्रेषु काठकचातुर्मास्येषु साध्यानां षडहवर्जितेषु विश्वसृजामयने प्रजापतेः सहस्रसंवत्सरयोश्च वैश्वसृजो ऽग्निर्नियतः
rātrisattreṣu śatarātrānteṣu samahāvrateṣu triṣu ca sārasvateṣu sattreṣu kāṭhakacāturmāsyeṣu sādhyānāṃ ṣaḍahavarjiteṣu viśvasṛjāmayane prajāpateḥ sahasrasaṃvatsarayośca vaiśvasṛjo 'gnirniyataḥ
- 8
अभिप्रयायं चेद् अभिचिनुयुर् उत्तरवेदिदेशम् एतैर्मन्त्रैर् अभिमृशेत्
abhiprayāyaṃ ced abhicinuyur uttaravedideśam etairmantrair abhimṛśet
- 9
यो ऽस्य सुप्रियः सुविचित इव स्यात्तस्मै वैश्वसृजम्
तृतीये वा पर्याये
yo 'sya supriyaḥ suvicita iva syāttasmai vaiśvasṛjam
tṛtīye vā paryāye
- 10
सावित्रनाचिकेतचातुर्होत्रवैश्वसृजारुणकेतुकान्समस्यन्सौम्ये ऽप्यध्वरे चिन्वीत
sāvitranāciketacāturhotravaiśvasṛjāruṇaketukānsamasyansaumye 'pyadhvare cinvīta
- 11
सावित्रः प्रथमा चितिः
लोकंपृणा द्वितीया
नाचिकेतस्तृतीया
लोकंपृणा चतुर्थी
चातुर्होत्रः पञ्चमी
वैश्वसृजः षष्ठी
आरुणकेतुकः सप्तमी
sāvitraḥ prathamā citiḥ
lokaṃpṛṇā dvitīyā
nāciketastṛtīyā
lokaṃpṛṇā caturthī
cāturhotraḥ pañcamī
vaiśvasṛjaḥ ṣaṣṭhī
āruṇaketukaḥ saptamī
- 12
सवनीययूष्णो मृत्यवे ग्रहं गृह्णाति
savanīyayūṣṇo mṛtyave grahaṃ gṛhṇāti
- 13
य एतान् अग्नीन्पृथक्समासेन वा चिन्वान उभयीर्दक्षिणा ददाति क्रतुदक्षिणा यथासमाम्नातम् अग्निदक्षिणाश्चेति
ya etān agnīnpṛthaksamāsena vā cinvāna ubhayīrdakṣiṇā dadāti kratudakṣiṇā yathāsamāmnātam agnidakṣiṇāśceti
- 14
अत्र पृथग् अप्रयुज्य न समस्यन्ते
atra pṛthag aprayujya na samasyante
- 15
अग्निं चित्वा सौत्रामण्या यजेत
मैत्रावरुण्या वामिक्षया
agniṃ citvā sautrāmaṇyā yajeta
maitrāvaruṇyā vāmikṣayā
- 16
आरुणकेतुको ब्राह्मणव्याख्यातः
āruṇaketuko brāhmaṇavyākhyātaḥ
- 17
दिवःश्येनीभिर् अन्वहं स्वर्गकामो यजेत
अपाद्याभिश्च
divaḥśyenībhir anvahaṃ svargakāmo yajeta
apādyābhiśca
- 18
ता ब्राह्मणव्याख्याताः
tā brāhmaṇavyākhyātāḥ

