19 shlokas
- 1
आश्विनं धूम्रम् अजं सारस्वतं मेषम् ऐन्द्रम् ऋषभं वृष्णिं वा बार्हस्पत्यम्
āśvinaṃ dhūmram ajaṃ sārasvataṃ meṣam aindram ṛṣabhaṃ vṛṣṇiṃ vā bārhaspatyam
- 2
चतुर्थं सोमवामिनः सोमातिपवितस्य वा
caturthaṃ somavāminaḥ somātipavitasya vā
- 3
हुतासु वपासु निष्कम् ऋषभं सात्वरीं च वडबां ददाति
hutāsu vapāsu niṣkam ṛṣabhaṃ sātvarīṃ ca vaḍabāṃ dadāti
- 4
नष्टप्रत्यासृतां ब्रुवते
naṣṭapratyāsṛtāṃ bruvate
- 5
अनुशिशुर्वडबा दक्षिणा
anuśiśurvaḍabā dakṣiṇā
- 6
हरितरजतौ च शतमानाव् इत्य् एके
haritarajatau ca śatamānāv ity eke
- 7
चात्वाले मार्जयित्वापरस्मिन्खरे सुराग्रहान्गृह्णन्ति
cātvāle mārjayitvāparasminkhare surāgrahāngṛhṇanti
- 8
कुविद् अङ्गेति सर्वेषाम् एका पुरोरुग् एका पुरोनुवाक्यैकः प्रैष एका याज्या
kuvid aṅgeti sarveṣām ekā purorug ekā puronuvākyaikaḥ praiṣa ekā yājyā
- 9
उपयामगृहीतो ऽस्य् अच्छिद्रं त्वाच्छिद्रेणाश्विभ्यां जुष्टं गृह्णामीत्य् आश्विनम् अध्वर्युर्गृह्णाति
एतेनैव सरस्वत्या इति सारस्वतं प्रतिप्रस्थाताग्नीध्रो वा
इन्द्राय त्वेत्य् ऐन्द्रं ब्रह्मा यजमानो वा
upayāmagṛhīto 'sy acchidraṃ tvācchidreṇāśvibhyāṃ juṣṭaṃ gṛhṇāmīty āśvinam adhvaryurgṛhṇāti
etenaiva sarasvatyā iti sārasvataṃ pratiprasthātāgnīdhro vā
indrāya tvety aindraṃ brahmā yajamāno vā
- 10
क्वलसक्तुभिः सिंहलोमभिश्चाश्विनं श्रीणाति
बदरसक्तुभिः शार्दूललोमभिश्च सारस्वतम्
कर्कन्धुसक्तुभिर्वृकलोमभिश्चैन्द्रम्
kvalasaktubhiḥ siṃhalomabhiścāśvinaṃ śrīṇāti
badarasaktubhiḥ śārdūlalomabhiśca sārasvatam
karkandhusaktubhirvṛkalomabhiścaindram
- 11
तदभावे सिंहाव् अध्वर्युर्मनसा ध्यायेत्
शार्दूलौ प्रतिप्रस्थाता
वृकौ यजमानः
tadabhāve siṃhāv adhvaryurmanasā dhyāyet
śārdūlau pratiprasthātā
vṛkau yajamānaḥ
- 12
सर्वाञ्छ्येनपत्त्रेण परिमृज्यैष ते योनिर् इति यथादेवतं यथायतनं सादयति
sarvāñchyenapattreṇa parimṛjyaiṣa te yonir iti yathādevataṃ yathāyatanaṃ sādayati
- 13
पयोग्रहा वा स्युः
payograhā vā syuḥ
- 14
पाशुकानि वाज्यानि गृहीत्वा ग्रहान्गृह्णीयुः
pāśukāni vājyāni gṛhītvā grahāngṛhṇīyuḥ
- 15
ततः पुरोडाशान्निर्वपति
बार्हस्पत्यस्य पशुपुरोडाशं निरुप्यैन्द्रम् एकादशकपालम् इति
tataḥ puroḍāśānnirvapati
bārhaspatyasya paśupuroḍāśaṃ nirupyaindram ekādaśakapālam iti
- 16
त्रींस्तान् आसाद्य ग्रहैः प्रचरन्ति
trīṃstān āsādya grahaiḥ pracaranti
- 17
ये गृह्णन्त्य् अध्वर्युः संप्रेष्यति
ye gṛhṇanty adhvaryuḥ saṃpreṣyati
- 18
अश्विभ्यां सरस्वत्या इन्द्राय सुत्राम्णे सोमानां सुराम्णाम् अनुब्रूहि
अश्विभ्यां सरस्वत्या इन्द्राय सुत्राम्णे सोमानां सुराम्णां प्रेष्येति संप्रैषौ
सोमान्सुराम्णः प्रस्थितान्प्रेष्येति वा
aśvibhyāṃ sarasvatyā indrāya sutrāmṇe somānāṃ surāmṇām anubrūhi
aśvibhyāṃ sarasvatyā indrāya sutrāmṇe somānāṃ surāmṇāṃ preṣyeti saṃpraiṣau
somānsurāmṇaḥ prasthitānpreṣyeti vā
- 19
युवं सुरामम् अश्विना नमुचाव् आसुरे सचा
विपिपाना शुभस्पती इन्द्रं कर्मस्व् आवतम्
पुत्रम् इव पितराव् अश्विनोभेन्द्रावतं कर्मणा दंसनाभिः
यत्सुरामं व्यपिबः शचीभिः सरस्वती त्वा मघवन्न् अभीष्णाद् इति सर्वदेवत्ये याज्यानुवाक्ये भवतः
yuvaṃ surāmam aśvinā namucāv āsure sacā
vipipānā śubhaspatī indraṃ karmasv āvatam
putram iva pitarāv aśvinobhendrāvataṃ karmaṇā daṃsanābhiḥ
yatsurāmaṃ vyapibaḥ śacībhiḥ sarasvatī tvā maghavann abhīṣṇād iti sarvadevatye yājyānuvākye bhavataḥ

