17 shlokas
- 1
वसतीवरीः परिह्रियमाणाः पूर्णम् अध्वर्यो प्रभरेत्य् अनुमन्त्रयते
vasatīvarīḥ parihriyamāṇāḥ pūrṇam adhvaryo prabharety anumantrayate
- 2
आग्नीध्रीये स्थाप्यमाना उत्तरया अमूर्या इति च
āgnīdhrīye sthāpyamānā uttarayā amūryā iti ca
- 3
दीक्षितस्तत्र वसति
dīkṣitastatra vasati
- 4
अपररात्र ऋत्विजः प्रबोधिताः शालाद्वार्ये ऽप उपस्पृशन्ति
apararātra ṛtvijaḥ prabodhitāḥ śālādvārye 'pa upaspṛśanti
- 5
हविरुपावहृत इत्यादि वैश्वानरो ऽग्निष्टोम इत्यन्ताभिर्यज्ञतनूभिः पुरा प्रचरितोर् आग्नीध्रीये जुहोति
havirupāvahṛta ityādi vaiśvānaro 'gniṣṭoma ityantābhiryajñatanūbhiḥ purā pracaritor āgnīdhrīye juhoti
- 6
यजूंषि यज्ञ इति च
विष्पर्धायां चतुर्भिश्चतुर्भिः पुरस्तात्प्रातरनुवाकस्य
yajūṃṣi yajña iti ca
viṣpardhāyāṃ caturbhiścaturbhiḥ purastātprātaranuvākasya
- 7
एनं दक्षिणेनाहवनीयम् अपरेणातिव्रज्यासाद उपविशति
enaṃ dakṣiṇenāhavanīyam apareṇātivrajyāsāda upaviśati
- 8
उपविष्टे होतरि होतारं यद् अस्मृतीति हुत्वा पुरस्ताद्धोमान्जुहोति
upaviṣṭe hotari hotāraṃ yad asmṛtīti hutvā purastāddhomānjuhoti
- 9
पातं न इन्द्रापूषणेति चत्वारि सूक्तानि प्रातरनुवाकम् अनु जपति
pātaṃ na indrāpūṣaṇeti catvāri sūktāni prātaranuvākam anu japati
- 10
अम्बयो यन्तीति त्रीण्य् अपोनप्त्रीयम्
ambayo yantīti trīṇy aponaptrīyam
- 11
इन्द्र जुषस्वेति राज्ञ्य् अभिषूयमाणे ऽभिषवणहोमान्जुहोति
उपांशुग्रहहोमम्सूर्यो द्याम् इत्य् उदिते
अन्तर्यामीयं च
indra juṣasveti rājñy abhiṣūyamāṇe 'bhiṣavaṇahomānjuhoti
upāṃśugrahahomamsūryo dyām ity udite
antaryāmīyaṃ ca
- 12
हविर्धाने पूर्वेणातीत्य खरे चोपविश्य दिवस्पृथिव्या इति मधुसूक्तेन राजानं संश्रयति
havirdhāne pūrveṇātītya khare copaviśya divaspṛthivyā iti madhusūktena rājānaṃ saṃśrayati
- 13
इन्द्राय सोमम् ऋत्विज इति द्रोणकलशस्थम् अनुमन्त्रयते
indrāya somam ṛtvija iti droṇakalaśastham anumantrayate
- 14
धृषत्पिबेति माध्यन्दिने
dhṛṣatpibeti mādhyandine
- 15
यत्र विजानाति ब्रह्मन्त्सोमो ऽस्कन् इति तम् एतयालभ्याभिमन्त्रयते
अभूद्देवः सविता वन्द्यो नू न इदानीम् अह्न उपवाच्यो नृभिः
वि यो रत्ना भजति मानवेभ्यः श्रेष्ठं नो अत्र द्रविणं यथा दधद् इति
yatra vijānāti brahmantsomo 'skan iti tam etayālabhyābhimantrayate
abhūddevaḥ savitā vandyo nū na idānīm ahna upavācyo nṛbhiḥ
vi yo ratnā bhajati mānavebhyaḥ śreṣṭhaṃ no atra draviṇaṃ yathā dadhad iti
- 16
ये अग्नयो अप्स्व् अन्तर् इति सप्तभिर् अभिजुहोति
ye agnayo apsv antar iti saptabhir abhijuhoti
- 17
अध्वर्युः प्रतिप्रस्थाता प्रस्तोतोद्गाता प्रतिहर्ता ब्रह्मा सुन्वन्समन्वारब्धा बहिष्पवमानाय विसृप्य वैप्रुषान्होमान्जुह्वति द्रप्सश्चस्कन्देति
यस्ते द्रप्सः स्कन्दति यस्ते अंशुर्बाहुच्युतो धिषणाया उपस्थात्
अध्वर्योर्वा परि यः पवित्रात्तं ते जुहोमि मनसा वषट्कृतम्
द्रप्सः पतितो ऽत्यस्यवश्च यः परः स्रुचः
अयं देवो बृहस्पतिः सं तं सिञ्चतु राधसे
यस्ते द्रप्सः पतितः पृथिव्यां धानासोमः परीवापः करम्भः
अयं देवो बृहस्पतिः सं तं सिञ्चतु वर्चसे
यन्मे स्कन्नम् इति
adhvaryuḥ pratiprasthātā prastotodgātā pratihartā brahmā sunvansamanvārabdhā bahiṣpavamānāya visṛpya vaipruṣānhomānjuhvati drapsaścaskandeti
yaste drapsaḥ skandati yaste aṃśurbāhucyuto dhiṣaṇāyā upasthāt
adhvaryorvā pari yaḥ pavitrāttaṃ te juhomi manasā vaṣaṭkṛtam
drapsaḥ patito 'tyasyavaśca yaḥ paraḥ srucaḥ
ayaṃ devo bṛhaspatiḥ saṃ taṃ siñcatu rādhase
yaste drapsaḥ patitaḥ pṛthivyāṃ dhānāsomaḥ parīvāpaḥ karambhaḥ
ayaṃ devo bṛhaspatiḥ saṃ taṃ siñcatu varcase
yanme skannam iti

