10 shlokas
- 1
छन्दांसि वा अन्योन्यस्यायतनम् अभ्यध्यायन्गायत्री त्रिष्टुभश्च जगत्यै चायतनम् अभ्यध्यायत्त्रिष्टुब्गायत्र्यै च जगत्यै च जगती गायत्र्यै च त्रिष्टुभश्च ततो वा एतम्प्रजापतिर्व्यूᄆहछन्दसं द्वादशाहम् अपश्यत्तम् आहरत्तेनायजत तेन स सर्वान्कामांश्छन्दांस्य् अगमयत्
chandāṃsi vā anyonyasyāyatanam abhyadhyāyangāyatrī triṣṭubhaśca jagatyai cāyatanam abhyadhyāyattriṣṭubgāyatryai ca jagatyai ca jagatī gāyatryai ca triṣṭubhaśca tato vā etamprajāpatirvyūᄆhachandasaṃ dvādaśāham apaśyattam āharattenāyajata tena sa sarvānkāmāṃśchandāṃsy agamayat
- 2
सर्वान्कामान्गच्छति य एवं वेद
sarvānkāmāngacchati ya evaṃ veda
- 3
छन्दांसि व्यूहत्य् अयातयामतायै
chandāṃsi vyūhaty ayātayāmatāyai
- 4
छन्दांस्य् एव व्यूहति तद्यथादो ऽश्वैर्वानᄆउद्भिर्वान्यैर् अन्यैर् अश्रान्ततरैर् अश्रान्ततरैर् उपविमोकं यान्त्य् एवम् एवैतच्छन्दोभिर् अन्यैर् अन्यैर् अश्रान्ततरैर् अश्रान्ततरैर् उपविमोकं स्वर्गं लोकम्यन्ति यच्छन्दांसि व्यूहति
chandāṃsy eva vyūhati tadyathādo 'śvairvānaᄆudbhirvānyair anyair aśrāntatarair aśrāntatarair upavimokaṃ yānty evam evaitacchandobhir anyair anyair aśrāntatarair aśrāntatarair upavimokaṃ svargaṃ lokamyanti yacchandāṃsi vyūhati
- 5
इमौ वै लोकौ सहास्तां तौ व्यैतां नावर्षन्न समतपत्ते पञ्चजना न समजानत तौ देवाः समनयंस्तौ संयन्ताव् एतं देवविवाहं व्यवहेतां रथंतरेणैवेयम् अमूं जिन्वति बृहतासाव् इमाम्
imau vai lokau sahāstāṃ tau vyaitāṃ nāvarṣanna samatapatte pañcajanā na samajānata tau devāḥ samanayaṃstau saṃyantāv etaṃ devavivāhaṃ vyavahetāṃ rathaṃtareṇaiveyam amūṃ jinvati bṛhatāsāv imām
- 6
नौधसेनैवेयम् अमूं जिन्वति श्यैतेनासाव् इमां धूमेनैवेयम् अमूं जिन्वति वृष्ट्यासाव् इमां देवयजनम् एवेयम् अमुष्याम् अदधात्पशून् असाव् अस्याम्
naudhasenaiveyam amūṃ jinvati śyaitenāsāv imāṃ dhūmenaiveyam amūṃ jinvati vṛṣṭyāsāv imāṃ devayajanam eveyam amuṣyām adadhātpaśūn asāv asyām
- 7
एतद्वा इयम् अमुष्यां देवयजनम् अदधाद्यद् एतच्चन्द्रमसि कृष्णम् इव
etadvā iyam amuṣyāṃ devayajanam adadhādyad etaccandramasi kṛṣṇam iva
- 8
तस्माद् आपूर्यमाणपक्षेषु यजन्त एतद् एवोपेप्सन्तः
tasmād āpūryamāṇapakṣeṣu yajanta etad evopepsantaḥ
- 9
ऊषान् असाव् अस्यां तद्धापि तुरः कावषेय उवाचोषः पोषो जनमेजयकेति तस्माद्धाप्येतर्हि गव्यम्मीमांसमानाः पृच्छन्ति सन्ति तत्रोषाः इति ऊषो हि पोषो ऽसौ वै लोक इमं लोकम् अभिपर्यावर्तत
ūṣān asāv asyāṃ taddhāpi turaḥ kāvaṣeya uvācoṣaḥ poṣo janamejayaketi tasmāddhāpyetarhi gavyammīmāṃsamānāḥ pṛcchanti santi tatroṣāḥ iti ūṣo hi poṣo 'sau vai loka imaṃ lokam abhiparyāvartata
- 10
ततो वै द्यावापृथिवी अभवतां न द्यावान्तरिक्षान्नान्तरिक्षाद्भूमिः
tato vai dyāvāpṛthivī abhavatāṃ na dyāvāntarikṣānnāntarikṣādbhūmiḥ

