8 shlokas
- 1
ज्योतिर्गौर् आयुर् इति स्तोमेभिर्यन्त्य् अयं वै लोको ज्योतिर् अन्तरिक्षं गौर् असौ लोक आयुः
jyotirgaur āyur iti stomebhiryanty ayaṃ vai loko jyotir antarikṣaṃ gaur asau loka āyuḥ
- 2
स एवैष उत्तरस्त्र्यहः
sa evaiṣa uttarastryahaḥ
- 3
ज्योतिर्गौर् आयुर् इति त्रीण्य् अहानि गौर् आयुर्ज्योतिर् इति त्रीणि
jyotirgaur āyur iti trīṇy ahāni gaur āyurjyotir iti trīṇi
- 4
अयं वै लोको ज्योतिर् असौ लोको ज्योतिस्ते एते ज्योतिषी उभयतः संलोकेते
ayaṃ vai loko jyotir asau loko jyotiste ete jyotiṣī ubhayataḥ saṃlokete
- 5
तेनैतेनोभयतोज्योतिषा षᄆअहेन यन्ति तद्यद् एतेनोभयतोज्योतिषा षᄆअहेन यन्त्य् अनयोर् एव तल्लोकयोर् उभयतः प्रतितिष्ठन्तो यन्त्य् अस्मिंश्च लोके ऽमुष्मिंश्चोभयोः
tenaitenobhayatojyotiṣā ṣaᄆahena yanti tadyad etenobhayatojyotiṣā ṣaᄆahena yanty anayor eva tallokayor ubhayataḥ pratitiṣṭhanto yanty asmiṃśca loke 'muṣmiṃścobhayoḥ
- 6
परियद्वा एतद्देवचक्रं यद् अभिप्लवः षᄆअहस्तस्य याव् अभितो ऽग्निष्टोमौ तौ प्रधी ये चत्वारो मध्य उक्थ्यास्तन्नभ्यम्
pariyadvā etaddevacakraṃ yad abhiplavaḥ ṣaᄆahastasya yāv abhito 'gniṣṭomau tau pradhī ye catvāro madhya ukthyāstannabhyam
- 7
गच्छति वै वर्तमानेन यत्र कामयते तत्स्वस्ति संवत्सरस्य पारम् अश्नुते य एवं वेद
gacchati vai vartamānena yatra kāmayate tatsvasti saṃvatsarasya pāram aśnute ya evaṃ veda
- 8
यो वै तद्वेद यत्प्रथमः षᄆअहः स वै स्वस्ति संवत्सरस्य पारम् अश्नुते यस्तद्वेद यद्द्वितीयो यस्तद्वेद यत्तृतीयो यस्तद्वेद यच्चतुर्थो यस्तद्वेद यत्पञ्चमः
yo vai tadveda yatprathamaḥ ṣaᄆahaḥ sa vai svasti saṃvatsarasya pāram aśnute yastadveda yaddvitīyo yastadveda yattṛtīyo yastadveda yaccaturtho yastadveda yatpañcamaḥ

