20 shlokas
- 1
ऋषभे गोषु जीर्णे यूनः कर्णम् आजपेत्पिशङ्गरूपस्तन्नस्तुरीपम् इत्य् एताभ्याम्
ṛṣabhe goṣu jīrṇe yūnaḥ karṇam ājapetpiśaṅgarūpastannasturīpam ity etābhyām
- 2
अथैनं गोष्व् अपिसृजत्य् एतं युवानम् इति
athainaṃ goṣv apisṛjaty etaṃ yuvānam iti
- 3
अथ जीर्णम् आलभते प्राजापत्यम् ऐन्द्रं त्वाष्ट्रं वा
atha jīrṇam ālabhate prājāpatyam aindraṃ tvāṣṭraṃ vā
- 4
नमो महिम्न इत्य् उपाकरणे ऽनुवर्तयते
namo mahimna ity upākaraṇe 'nuvartayate
- 5
तृतीयया वपां जुहोति
चतुर्थ्या हविः
पञ्चम्या सौविष्टकृतम्
tṛtīyayā vapāṃ juhoti
caturthyā haviḥ
pañcamyā sauviṣṭakṛtam
- 6
आग्नेयम् अष्टाकपालं निरुप्याजां वशाम् आलभते
āgneyam aṣṭākapālaṃ nirupyājāṃ vaśām ālabhate
- 7
वायव्याम् आलभेत भूतिकाम इत्य् उक्तानि दैवतानि
vāyavyām ālabheta bhūtikāma ity uktāni daivatāni
- 8
वायव्ययोपाकरोत्य् आ वायो भूष शुचिपा इति
vāyavyayopākaroty ā vāyo bhūṣa śucipā iti
- 9
आकूत्यै त्वा कामाय त्वेति पर्यग्नौ क्रियमाणे जुहोति
ākūtyai tvā kāmāya tveti paryagnau kriyamāṇe juhoti
- 10
त्वं तुरीया वशिनी वशासीत्य् उदीचीं नीयमानाम् अनुमन्त्रयते
tvaṃ turīyā vaśinī vaśāsīty udīcīṃ nīyamānām anumantrayate
- 11
अजासि रयिष्ठेति निहन्यमानाम्
ajāsi rayiṣṭheti nihanyamānām
- 12
तन्तुं तन्वन्न् इति वपां जुहोति
tantuṃ tanvann iti vapāṃ juhoti
- 13
अनुल्बणं वयत जोगुवाम् अप इति हविः
anulbaṇaṃ vayata joguvām apa iti haviḥ
- 14
मनसो हविर् असीति हविःशेषान्प्राश्नन्ति
manaso havir asīti haviḥśeṣānprāśnanti
- 15
सा वा एषा त्रयाणाम् एवावरुद्धेत्य् उक्तम्
sā vā eṣā trayāṇām evāvaruddhety uktam
- 16
तस्यै वा एतस्या एकम् एवादेवयजनं यद् आलब्धायाम् अभ्रो भवति
tasyai vā etasyā ekam evādevayajanaṃ yad ālabdhāyām abhro bhavati
- 17
यद् आलब्धायाम् अभ्रः स्याद् अप्सु वा प्रवेशयेत्सर्वां वा यजमान एवान्वहं प्राश्नीयात्
yad ālabdhāyām abhraḥ syād apsu vā praveśayetsarvāṃ vā yajamāna evānvahaṃ prāśnīyāt
- 18
जयाभ्याताना राष्ट्रभृत इति ब्राह्मणव्याख्याताः
jayābhyātānā rāṣṭrabhṛta iti brāhmaṇavyākhyātāḥ
- 19
अस्मिन्ब्रह्मन्न् इत्य् अभ्यातानेष्व् अनुषजति
asminbrahmann ity abhyātāneṣv anuṣajati
- 20
येन कर्मणेर्त्सेत्तत्र होतव्या ऋध्नोत्य् एव तेन कर्मणेति विज्ञायते
yena karmaṇertsettatra hotavyā ṛdhnoty eva tena karmaṇeti vijñāyate

