22 shlokas
- 1
ऐन्द्रावरुणं पुरोडाशं निरुप्यैन्द्रावरुणीं पयस्यां निर्वपेत्
aindrāvaruṇaṃ puroḍāśaṃ nirupyaindrāvaruṇīṃ payasyāṃ nirvapet
- 2
उद्वास्यालंकृत्य पयस्यायां पुरोडाशम् अवदधाति
udvāsyālaṃkṛtya payasyāyāṃ puroḍāśam avadadhāti
- 3
एतयैव प्रच्छाद्यासादयति
etayaiva pracchādyāsādayati
- 4
अथास्मात्प्रतिदिशं पयस्यां व्यूहति
athāsmātpratidiśaṃ payasyāṃ vyūhati
- 5
या वाम् इन्द्रावरुणा यतव्या तनूर् इत्य् एतैर् एव पुनः समूहति
yā vām indrāvaruṇā yatavyā tanūr ity etair eva punaḥ samūhati
- 6
अमुक्तम् इति मन्त्रान्तान्संनमति
amuktam iti mantrāntānsaṃnamati
- 7
सहैव पयस्यायाः पुरोडाशस्यावद्यति
sahaiva payasyāyāḥ puroḍāśasyāvadyati
- 8
यो वाम् इन्द्रावरुणाव् अग्नौ स्राम इत्य् उपहोमाः
yo vām indrāvaruṇāv agnau srāma ity upahomāḥ
- 9
अग्नये संवर्गाय पुरोडाशम् अष्टाकपालम् इत्य् उक्तम्
agnaye saṃvargāya puroḍāśam aṣṭākapālam ity uktam
- 10
युक्ष्वा हि देवहूतमान् इति पञ्चदश सामिधेनीर् अन्वाह
yukṣvā hi devahūtamān iti pañcadaśa sāmidhenīr anvāha
- 11
नित्यया परिदधाति
nityayā paridadhāti
- 12
कुवित्सु नो गविष्टय इति याज्यानुवाक्ये
kuvitsu no gaviṣṭaya iti yājyānuvākye
- 13
यस्याजुषद्विद्मा हि त इति संयाज्ये
yasyājuṣadvidmā hi ta iti saṃyājye
- 14
चित्रापूर्णमासे चित्राम् इष्टिं निर्वपेत्
आग्नेयादीनि सप्त
citrāpūrṇamāse citrām iṣṭiṃ nirvapet
āgneyādīni sapta
- 15
अग्ने गोभिर्न आ गहीत्य् उपहोमाः
agne gobhirna ā gahīty upahomāḥ
- 16
पुष्कलेषु नक्षत्रेषूदवसाय कारीर्या वृष्टिकामो यजेत
puṣkaleṣu nakṣatreṣūdavasāya kārīryā vṛṣṭikāmo yajeta
- 17
अग्नीन् अन्वाधायापरेणाहवनीयं दक्षिणातिक्रम्योपविश्य यजमानो मारुतम् असि मरुताम् ओज इति कृष्णं वासः कृष्णतूषं परिधत्ते
agnīn anvādhāyāpareṇāhavanīyaṃ dakṣiṇātikramyopaviśya yajamāno mārutam asi marutām oja iti kṛṣṇaṃ vāsaḥ kṛṣṇatūṣaṃ paridhatte
- 18
रमयत मरुतः श्येनमायिनम् इति पश्चाद्वातं प्रतिमीवति
ramayata marutaḥ śyenamāyinam iti paścādvātaṃ pratimīvati
- 19
पुरोवातम् एव जनयत्य् एहि वातेति
purovātam eva janayaty ehi vāteti
- 20
कृष्णो ऽश्वः पुरस्तात्प्रत्यङ्मुखो ऽवस्थितो भवति
kṛṣṇo 'śvaḥ purastātpratyaṅmukho 'vasthito bhavati
- 21
तम् एतेन वाससाभिपिनष्ट्य् अभिक्रन्देति
tam etena vāsasābhipinaṣṭy abhikrandeti
- 22
यदि क्रन्देद्विधूनुयाच्छकृन्मूत्रं वा कुर्याद्वर्षिष्यतीति विद्यात्
yadi krandedvidhūnuyācchakṛnmūtraṃ vā kuryādvarṣiṣyatīti vidyāt

