11 shlokas
- 1
सावित्रं स्वर्गकामश्चिन्वीत
sāvitraṃ svargakāmaścinvīta
- 2
पशुबन्धे चीयते
paśubandhe cīyate
- 3
चेष्यमाण उपकल्पयते पञ्चाशीतिशतं हिरण्येष्टका यावद् उत्तमम् अङ्गुलिपरु तावतीः शर्करा वाभ्यक्ताश्चतस्रः स्वयमातृण्णा अपरिमिता लोकंपृणाः
ceṣyamāṇa upakalpayate pañcāśītiśataṃ hiraṇyeṣṭakā yāvad uttamam aṅguliparu tāvatīḥ śarkarā vābhyaktāścatasraḥ svayamātṛṇṇā aparimitā lokaṃpṛṇāḥ
- 4
षड्ढोतारम् इत्य् एतदादि पाशुकं कर्म प्रतिपद्यते
ṣaḍḍhotāram ity etadādi pāśukaṃ karma pratipadyate
- 5
वेदितृतीये यजत इति विज्ञायते
veditṛtīye yajata iti vijñāyate
- 6
प्राग् उत्तरात्परिग्राहात्कृत्वोत्तरवेदिदेशस्य मध्ये शङ्कुं निहत्य सर्वतः परिमण्डलं रथचक्रमात्रं सावित्रं परिलिख्य समूलं हरितं दर्भस्तम्बम् आहृत्य मध्ये ऽग्नेर्निखाय जुह्वां पञ्चगृहीतं गृहीत्वा सजूर् अब्दो ऽयावभिर् इति दर्भस्तम्बे पञ्चाहुतीर्हुत्वोद्धत्यावोक्ष्य व्याघारणान्ताम् उत्तरवेदिं कृत्वा लेखाया अभ्यन्तरं नव परिमण्डला लेखा लिखित्वा सिकताभिर् अवकीर्य दर्भैः प्रच्छाद्य दध्ना मधुमिश्रेण शर्कराभिर् इति बाह्यां लेखां सम्पूर्य वसति
prāg uttarātparigrāhātkṛtvottaravedideśasya madhye śaṅkuṃ nihatya sarvataḥ parimaṇḍalaṃ rathacakramātraṃ sāvitraṃ parilikhya samūlaṃ haritaṃ darbhastambam āhṛtya madhye 'gnernikhāya juhvāṃ pañcagṛhītaṃ gṛhītvā sajūr abdo 'yāvabhir iti darbhastambe pañcāhutīrhutvoddhatyāvokṣya vyāghāraṇāntām uttaravediṃ kṛtvā lekhāyā abhyantaraṃ nava parimaṇḍalā lekhā likhitvā sikatābhir avakīrya darbhaiḥ pracchādya dadhnā madhumiśreṇa śarkarābhir iti bāhyāṃ lekhāṃ sampūrya vasati
- 7
हुते प्रातर् अग्निहोत्रे प्रजापतिस्त्वा सादयतु तया देवतयाङ्गिरस्वद्ध्रुवा सीदेत्य् उत्तरवेदिम् अभिमृश्य मयि गृह्णाम्य् अग्रे अग्निं यो नो अग्निः पितर इति द्वाभ्याम् आत्मन्न् अग्निं गृहीत्वा यास्ते अग्ने समिध इति स्वयंचित्याभिमृश्याग्नेर्भस्मासीति सिकता निवपति
संज्ञानम् इत्य् ऊषान्
hute prātar agnihotre prajāpatistvā sādayatu tayā devatayāṅgirasvaddhruvā sīdety uttaravedim abhimṛśya mayi gṛhṇāmy agre agniṃ yo no agniḥ pitara iti dvābhyām ātmann agniṃ gṛhītvā yāste agne samidha iti svayaṃcityābhimṛśyāgnerbhasmāsīti sikatā nivapati
saṃjñānam ity ūṣān
- 8
तान्निवपन्यद् अदश्चन्द्रमसि कृष्णं तद् इहास्त्व् इति मनसा ध्यायति
tānnivapanyad adaścandramasi kṛṣṇaṃ tad ihāstv iti manasā dhyāyati
- 9
सं या वः प्रियास्तनुव इत्य् ऊषान्सिकताश्च संसृज्य चित स्थ परिचित इत्य् अपरिमिताभिः शर्कराभिः परिश्रित्याप्यायस्व समेतु त इति सिकता व्यूहति
saṃ yā vaḥ priyāstanuva ity ūṣānsikatāśca saṃsṛjya cita stha paricita ity aparimitābhiḥ śarkarābhiḥ pariśrityāpyāyasva sametu ta iti sikatā vyūhati
- 10
न लेखाः संलोभयन्ति
na lekhāḥ saṃlobhayanti
- 11
अभ्यन्तरं जघनार्ध उदपात्रम् उपदधाति वाक्त्वा समुद्र उपदधे सुप्रजावनिं रायस्पोषवनिं मह्यं वाजिनायेति
abhyantaraṃ jaghanārdha udapātram upadadhāti vāktvā samudra upadadhe suprajāvaniṃ rāyaspoṣavaniṃ mahyaṃ vājināyeti

