6 shlokas
- 1
आहूय दूरोहणं रोहति स्वर्गो वै लोको दूरोहणं वाग् आहावो ब्रह्म वै वाक्स यद् आह्वयते तद्ब्रह्मणाहावेन स्वर्गं लोकं रोहति
āhūya dūrohaṇaṃ rohati svargo vai loko dūrohaṇaṃ vāg āhāvo brahma vai vāksa yad āhvayate tadbrahmaṇāhāvena svargaṃ lokaṃ rohati
- 2
स पच्छः प्रथमं रोहतीमं तल्लोकम् आप्नोत्य् अथार्धर्चशो ऽन्तरिक्षं तद् आप्नोत्य् अथ त्रिपद्यामुं तल्लोकम् आप्नोत्य् अथ केवल्या तद् एतस्मिन्प्रतितिष्ठति य एष तपति
sa pacchaḥ prathamaṃ rohatīmaṃ tallokam āpnoty athārdharcaśo 'ntarikṣaṃ tad āpnoty atha tripadyāmuṃ tallokam āpnoty atha kevalyā tad etasminpratitiṣṭhati ya eṣa tapati
- 3
त्रिपद्या प्रत्यवरोहति यथा शाखां धारयमाणस्तद् अमुष्मिंल्लोके प्रतितिष्ठत्य् अर्धर्चशो ऽन्तरिक्षे पच्छो ऽस्मिंल्लोक आप्त्वैव तत्स्वर्गं लोकं यजमाना अस्मिंल्लोके प्रतितिष्ठन्ति
tripadyā pratyavarohati yathā śākhāṃ dhārayamāṇastad amuṣmiṃlloke pratitiṣṭhaty ardharcaśo 'ntarikṣe paccho 'smiṃlloka āptvaiva tatsvargaṃ lokaṃ yajamānā asmiṃlloke pratitiṣṭhanti
- 4
अथ य एककामाः स्युः स्वर्गकामाः पराञ्चम् एव तेषां रोहेत्ते जयेयुर्हैव स्वर्गं लोकम्
atha ya ekakāmāḥ syuḥ svargakāmāḥ parāñcam eva teṣāṃ rohette jayeyurhaiva svargaṃ lokam
- 5
न त्व् एवास्मिंल्लोके ज्योग् इव वसेयुः
na tv evāsmiṃlloke jyog iva vaseyuḥ
- 6
मिथुनानि सूक्तानि शस्यन्ते त्रैष्टुभानि च जागतानि च मिथुनं वै पशवः पशवश्छन्दांसि पशूनां अवरुद्ध्यै
mithunāni sūktāni śasyante traiṣṭubhāni ca jāgatāni ca mithunaṃ vai paśavaḥ paśavaśchandāṃsi paśūnāṃ avaruddhyai

