11 shlokas
- 1
अथातः कौकिलीं व्याख्यास्यामः
athātaḥ kaukilīṃ vyākhyāsyāmaḥ
- 2
तस्याः पूर्ववत्कल्पः
tasyāḥ pūrvavatkalpaḥ
- 3
निर्वपणकाल ऐन्द्रं पशुम् आलभते
nirvapaṇakāla aindraṃ paśum ālabhate
- 4
ऋषभो दक्षिणा
ṛṣabho dakṣiṇā
- 5
आदित्यं चरुम्
ādityaṃ carum
- 6
वत्सः
vatsaḥ
- 7
पुरस्ताद् एव कालायसेन कालानुशातनेन कालेन तसरेण पक्ष्मणा व्रीहियवश्यामाकान्क्रीत्वा क्षौमे वासस्य् उपनद्धान्व्रीहींस्तोक्मानि कुर्वन्ति
यवान् ईषदुपतप्तान्
purastād eva kālāyasena kālānuśātanena kālena tasareṇa pakṣmaṇā vrīhiyavaśyāmākānkrītvā kṣaume vāsasy upanaddhānvrīhīṃstokmāni kurvanti
yavān īṣadupataptān
- 8
चूर्णानि तानि दध्नोदश्विता वा संसृज्य दर्भैः परितंस्य निदधाति
cūrṇāni tāni dadhnodaśvitā vā saṃsṛjya darbhaiḥ paritaṃsya nidadhāti
- 9
स मासरः
sa māsaraḥ
- 10
तेषाम् एव स्थूलचूर्णानि संस्रावेणाभिषिक्तानि स नग्नहुः
teṣām eva sthūlacūrṇāni saṃsrāveṇābhiṣiktāni sa nagnahuḥ
- 11
श्यामाकान्सक्तून्कृत्वा सुरायाः संधानकाले तोक्मैर्मासरेण नग्नहुना च सुरां संसृज्य सक्तूनां तृतीयेन परिकीर्य परीतो षिञ्चता सुतम् इत्य् एकस्या गोर्दुग्धेन परिषिच्यापरेण तृतीयेन परिकीर्यैतयैव द्वयोर्दुग्धेनापरेण तृतीयेन परिकीर्यैतयैव तिसृणां दुग्धेन तिस्रो रात्रीः संसृष्टा वसति
śyāmākānsaktūnkṛtvā surāyāḥ saṃdhānakāle tokmairmāsareṇa nagnahunā ca surāṃ saṃsṛjya saktūnāṃ tṛtīyena parikīrya parīto ṣiñcatā sutam ity ekasyā gordugdhena pariṣicyāpareṇa tṛtīyena parikīryaitayaiva dvayordugdhenāpareṇa tṛtīyena parikīryaitayaiva tisṛṇāṃ dugdhena tisro rātrīḥ saṃsṛṣṭā vasati

