26 shlokas
- 1
सोमेन यक्ष्यमाण ऐन्द्राग्नम् उस्रम् आलभेत यस्य पिता पितामहः सोमं न पिबेत्
somena yakṣyamāṇa aindrāgnam usram ālabheta yasya pitā pitāmahaḥ somaṃ na pibet
- 2
ऋत्विजो वृणीते
अथर्वाङ्गिरोविदं ब्रह्माणम्
सामविदम् उद्गातारम्
ऋग्विदं होतारम्
यजुर्विदम् अध्वर्युम्
ṛtvijo vṛṇīte
atharvāṅgirovidaṃ brahmāṇam
sāmavidam udgātāram
ṛgvidaṃ hotāram
yajurvidam adhvaryum
- 3
ब्राह्मणाच्छंसी पोताग्नीध्र इति ब्रह्मणो ऽनुचराः सदस्यश्च
प्रस्तोता प्रतिहर्ता सुब्रह्मण्य इत्य् उद्गातुः
मैत्रावरुणो ऽच्छावाको ग्रावस्तुद् इति होतुः
प्रतिप्रस्थाता नेष्टोन्नेतेत्य् अध्वर्योः
brāhmaṇācchaṃsī potāgnīdhra iti brahmaṇo 'nucarāḥ sadasyaśca
prastotā pratihartā subrahmaṇya ity udgātuḥ
maitrāvaruṇo 'cchāvāko grāvastud iti hotuḥ
pratiprasthātā neṣṭonnetety adhvaryoḥ
- 4
वसन्तादिषु यथावर्णं देवयजनम् इत्य् उक्तम्
vasantādiṣu yathāvarṇaṃ devayajanam ity uktam
- 5
यस्य श्वभ्र ऊर्मो वृक्षः पर्वतो नदी पन्था वा पुरस्तात्स्यात्
न देवयजनमात्रं पुरस्तात्पर्यवशिष्येत्
yasya śvabhra ūrmo vṛkṣaḥ parvato nadī panthā vā purastātsyāt
na devayajanamātraṃ purastātparyavaśiṣyet
- 6
सोमरूपाण्य् अनुध्यायेत्
somarūpāṇy anudhyāyet
- 7
दीक्षणीयायाम् आग्नावैष्णवम्
dīkṣaṇīyāyām āgnāvaiṣṇavam
- 8
पत्नीसंयाजान्ता
patnīsaṃyājāntā
- 9
दीक्षितो ऽभ्यञ्जनम् इत्य् अभ्यज्यमानो जपति
dīkṣito 'bhyañjanam ity abhyajyamāno japati
- 10
पुनन्तु मेति पाव्यमानः
punantu meti pāvyamānaḥ
- 11
सुत्रामाणम् इति कृष्णाजिनम् उपवेशितः
sutrāmāṇam iti kṛṣṇājinam upaveśitaḥ
- 12
दीक्षितावेदनात्कामं चरन्ति
dīkṣitāvedanātkāmaṃ caranti
- 13
अस्तम् इते वाग्विसर्जनाद् अस्तं यते नम इति नमस्कृत्य नक्षत्राणां मा संकाशश्च प्रतीकाशश्चावताम् इति नक्षत्राण्य् उपतिष्ठते
astam ite vāgvisarjanād astaṃ yate nama iti namaskṛtya nakṣatrāṇāṃ mā saṃkāśaśca pratīkāśaścāvatām iti nakṣatrāṇy upatiṣṭhate
- 14
दक्षिणेनाग्निं कशिप्वित्यादि वीक्षणान्तम्
dakṣiṇenāgniṃ kaśipvityādi vīkṣaṇāntam
- 15
पुनः प्राण इति मन्त्रोक्तान्य् अभिमन्त्रयते
punaḥ prāṇa iti mantroktāny abhimantrayate
- 16
आदित्यस्य मा संकाशः
उद्यते नम इत्य् आदित्यम् उपतिष्ठते
ādityasya mā saṃkāśaḥ
udyate nama ity ādityam upatiṣṭhate
- 17
व्रतानि
vratāni
- 18
अप्रत्युत्थायिकः
अनभिवादुकः
apratyutthāyikaḥ
anabhivādukaḥ
- 19
न नाम गृह्णाति
विचक्षणोत्तरं ब्राह्मणस्य चनसितोत्तरं प्राजापत्यस्य
na nāma gṛhṇāti
vicakṣaṇottaraṃ brāhmaṇasya canasitottaraṃ prājāpatyasya
- 20
न दानहोमपाकाध्ययनानि
न वसूनि
na dānahomapākādhyayanāni
na vasūni
- 21
कृष्णाजिनं वसीत
kṛṣṇājinaṃ vasīta
- 22
कुरीरं धारयेत्
kurīraṃ dhārayet
- 23
मुष्टी कुर्यात्
muṣṭī kuryāt
- 24
अङ्गुष्ठप्रभृतयस्तिस्र उच्छ्रयेत्
aṅguṣṭhaprabhṛtayastisra ucchrayet
- 25
मृगशृङ्गं गृह्णीयात्
तेन कषेत
mṛgaśṛṅgaṃ gṛhṇīyāt
tena kaṣeta
- 26
यस्य वाग्वायता स्यान्मुष्टी वावसृष्टौ स एतानि जपेत्
yasya vāgvāyatā syānmuṣṭī vāvasṛṣṭau sa etāni japet

