26 shlokas
- 1
नवम्यां बाह्यायां लेखायां पञ्चदश पूर्वपक्षस्याहान्य् उपदधाति संज्ञानं विज्ञानम् इति
navamyāṃ bāhyāyāṃ lekhāyāṃ pañcadaśa pūrvapakṣasyāhāny upadadhāti saṃjñānaṃ vijñānam iti
- 2
तेषाम् अन्तरालेष्व् एतेषाम् अह्नां पञ्चदश मुहूर्तान् उपदधाति चित्रः केतुर् इति
teṣām antarāleṣv eteṣām ahnāṃ pañcadaśa muhūrtān upadadhāti citraḥ ketur iti
- 3
अथान्तरस्यां पञ्चदश पूर्वपक्षस्य रात्रीर् उपदधाति दर्शा दृष्टेति
athāntarasyāṃ pañcadaśa pūrvapakṣasya rātrīr upadadhāti darśā dṛṣṭeti
- 4
तासाम् अन्तरालेष्व् एतासां रात्रीणां पञ्चदश मुहूर्तान् उपदधाति दाता प्रदातेति
tāsām antarāleṣv etāsāṃ rātrīṇāṃ pañcadaśa muhūrtān upadadhāti dātā pradāteti
- 5
अथान्तरस्यां पञ्चदशापरपक्षस्याहान्य् उपदधाति प्रस्तुतं विष्टुतम् इति
athāntarasyāṃ pañcadaśāparapakṣasyāhāny upadadhāti prastutaṃ viṣṭutam iti
- 6
तेषाम् अन्तरालेष्व् एतेषाम् अह्नां पञ्चदश मुहूर्तान् उपदधाति सविता प्रसवितेति
teṣām antarāleṣv eteṣām ahnāṃ pañcadaśa muhūrtān upadadhāti savitā prasaviteti
- 7
अथान्तरस्यां पञ्चदशापरपक्षस्य रात्रीर् उपदधाति सुता सुन्वतीति
athāntarasyāṃ pañcadaśāparapakṣasya rātrīr upadadhāti sutā sunvatīti
- 8
तासाम् अन्तरालेष्व् एतासां रात्रीणां पञ्चदश मुहूर्तान् उपदधात्य् अभिशास्तानुमन्तेति
tāsām antarāleṣv etāsāṃ rātrīṇāṃ pañcadaśa muhūrtān upadadhāty abhiśāstānumanteti
- 9
अथान्तरस्यां द्वादश पूर्वपक्षान् उपदधाति पवित्रं पवयिष्यन्न् इति
athāntarasyāṃ dvādaśa pūrvapakṣān upadadhāti pavitraṃ pavayiṣyann iti
- 10
अथान्तरस्यां द्वादशापरपक्षान् उपदधाति सहस्वान्सहीयान् इति
athāntarasyāṃ dvādaśāparapakṣān upadadhāti sahasvānsahīyān iti
- 11
अथान्तरस्यां त्रयोदश मासनामान्य् उपदधात्य् अरुणो ऽरुणरजा इति
athāntarasyāṃ trayodaśa māsanāmāny upadadhāty aruṇo 'ruṇarajā iti
- 12
अथ सिकता उपदधात्य् एजत्का जोवत्का इति
atha sikatā upadadhāty ejatkā jovatkā iti
- 13
अथान्तरस्यां पञ्चदश मुहूर्तान् उपदधातीदानीं तदानीम् इति
athāntarasyāṃ pañcadaśa muhūrtān upadadhātīdānīṃ tadānīm iti
- 14
अथान्तरस्यां षड्यज्ञक्रतूंस्त्रीणि चतुर्नामान्य् उपदधात्य् अग्निष्टोम उक्थ्यो अग्निर् ऋतुर् इति
athāntarasyāṃ ṣaḍyajñakratūṃstrīṇi caturnāmāny upadadhāty agniṣṭoma ukthyo agnir ṛtur iti
- 15
अथ नाभ्यां चत्वारि संवत्सरनामान्य् उपदधाति प्रजापतिः संवत्सरो महान्क इति
atha nābhyāṃ catvāri saṃvatsaranāmāny upadadhāti prajāpatiḥ saṃvatsaro mahānka iti
- 16
चतस्रः स्वयमातृण्णा दिक्षूपदधाति भूर् अग्निं च पृथिवीं च मां चेति
catasraḥ svayamātṛṇṇā dikṣūpadadhāti bhūr agniṃ ca pṛthivīṃ ca māṃ ceti
- 17
लोकं पृणेति लोकंपृणा उपदधाति
lokaṃ pṛṇeti lokaṃpṛṇā upadadhāti
- 18
चात्वालात्पुरीषम् आहृत्य पृष्टो दिवीति वैश्वानर्यर्चा चिताव् अनुव्यूहति
cātvālātpurīṣam āhṛtya pṛṣṭo divīti vaiśvānaryarcā citāv anuvyūhati
- 19
सा चितिर्भवति
sā citirbhavati
- 20
आरोहणं जपति
अवरोहणं जपति
ārohaṇaṃ japati
avarohaṇaṃ japati
- 21
उपस्थानेनोपतिष्ठते त्वम् एव त्वां वेत्थ यो ऽसि सो ऽसीति
upasthānenopatiṣṭhate tvam eva tvāṃ vettha yo 'si so 'sīti
- 22
साहस्रवत्करोति
sāhasravatkaroti
- 23
धेनूः कृत्वा यजमानः संहारविहाराभ्याम् उपतिष्ठते संवत्सरो ऽसि परिवत्सरो ऽसीति
dhenūḥ kṛtvā yajamānaḥ saṃhāravihārābhyām upatiṣṭhate saṃvatsaro 'si parivatsaro 'sīti
- 24
उत्तरत उत्तमायाम् इष्टकायाम् अर्कपर्णेनाजाक्षीरं जुहोति
uttarata uttamāyām iṣṭakāyām arkaparṇenājākṣīraṃ juhoti
- 25
त्वम् अग्ने रुद्र इति शतरुद्रीयस्य रूपम् असंचरे पशूनाम् अर्कपर्ण उदस्यति वल्मीकवपायां वावदधाति
tvam agne rudra iti śatarudrīyasya rūpam asaṃcare paśūnām arkaparṇa udasyati valmīkavapāyāṃ vāvadadhāti
- 26
जघनेनाग्निं प्राङ्मुख उपविश्य संचितोक्थ्येन होतानुशंसति भूर्भुवः स्वर् इत्य् अनुवाकेन
jaghanenāgniṃ prāṅmukha upaviśya saṃcitokthyena hotānuśaṃsati bhūrbhuvaḥ svar ity anuvākena

