22 shlokas
- 1
आग्नीध्रीये हविरुच्छिष्टं भक्षयन्ति
āgnīdhrīye havirucchiṣṭaṃ bhakṣayanti
- 2
सावित्रग्रहहोमम्
sāvitragrahahomam
- 3
वैश्वदेवयाज्यायाः
धिष्ण्यहोमात् ऐभिर् अग्न इत्य् उपांशु पात्नीवतस्याग्नीध्रो यजति
vaiśvadevayājyāyāḥ
dhiṣṇyahomāt aibhir agna ity upāṃśu pātnīvatasyāgnīdhro yajati
- 4
तस्य होमम्
tasya homam
- 5
नेष्टुर् उपस्थे धिष्ण्यान्ते वासीनो भक्षयति
neṣṭur upasthe dhiṣṇyānte vāsīno bhakṣayati
- 6
अग्निष्टोमसाम्ने होत्रे प्रसौति ओजो ऽसि पितृभ्यस्त्वा पितॄन्जिन्वेति
agniṣṭomasāmne hotre prasauti ojo 'si pitṛbhyastvā pitṝnjinveti
- 7
ध्रुवं ध्रुवेणेति ध्रुवम् अवनीयमानम् अनुमन्त्रयते
dhruvaṃ dhruveṇeti dhruvam avanīyamānam anumantrayate
- 8
आग्निमारुतयाज्याहोमं प्रति त्यं चारुम् अध्वरम् इति संप्रेषित आग्नीध्र इत्य् उक्तम्
āgnimārutayājyāhomaṃ prati tyaṃ cārum adhvaram iti saṃpreṣita āgnīdhra ity uktam
- 9
हारियोजनहोमम् आ मन्द्रैर् इति
hāriyojanahomam ā mandrair iti
- 10
तेनैव निष्क्रामन्ति
tenaiva niṣkrāmanti
- 11
आग्नीध्रीये सर्वप्रायश्चित्तीयान्जुहोति
āgnīdhrīye sarvaprāyaścittīyānjuhoti
- 12
अग्नौ शाकलान्सर्वे
देवकृतस्यैनसो ऽवयजनम् असि स्वाहा
पितृकृतस्य
मनुष्यकृतस्य
आत्मकृतस्य
अनाज्ञाताज्ञातकृतस्य
यद्वो देवाश्चकृम जिह्वया गुरु मनसो वा प्रयुती देवहेडनम्
अरावा यो नो अभि दुच्छुनायते तस्मिंस्तद् एनो वसवो नि धत्तनेति
देवहेडनस्य सूक्ताभ्यां च
agnau śākalānsarve
devakṛtasyainaso 'vayajanam asi svāhā
pitṛkṛtasya
manuṣyakṛtasya
ātmakṛtasya
anājñātājñātakṛtasya
yadvo devāścakṛma jihvayā guru manaso vā prayutī devaheḍanam
arāvā yo no abhi ducchunāyate tasmiṃstad eno vasavo ni dhattaneti
devaheḍanasya sūktābhyāṃ ca
- 13
द्रोणकलशाद्धाना हस्त आदाय भस्मान्ते निवपन्ते
droṇakalaśāddhānā hasta ādāya bhasmānte nivapante
- 14
चात्वालाद् अपरेणाध्वर्य्वासादितान् अप्सु सोमचमसान्वैष्णव्यर्चा निनयन्ति
cātvālād apareṇādhvaryvāsāditān apsu somacamasānvaiṣṇavyarcā ninayanti
- 15
उभा कवी युवाना सत्यादा धर्मणस्परि
सत्यस्य धर्मणा वि सख्यानि सृजामह इति सख्यानि विसृजन्ते
ubhā kavī yuvānā satyādā dharmaṇaspari
satyasya dharmaṇā vi sakhyāni sṛjāmaha iti sakhyāni visṛjante
- 16
सं सख्यानीति संसृजन्ते ऽहर्गणे प्राग् उत्तमात्
saṃ sakhyānīti saṃsṛjante 'hargaṇe prāg uttamāt
- 17
आग्नीध्रीये दधि भक्षयन्ति दधिक्राव्ण इति
āgnīdhrīye dadhi bhakṣayanti dadhikrāvṇa iti
- 18
पत्नीसंयाजेभ्यः शालामुखीयम् उपविशति
patnīsaṃyājebhyaḥ śālāmukhīyam upaviśati
- 19
दक्षिणासंचरेणाहवनीयम् अपरेणातिव्रज्य समिष्टयजुर्भ्यः संस्थितहोमान्जुहोति
dakṣiṇāsaṃcareṇāhavanīyam apareṇātivrajya samiṣṭayajurbhyaḥ saṃsthitahomānjuhoti
- 20
अप्स्व् अवभृथेष्ट्याम् अप्सु ते इति पुरस्ताद्धोमान्
साविकान्संस्थितहोमान्
वारुणं त्वं नो अग्ने स त्वं न इति
apsv avabhṛtheṣṭyām apsu te iti purastāddhomān
sāvikānsaṃsthitahomān
vāruṇaṃ tvaṃ no agne sa tvaṃ na iti
- 21
इडान्तानुयाजान्तैके
iḍāntānuyājāntaike
- 22
सोमलिप्तानि दध्नाभिजुहोत्य् अभूद्देवो द्रप्सवत्यो यत्ते ग्रावेत्य् एतैः
somaliptāni dadhnābhijuhoty abhūddevo drapsavatyo yatte grāvety etaiḥ

