23 shlokas
- 1
सवनीयपुरोडाशानाम् ऐन्द्रान्
savanīyapuroḍāśānām aindrān
- 2
द्विदेवत्यानाम्
ऐन्द्रवायवस्य होमौ वायुर् अन्तरिक्षस्य इन्द्रवायू इति
dvidevatyānām
aindravāyavasya homau vāyur antarikṣasya indravāyū iti
- 3
मैत्रावरुणस्य मित्रावरुणौ वृष्ट्या इति
maitrāvaruṇasya mitrāvaruṇau vṛṣṭyā iti
- 4
आश्विनस्याश्विना ब्रह्मणेत्य् अर्धर्चेन
āśvinasyāśvinā brahmaṇety ardharcena
- 5
प्रस्थितैश्चरिष्यन्न् अध्वर्युः संप्रेष्यति होतर्यज प्रशास्तर्ब्राह्मणाच्छंसिन्पोतर्नेष्टर् अग्नीद् इति
prasthitaiścariṣyann adhvaryuḥ saṃpreṣyati hotaryaja praśāstarbrāhmaṇācchaṃsinpotarneṣṭar agnīd iti
- 6
इन्द्र त्वा वृषभं वयम् इति ब्राह्मणाच्छंसी यजति
उत्तराभ्यां पोत्राग्नीध्रौ
indra tvā vṛṣabhaṃ vayam iti brāhmaṇācchaṃsī yajati
uttarābhyāṃ potrāgnīdhrau
- 7
याज्यानाम् अन्तः प्लवते
yājyānām antaḥ plavate
- 8
ये३ यजामहे वौ३षट् इत्याद्यन्तौ
आदिप्लुतौ
ye3 yajāmahe vau3ṣaṭ ityādyantau
ādiplutau
- 9
अनवानं प्रातःसवने
वषट्कृत्य वाग् ओजः सह ओजो मयि प्राणापानाव् इत्य् अनुमन्त्रयते
anavānaṃ prātaḥsavane
vaṣaṭkṛtya vāg ojaḥ saha ojo mayi prāṇāpānāv ity anumantrayate
- 10
सोमस्याग्ने वीही३ इत्य् अन्तप्लुतेनानुवषट्कुर्वन्ति
somasyāgne vīhī3 ity antaplutenānuvaṣaṭkurvanti
- 11
शुक्रामन्थिचमसहोमान् ऐन्द्रान् इन्द्रो दिव इति
śukrāmanthicamasahomān aindrān indro diva iti
- 12
अनुवषट्काराणाम् आ देवानाम् इति
अनुहोमांश्च
मैत्रावरुणम् ऐन्द्रं मारुतं त्वाष्ट्रम् आग्नेयम्
anuvaṣaṭkārāṇām ā devānām iti
anuhomāṃśca
maitrāvaruṇam aindraṃ mārutaṃ tvāṣṭram āgneyam
- 13
अग्नीधेष्टे ऽध्वर्युर् आहायाड् अग्नीद् इति
अयाट् इत्य् अग्नीत्
agnīdheṣṭe 'dhvaryur āhāyāḍ agnīd iti
ayāṭ ity agnīt
- 14
पूर्ववद् इडाभक्षः
pūrvavad iḍābhakṣaḥ
- 15
सदसि सोमान्भक्षयन्त्य् उपहूताः
sadasi somānbhakṣayanty upahūtāḥ
- 16
प्राशित्रवत्प्रतीक्ष्य प्रतिगृह्य
अग्निहुतस्येन्द्रपीतस्येन्दोर् इन्द्रियावतः
यो भक्षो गोसनिर् अश्वसनिर्धनसनिः प्रजासनिर्लोकसनिः
तस्य त उपहूतस्योपहूतो भक्षयामि गायत्रेण छन्दसा तेजसा ब्राह्मणवर्चसेनेति
prāśitravatpratīkṣya pratigṛhya
agnihutasyendrapītasyendor indriyāvataḥ
yo bhakṣo gosanir aśvasanirdhanasaniḥ prajāsanirlokasaniḥ
tasya ta upahūtasyopahūto bhakṣayāmi gāyatreṇa chandasā tejasā brāhmaṇavarcaseneti
- 17
त्रैष्टुभेनेति माध्यंदिने
जागतेनेति तृतीयसवने
अनुष्टुप्छन्दसेति पर्यायेषु
पङ्क्तिच्छन्दसेति संधिचमसेषु
अतिच्छन्दसेत्य् अप्तोर्याम्णि
traiṣṭubheneti mādhyaṃdine
jāgateneti tṛtīyasavane
anuṣṭupchandaseti paryāyeṣu
paṅkticchandaseti saṃdhicamaseṣu
aticchandasety aptoryāmṇi
- 18
भक्षित आत्मानं प्रत्यभिमृशन्ति शं नो भव हृद आपीत इन्दो पितेव सोम सूनवे सुशेवः
सखेव सख्य उरुशंस धीरः प्र ण आयुर्जीवसे सोम तारीः
हिन्वा मे गात्रा हरिवो गणान्मे मा व्यरीरिषः
शिवो मे सप्तर्षीन् उपतिष्ठ मामेवा ग्नाभिर् अभिगा इति
bhakṣita ātmānaṃ pratyabhimṛśanti śaṃ no bhava hṛda āpīta indo piteva soma sūnave suśevaḥ
sakheva sakhya uruśaṃsa dhīraḥ pra ṇa āyurjīvase soma tārīḥ
hinvā me gātrā harivo gaṇānme mā vyarīriṣaḥ
śivo me saptarṣīn upatiṣṭha māmevā gnābhir abhigā iti
- 19
चमसान् आप्याययन्त्य् आप्यायस्व सं ते पयांसीति
camasān āpyāyayanty āpyāyasva saṃ te payāṃsīti
- 20
तत्र श्लोकः
पञ्चैव कृत्वश्चमसान्यज्ञ आप्याययेत्कविः
आज्ये मरुत्वतीये च प्रस्थिताश्चापि सर्वश इति
tatra ślokaḥ
pañcaiva kṛtvaścamasānyajña āpyāyayetkaviḥ
ājye marutvatīye ca prasthitāścāpi sarvaśa iti
- 21
अच्छावाकचमसहोमम् ऐन्द्राग्नम्
acchāvākacamasahomam aindrāgnam
- 22
यद्य् अश्नन्त्य् आग्नीध्रीये
yady aśnanty āgnīdhrīye
- 23
सदस्य् उपविष्टा यथाप्रैषम् ऋतून्यजन्ति
sadasy upaviṣṭā yathāpraiṣam ṛtūnyajanti

