13 shlokas
- 1
सोमस्याग्ने वीहीत्य् अनुयजति
somasyāgne vīhīty anuyajati
- 2
अहाव्य् अग्ने हविर् आस्ये ते स्रुचीव घृतं चमू इव सोमः
वाजसनिं रयिम् अस्मे सुवीरं प्रशस्तं धेहि यशसं बृहन्तम्
ahāvy agne havir āsye te srucīva ghṛtaṃ camū iva somaḥ
vājasaniṃ rayim asme suvīraṃ praśastaṃ dhehi yaśasaṃ bṛhantam
- 3
कीलालपे सोमपृष्ठाय वेधसे हृदा मतिं जनये चारुम् अग्नय इति हुतां हूयमानां वा यजमानो ऽनुमन्त्रयते
kīlālape somapṛṣṭhāya vedhase hṛdā matiṃ janaye cārum agnaya iti hutāṃ hūyamānāṃ vā yajamāno 'numantrayate
- 4
ब्राह्मणं परिक्रीणीयाद् उच्छेषणस्य पातारम्
brāhmaṇaṃ parikrīṇīyād uccheṣaṇasya pātāram
- 5
नाना हि वां देवहितं सदो मितं मा संसृक्षाथां परमे व्योमन्
सुरा त्वम् असि शुष्मिणी सोम एष मा मा हिंसीः स्वां योनिम् आविशन्
nānā hi vāṃ devahitaṃ sado mitaṃ mā saṃsṛkṣāthāṃ parame vyoman
surā tvam asi śuṣmiṇī soma eṣa mā mā hiṃsīḥ svāṃ yonim āviśan
- 6
अहं तद् अस्य मनसा शिवेन सोमं राजानम् इह भक्षयामीति वा स्वयं पिबेत्
ahaṃ tad asya manasā śivena somaṃ rājānam iha bhakṣayāmīti vā svayaṃ pibet
- 7
द्वे स्रुती अशृणवं पितॄणाम् अहं देवानाम् उत मर्त्यानाम्
ताभ्याम् इदं विश्वं भुवनं समेत्य् अन्तरा पूर्वम् अपरं च केतुम् इति वा वल्मीकवपायाम् अवनयेत्
dve srutī aśṛṇavaṃ pitṝṇām ahaṃ devānām uta martyānām
tābhyām idaṃ viśvaṃ bhuvanaṃ samety antarā pūrvam aparaṃ ca ketum iti vā valmīkavapāyām avanayet
- 8
दक्षिणे ऽग्नौ शतातृण्णां स्थालीं प्रबद्धां धारयति
dakṣiṇe 'gnau śatātṛṇṇāṃ sthālīṃ prabaddhāṃ dhārayati
- 9
तस्या बिल उदीचीनदशं पवित्रं वितत्य यन्मे मनः परागतम् इति तस्मिञ्छतमानं हिरण्यं निधाय सोमप्रतीकाः पितरस्तृप्णुतेति तस्मिन्सुराशेषम् आनयति
सोमप्रतीकाः पितरो मदन्तां व्यशेम देवहितं यद् आयुः
इन्द्रपीतो विचक्षणो व्यशेम देवहितं यद् आयुर् इति वा
tasyā bila udīcīnadaśaṃ pavitraṃ vitatya yanme manaḥ parāgatam iti tasmiñchatamānaṃ hiraṇyaṃ nidhāya somapratīkāḥ pitarastṛpṇuteti tasminsurāśeṣam ānayati
somapratīkāḥ pitaro madantāṃ vyaśema devahitaṃ yad āyuḥ
indrapīto vicakṣaṇo vyaśema devahitaṃ yad āyur iti vā
- 10
स्रवन्तीं सौमीभिः पितृमतीभिस्तिसृभिस्तिसृभिर् उत्तरोत्तराभिर् उपतिष्ठन्ते
sravantīṃ saumībhiḥ pitṛmatībhistisṛbhistisṛbhir uttarottarābhir upatiṣṭhante
- 11
त्वं सोम प्रचिकित इत्य् एता आम्नाता भवन्ति
tvaṃ soma pracikita ity etā āmnātā bhavanti
- 12
पुरस्ताद् अध्वर्युः
दक्षिणतो ब्रह्मा
पश्चाद्धोता
purastād adhvaryuḥ
dakṣiṇato brahmā
paścāddhotā
- 13
यद् अग्ने कव्यवाहनेति काव्यवाहनीभिर्दक्षिणे ऽग्नौ शतातृण्णां प्रतिष्ठापयति यदि ब्राह्मणो यजते
yad agne kavyavāhaneti kāvyavāhanībhirdakṣiṇe 'gnau śatātṛṇṇāṃ pratiṣṭhāpayati yadi brāhmaṇo yajate

