31 shlokas
- 1
परिव्राजकः सर्वभूताभयदक्षिणां दत्त्वा प्रतिष्ठेत
parivrājakaḥ sarvabhūtābhayadakṣiṇāṃ dattvā pratiṣṭheta
- 2
अथाप्य् उदाहरन्ति
अभयं सर्वभूतेभ्यो दत्त्वा चरति यो मुनिः
तस्यापि सर्वभूतेभ्यो न भयं जातु विद्यते
athāpy udāharanti
abhayaṃ sarvabhūtebhyo dattvā carati yo muniḥ
tasyāpi sarvabhūtebhyo na bhayaṃ jātu vidyate
- 3
अभयं सर्वभूतेभ्यो ऽदत्त्वा यस्तु निवर्तते
हन्ति जातान् अजातांश्च द्रव्याणि प्रतिगृह्य च
abhayaṃ sarvabhūtebhyo 'dattvā yastu nivartate
hanti jātān ajātāṃśca dravyāṇi pratigṛhya ca
- 4
संन्यसेत्सर्वकर्माणि वेदम् एकं न संन्यसेत्
वेदसंन्यसनाच्छूद्रस्तस्माद्वेदं न संन्यसेत्
saṃnyasetsarvakarmāṇi vedam ekaṃ na saṃnyaset
vedasaṃnyasanācchūdrastasmādvedaṃ na saṃnyaset
- 5
एकाक्षरं परं ब्रह्म प्राणायामाः परं तपः
उपवासात्परं भैक्षं दया दानाद्विशिष्यत इति
ekākṣaraṃ paraṃ brahma prāṇāyāmāḥ paraṃ tapaḥ
upavāsātparaṃ bhaikṣaṃ dayā dānādviśiṣyata iti
- 6
मुण्डो ऽममो ऽपरिग्रहः
muṇḍo 'mamo 'parigrahaḥ
- 7
सप्तागाराण्य् असंकल्पितानि चरेद्भिक्षाम्
saptāgārāṇy asaṃkalpitāni caredbhikṣām
- 8
विधूमे सन्नमुसले
vidhūme sannamusale
- 9
एकशाटीपरिहितः
ekaśāṭīparihitaḥ
- 10
अजिनेन वा गोप्रलूनैस्तृणैर् अवस्तृतशरीरः
ajinena vā gopralūnaistṛṇair avastṛtaśarīraḥ
- 11
स्थण्डिलशायी
sthaṇḍilaśāyī
- 12
अनित्यां वसतिं वसेत्
anityāṃ vasatiṃ vaset
- 13
ग्रामान्ते देवगृहे शून्यागारे वा वृक्षमूले वा
grāmānte devagṛhe śūnyāgāre vā vṛkṣamūle vā
- 14
मनसा ज्ञानम् अधीयानः
manasā jñānam adhīyānaḥ
- 15
अरण्यनित्यः
araṇyanityaḥ
- 16
न ग्राम्यपशूनां संदर्शने विचरेत्
na grāmyapaśūnāṃ saṃdarśane vicaret
- 17
अरण्यनित्यस्य जितेन्द्रियस्य सर्वेन्द्रियप्रीतिनिवर्तकस्य
अध्यात्मचिन्तागतमानसस्य ध्रुवा ह्य् अनावृत्तिर् उपेक्षकस्येति
araṇyanityasya jitendriyasya sarvendriyaprītinivartakasya
adhyātmacintāgatamānasasya dhruvā hy anāvṛttir upekṣakasyeti
- 18
अव्यक्तलिङ्गो ऽव्यक्ताचारः
avyaktaliṅgo 'vyaktācāraḥ
- 19
अनुन्मत्त उन्मत्तवेषः
anunmatta unmattaveṣaḥ
- 20
अथाप्य् उदाहरन्ति
न शब्दशास्त्राभिरतस्य मोक्षो न चापि लोकग्रहणे रतस्य
athāpy udāharanti
na śabdaśāstrābhiratasya mokṣo na cāpi lokagrahaṇe ratasya
- 21
न चोत्पातनिमित्ताभ्याम्न नक्षत्राङ्गविद्यया
नानुशासनवादाभ्यां भिक्षां लिप्सेत कर्हिचित्
na cotpātanimittābhyāmna nakṣatrāṅgavidyayā
nānuśāsanavādābhyāṃ bhikṣāṃ lipseta karhicit
- 22
अलाभे न विषादी स्याल्लाभे नैव च हर्षयेत्
प्राणयात्रिकमात्रः स्यान्मात्रासङ्गाद्विवर्जितः
alābhe na viṣādī syāllābhe naiva ca harṣayet
prāṇayātrikamātraḥ syānmātrāsaṅgādvivarjitaḥ
- 23
न कुट्यां नोदके सङ्गो न चैले न त्रिपुष्करे
नागारे नासने नान्ने यस्य वै मोक्षविद्तु स इति
na kuṭyāṃ nodake saṅgo na caile na tripuṣkare
nāgāre nāsane nānne yasya vai mokṣavidtu sa iti
- 24
ब्राह्मणकुले यावल्लभेत तद्भुञ्जीत सायं प्रातर्मधुमांसवर्जम्
brāhmaṇakule yāvallabheta tadbhuñjīta sāyaṃ prātarmadhumāṃsavarjam
- 25
न च तृप्येत्
na ca tṛpyet
- 26
ग्रामे वा वसेत्
grāme vā vaset
- 27
अजिह्मो ऽशवो ऽशरणो ऽवसंकुतुकः
ajihmo 'śavo 'śaraṇo 'vasaṃkutukaḥ
- 28
न चेन्द्रियसंसर्गं कुर्वीत केनचित्
na cendriyasaṃsargaṃ kurvīta kenacit
- 29
उपेक्षकः सर्वभूतानां हिंसानुग्रहपरिहारेण
upekṣakaḥ sarvabhūtānāṃ hiṃsānugrahaparihāreṇa
- 30
पैशुन्यमत्सराभिमानाहङ्काराश्रद्धानार्जवात्मस्तवपरगर्हादम्भलोभमोहक्रोधासूयाविवर्जनं सर्वाश्रमाणां धर्म इष्टः
paiśunyamatsarābhimānāhaṅkārāśraddhānārjavātmastavaparagarhādambhalobhamohakrodhāsūyāvivarjanaṃ sarvāśramāṇāṃ dharma iṣṭaḥ

