14 shlokas
- 1
अग्निहोत्रं च मा पौर्णमासश्च यज्ञः पुरस्तात्प्रत्यञ्चम् उभौ कामप्रौ भूत्वा क्षित्या सहाविशताम्
वसतिश्च मामावास्यश्च यज्ञः पश्चात्प्राञ्चम्
मनश्च मा पितृयज्ञश्च यज्ञो दक्षिणत उदञ्चम्
वाक्च मेष्टिश्चोत्तरतो दक्षिणाञ्चम्
रेतश्च मान्नं चेत ऊर्ध्वम्
चक्षुश्च मा पशुबन्धश्च यज्ञो ऽमुतो ऽर्वाञ्चम् इति
agnihotraṃ ca mā paurṇamāsaśca yajñaḥ purastātpratyañcam ubhau kāmaprau bhūtvā kṣityā sahāviśatām
vasatiśca māmāvāsyaśca yajñaḥ paścātprāñcam
manaśca mā pitṛyajñaśca yajño dakṣiṇata udañcam
vākca meṣṭiścottarato dakṣiṇāñcam
retaśca mānnaṃ ceta ūrdhvam
cakṣuśca mā paśubandhaśca yajño 'muto 'rvāñcam iti
- 2
दीक्षान्ते च वसुसंपत्तये
dīkṣānte ca vasusaṃpattaye
- 3
नैनं बहिर्वेद्यभ्युदियान्नाभ्य् अस्तम् इयात्
नाधिष्ण्ये प्रतपेत्
nainaṃ bahirvedyabhyudiyānnābhy astam iyāt
nādhiṣṇye pratapet
- 4
सत्यं वदेत्
satyaṃ vadet
- 5
व्रतलोपे यद् अस्मृतीत्य् अग्निम् उपतिष्ठते
vratalope yad asmṛtīty agnim upatiṣṭhate
- 6
सत्यं बृहद् इति लोष्टम् आदाय शुद्धा न आप इति मूत्रपुरीषे क्षारयति
पवित्रेण पृथिवीति लोष्टेनात्मानम् उत्पुनाति
satyaṃ bṛhad iti loṣṭam ādāya śuddhā na āpa iti mūtrapurīṣe kṣārayati
pavitreṇa pṛthivīti loṣṭenātmānam utpunāti
- 7
य ऋते चिद् अभिश्रिष इति शीर्णं दण्डाद्य् अभिमन्त्रयते
स्वप्नेषूक्तम्
दिवो नु माम् इति च
ya ṛte cid abhiśriṣa iti śīrṇaṃ daṇḍādy abhimantrayate
svapneṣūktam
divo nu mām iti ca
- 8
यद् अत्रापि मधोर् अहं निरष्ठविषम् अस्मृतम्
अग्निश्च तत्सविता च पुनर्मे जठरे धत्ताम् इति जाम्बीलस्कन्दन आत्मानम् अनुमन्त्रयते
yad atrāpi madhor ahaṃ niraṣṭhaviṣam asmṛtam
agniśca tatsavitā ca punarme jaṭhare dhattām iti jāmbīlaskandana ātmānam anumantrayate
- 9
यद् अत्रापि रसस्य मे परापपातास्मृतम्
तद् इहोपह्वयामहे तन्म आप्यायतां पुनर् इति रेतसः
yad atrāpi rasasya me parāpapātāsmṛtam
tad ihopahvayāmahe tanma āpyāyatāṃ punar iti retasaḥ
- 10
परो ऽपेहीत्य् अशस्तशंसने
paro 'pehīty aśastaśaṃsane
- 11
अश्मन्वतीत्य् अपां तरणे
aśmanvatīty apāṃ taraṇe
- 12
अपः समुद्राद् इत्य् अनाच्छादिताभिवर्षणे
apaḥ samudrād ity anācchāditābhivarṣaṇe
- 13
अव ज्याम् इवेति क्रोधे
ava jyām iveti krodhe
- 14
ऋतुमतीं जायां सारूपवत्सं श्रपयित्वाभिघार्योद्वास्योद्धृत्याभिहिङ्कृत्य गर्भवेदनपुंसवनैः संपातवन्तं पराम् एव प्राशयेत्
ṛtumatīṃ jāyāṃ sārūpavatsaṃ śrapayitvābhighāryodvāsyoddhṛtyābhihiṅkṛtya garbhavedanapuṃsavanaiḥ saṃpātavantaṃ parām eva prāśayet

