20 shlokas
- 1
यत्ते ग्रावा बाहुच्युतो अचुच्योन्नरो यद्वा ते हस्तयोर् अधुक्षन्
तत्त आप्यायतां तत्ते निष्ट्यायतां सोम राजन्
यत्ते ग्राव्णा चिछिदुः सोम राजन्प्रियाण्य् अङ्गा सुकृता पुरूणि
तत्संधत्स्वाज्येनोत वर्धयस्वानागसो यथा सदम् इत्संक्षियेम
यां ते त्वचं बिभिदुर्यां च योनिं यद्वा स्थानात्प्रच्युतो यदि वासुतो ऽसि
त्वया सोम कॢप्तम् अस्माकम् एतद् उप नो राजन्सुकृते ह्वयस्व
सं प्राणापानाभ्यां सम् उ चक्षुषा सं श्रोत्रेण गच्छस्व सोम राजन्
यत्ते विरिष्टं सम् उ तत्त एतज्जानीतान्नः संगमने पथीनाम्
अहाः शरीरं पयसा समेत्य् अन्यो अन्यो भवति वर्णो अस्य
तस्मै त इन्दो हविषा विधेम वयं स्याम पतयो रयीणाम्
अभिक्षरन्ति जुह्वो घृतेनाङ्गा परूंषि तव वर्धयन्ति
तस्मै ते सोम नम इद्वषट्चोप नो राजन्सुकृते ह्वयस्व
yatte grāvā bāhucyuto acucyonnaro yadvā te hastayor adhukṣan
tatta āpyāyatāṃ tatte niṣṭyāyatāṃ soma rājan
yatte grāvṇā cichiduḥ soma rājanpriyāṇy aṅgā sukṛtā purūṇi
tatsaṃdhatsvājyenota vardhayasvānāgaso yathā sadam itsaṃkṣiyema
yāṃ te tvacaṃ bibhiduryāṃ ca yoniṃ yadvā sthānātpracyuto yadi vāsuto 'si
tvayā soma kḷptam asmākam etad upa no rājansukṛte hvayasva
saṃ prāṇāpānābhyāṃ sam u cakṣuṣā saṃ śrotreṇa gacchasva soma rājan
yatte viriṣṭaṃ sam u tatta etajjānītānnaḥ saṃgamane pathīnām
ahāḥ śarīraṃ payasā samety anyo anyo bhavati varṇo asya
tasmai ta indo haviṣā vidhema vayaṃ syāma patayo rayīṇām
abhikṣaranti juhvo ghṛtenāṅgā parūṃṣi tava vardhayanti
tasmai te soma nama idvaṣaṭcopa no rājansukṛte hvayasva
- 2
कृष्णाजिनं निधाय सम्प्रोक्षति
kṛṣṇājinaṃ nidhāya samprokṣati
- 3
अपां सूक्तैर् इत्याद्य् उपस्पर्शनान्तम्
apāṃ sūktair ityādy upasparśanāntam
- 4
उद्वयम् इत्य् उत्क्रामन्ति
udvayam ity utkrāmanti
- 5
अपाम सोमम् अगन्म स्वर् इत्य् आव्रजन्ति
apāma somam aganma svar ity āvrajanti
- 6
अपो दिव्या इत्य् आहवनीयम् उपतिष्ठन्ते
apo divyā ity āhavanīyam upatiṣṭhante
- 7
विमुञ्चामीत्यादि मार्जनान्तम्
vimuñcāmītyādi mārjanāntam
- 8
उदयनीया प्रायणीयावत्
पथ्यायाश्चतुर्थम्
udayanīyā prāyaṇīyāvat
pathyāyāścaturtham
- 9
अन्तसंस्था
antasaṃsthā
- 10
अनूबन्ध्यायाम् अपराजितायां तिष्ठन्त्यां सपत्नहनम् इति कामं नमस्करोति
anūbandhyāyām aparājitāyāṃ tiṣṭhantyāṃ sapatnahanam iti kāmaṃ namaskaroti
- 11
यूपैकादशिनी चेद्वपामार्जना त्वाष्ट्रः पशुः
yūpaikādaśinī cedvapāmārjanā tvāṣṭraḥ paśuḥ
- 12
पर्यग्निकृतस्योत्सर्गः
paryagnikṛtasyotsargaḥ
- 13
अस्याज्यावदानहोमम्
वशापशुपुरोडाशाद्देविकाहवींषि
asyājyāvadānahomam
vaśāpaśupuroḍāśāddevikāhavīṃṣi
- 14
अयं ते योनिर् इत्य् अरण्योर् अग्निं समारोप्यमाणम् अनुमन्त्रयते
या ते अग्ने यज्ञिया तनूस्तया मे ह्य् आरोह तया मे ह्य् आविश
अयं ते योनिर् इत्य् आत्मन्
ayaṃ te yonir ity araṇyor agniṃ samāropyamāṇam anumantrayate
yā te agne yajñiyā tanūstayā me hy āroha tayā me hy āviśa
ayaṃ te yonir ity ātman
- 15
अपमित्यम् अप्रतीत्तम् इति वेदिम् उपोष्यमाणाम्
apamityam apratīttam iti vedim upoṣyamāṇām
- 16
सक्तुहोमे विश्वलोप विश्वदावस्य त्वासन्जुहोमीत्य् आह
saktuhome viśvalopa viśvadāvasya tvāsanjuhomīty āha
- 17
यो अग्नाविति नमस्कृत्य तेनैव निष्क्रामन्ति
yo agnāviti namaskṛtya tenaiva niṣkrāmanti
- 18
उपावरोहेति मथ्यमानम् अनुमन्त्रयते
upāvaroheti mathyamānam anumantrayate
- 19
इत्य् अग्निष्टोमः
ity agniṣṭomaḥ
- 20
अल्पस्व एकगुनापि यजेत यजेत
alpasva ekagunāpi yajeta yajeta

