13 shlokas
- 1
त्वाम् इद्धि हवामहे साता वाजस्य कारवः
त्वां वृत्रेष्व् इन्द्र सत्पतिं नरस्त्वां काष्ठोम् इत्य् अनूच्य स्वर्वतो ऽभि त्वा शूर नोनुम इति यजेत्
tvām iddhi havāmahe sātā vājasya kāravaḥ
tvāṃ vṛtreṣv indra satpatiṃ narastvāṃ kāṣṭhom ity anūcya svarvato 'bhi tvā śūra nonuma iti yajet
- 2
कदाचन स्तरीर् असीत्य् आसां चतुर्थीं दधाति
kadācana starīr asīty āsāṃ caturthīṃ dadhāti
- 3
अग्नये भ्राजस्वते पुरोडाशम् अष्टाकपालम् इत्य् उक्तम्
agnaye bhrājasvate puroḍāśam aṣṭākapālam ity uktam
- 4
चतुर्धाकरणकाले सौर्यांस्त्रीन्पिण्डान् उद्धृत्योद् उ त्यं जातवेदसं सप्त त्वा हरितो रथे चित्रं देवानाम् उदगाद् अनीकम् इति पिण्डान्यजमानाय प्रयच्छति
caturdhākaraṇakāle sauryāṃstrīnpiṇḍān uddhṛtyod u tyaṃ jātavedasaṃ sapta tvā harito rathe citraṃ devānām udagād anīkam iti piṇḍānyajamānāya prayacchati
- 5
तान्यजमानः प्राश्नाति
tānyajamānaḥ prāśnāti
- 6
वैश्वदेवीं सांग्रहणीं निर्वपेद्ग्रामकामः
vaiśvadevīṃ sāṃgrahaṇīṃ nirvapedgrāmakāmaḥ
- 7
नवनीते श्रपयति
navanīte śrapayati
- 8
ध्रुवो ऽसीत्य् एतैः प्रतिमन्त्रं परिधीन्परिदधाति
dhruvo 'sīty etaiḥ pratimantraṃ paridhīnparidadhāti
- 9
आमनम् असीत्य् उपहोमः
āmanam asīty upahomaḥ
- 10
यो ज्योग् आमयावी स्याद्यो वा कामयेत सर्वम् आयुर् इयाम् इति तस्मा एताम् इष्टिं निर्वपेत्
आग्नेयादीनि पञ्च
yo jyog āmayāvī syādyo vā kāmayeta sarvam āyur iyām iti tasmā etām iṣṭiṃ nirvapet
āgneyādīni pañca
- 11
पात्रसंसादनकाले खादिरं पात्रं चतुःस्रक्ति प्रयुनक्ति
सौवर्णं च प्रवर्तं शतमानस्य कृतम्
pātrasaṃsādanakāle khādiraṃ pātraṃ catuḥsrakti prayunakti
sauvarṇaṃ ca pravartaṃ śatamānasya kṛtam
- 12
अथो खलु यावतीः समा एष्यन्मन्येत तावन्मानं स्यात्
atho khalu yāvatīḥ samā eṣyanmanyeta tāvanmānaṃ syāt
- 13
यन्नवम् ऐत्तन्नवनीतम् अभवद् इत्य् आज्यम् अवेक्ष्याज्यग्रहणकाले तूष्णीं खादिरे चतुर्गृहीतं गृहीत्वा सादनकाल उत्तरेण ध्रुवां खादिरं सादयित्वा तस्मिन्प्रवर्तम् अवदधाति
yannavam aittannavanītam abhavad ity ājyam avekṣyājyagrahaṇakāle tūṣṇīṃ khādire caturgṛhītaṃ gṛhītvā sādanakāla uttareṇa dhruvāṃ khādiraṃ sādayitvā tasminpravartam avadadhāti

