14 shlokas
- 1
को ऽसि कतमो ऽसीति पाणी संमृश्याध्वर्युर्व्याहृतीर्जुहोति
ko 'si katamo 'sīti pāṇī saṃmṛśyādhvaryurvyāhṛtīrjuhoti
- 2
अत्र राजसूयवन्मङ्गल्यनाम्न आहूय शिरो मे श्रीर् इति यथालिङ्गम् अङ्गानि संमृश्य जङ्घाभ्यां पद्भ्याम् इति प्रत्यवरुह्य प्रति क्षत्रे प्रतितिष्ठामि राष्ट्र इति जपित्वा त्रया देवा इत्य् आहुतीर्हुत्वा लोमानि प्रयतिर्ममेति यथालिङ्गम् अङ्गानि संमृशते
atra rājasūyavanmaṅgalyanāmna āhūya śiro me śrīr iti yathāliṅgam aṅgāni saṃmṛśya jaṅghābhyāṃ padbhyām iti pratyavaruhya prati kṣatre pratitiṣṭhāmi rāṣṭra iti japitvā trayā devā ity āhutīrhutvā lomāni prayatirmameti yathāliṅgam aṅgāni saṃmṛśate
- 3
स्विष्टकृत्प्रभृति समानम् आवभृथात्
sviṣṭakṛtprabhṛti samānam āvabhṛthāt
- 4
यद्देवा देवहेडनम् इत्य् अवभृथे पञ्चाहुतीर्जुहोतीत्य् आश्मरथ्यः
आहवनीये हूयेरन्न् इत्य् आलेखनः
yaddevā devaheḍanam ity avabhṛthe pañcāhutīrjuhotīty āśmarathyaḥ
āhavanīye hūyerann ity ālekhanaḥ
- 5
अवभृथ निचङ्कणेत्य् अवभृथं यजमानो ऽभिमन्त्र्य सुमित्रा न आपो द्रुपदाद् इवेन्मुमुचान इत्य् आप्लुत्योद्वयं तमसस्परीत्य् आदित्यम् उपस्थाय प्रतियुतो वरुणस्य पाश इत्य् उदकान्तं प्रत्यस्यति
avabhṛtha nicaṅkaṇety avabhṛthaṃ yajamāno 'bhimantrya sumitrā na āpo drupadād ivenmumucāna ity āplutyodvayaṃ tamasasparīty ādityam upasthāya pratiyuto varuṇasya pāśa ity udakāntaṃ pratyasyati
- 6
पशुवत्समिध उपस्थानं च
paśuvatsamidha upasthānaṃ ca
- 7
समाववर्तीत्य् उपस्थाय भूः स्वाहेत्य् आहुतिं हुत्वा पूर्ववत्पितृयज्ञः
samāvavartīty upasthāya bhūḥ svāhety āhutiṃ hutvā pūrvavatpitṛyajñaḥ
- 8
इन्द्राय वयोधसे पशुम् आलभते
indrāya vayodhase paśum ālabhate
- 9
ऋषभो दक्षिणा
ṛṣabho dakṣiṇā
- 10
आदित्यं चरुम्
ādityaṃ carum
- 11
धेनुः
dhenuḥ
- 12
विज्ञायते च
वत्सं पूर्वस्यां ददाति
मातरम् उत्तरस्याम्
vijñāyate ca
vatsaṃ pūrvasyāṃ dadāti
mātaram uttarasyām
- 13
संतिष्ठते कौकिली
saṃtiṣṭhate kaukilī
- 14
तया स्वर्गकामो यजेत
tayā svargakāmo yajeta

