26 shlokas
- 1
आयाहि सुषुमा हि ते आ नो याहि सुतावत इति स्तोत्रियानुरूपौ
āyāhi suṣumā hi te ā no yāhi sutāvata iti stotriyānurūpau
- 2
अयम् उ त्वा विचर्षण इत्य् उक्थमुखम्
उद्धेद् अभि श्रुतामघम् इति पर्यासः
उत्तमा परिधानीया
ayam u tvā vicarṣaṇa ity ukthamukham
uddhed abhi śrutāmagham iti paryāsaḥ
uttamā paridhānīyā
- 3
त्रिः प्रथमां त्रिर् उत्तमाम् अन्वाह
triḥ prathamāṃ trir uttamām anvāha
- 4
अर्धर्चशस्य ऋगन्तं प्रणवेनोपसंतनोति स्वरादिम् अपनीय
पच्छःशस्ये ऽर्धर्चान्तम्
शस्त्रान्तं मकारान्तेनैव
ardharcaśasya ṛgantaṃ praṇavenopasaṃtanoti svarādim apanīya
pacchaḥśasye 'rdharcāntam
śastrāntaṃ makārāntenaiva
- 5
शस्त्रोक्थं वाचीत्य् आह
उक्थं वाचीन्द्रायेति माध्यंदिने
उक्थं वाचीन्द्राय देवेभ्य इति तृतीयसवने
śastrokthaṃ vācīty āha
ukthaṃ vācīndrāyeti mādhyaṃdine
ukthaṃ vācīndrāya devebhya iti tṛtīyasavane
- 6
उक्थ्यसंपदः
परिधानीयोत्तरा याज्या
ukthyasaṃpadaḥ
paridhānīyottarā yājyā
- 7
अच्छावाकभक्षाद् अग्निः प्रातःसवने श्येनो ऽसि यथा सोमः प्रातःसवन इति यथासवनम् आज्यं जुहोति
acchāvākabhakṣād agniḥ prātaḥsavane śyeno 'si yathā somaḥ prātaḥsavana iti yathāsavanam ājyaṃ juhoti
- 8
संस्थितहोमान्
saṃsthitahomān
- 9
संस्थिते संस्थिते सवने वाचयति मयि भर्गो मयि महो मयि यशो मयि सर्वम् इति
saṃsthite saṃsthite savane vācayati mayi bhargo mayi maho mayi yaśo mayi sarvam iti
- 10
प्रेषिता माध्यंदिनायौदुम्बरीम् अभ्यपरया द्वारा निष्क्रम्याग्नीध्रीयात्सर्पन्ति
यजमानः पूर्वया
preṣitā mādhyaṃdināyaudumbarīm abhyaparayā dvārā niṣkramyāgnīdhrīyātsarpanti
yajamānaḥ pūrvayā
- 11
पुरस्ताद्धोमान्
purastāddhomān
- 12
उक्तम् अभिषवादि
uktam abhiṣavādi
- 13
पवमानाय सदः प्रसर्पन्ति
pavamānāya sadaḥ prasarpanti
- 14
आमन्त्रितः प्रसौति विष्टम्भो ऽसि वृष्ट्यै त्वा वृष्टिं जिन्वेति
āmantritaḥ prasauti viṣṭambho 'si vṛṣṭyai tvā vṛṣṭiṃ jinveti
- 15
विहरणे धिष्ण्यवान्बहिश्चेद्धिष्ण्यम् अभ्येत्य परि त्वाग्न इति जपति
viharaṇe dhiṣṇyavānbahiśceddhiṣṇyam abhyetya pari tvāgna iti japati
- 16
ब्रह्मा च
brahmā ca
- 17
दीक्षितो बहिर्वेद्यभ्याश्रावणे ऽस्तमये ऽभ्युदये वाग्नय उपाह्वयध्वम् इति
dīkṣito bahirvedyabhyāśrāvaṇe 'stamaye 'bhyudaye vāgnaya upāhvayadhvam iti
- 18
श्रातं मन्य इति दधिघर्महोमम्
śrātaṃ manya iti dadhigharmahomam
- 19
घर्मवद्भक्षो रसप्राशन्या
gharmavadbhakṣo rasaprāśanyā
- 20
पशुपुरोडाशस्य
paśupuroḍāśasya
- 21
एवा पाहीति प्रस्थितयाज्याः
evā pāhīti prasthitayājyāḥ
- 22
प्रस्थितहोमान् ऐन्द्रान्
prasthitahomān aindrān
- 23
गार्हपत्ये दाक्षिणहोमाव् उद् उ त्यं चित्रं देवानाम् इति
gārhapatye dākṣiṇahomāv ud u tyaṃ citraṃ devānām iti
- 24
हिरण्यहस्तो यजमानो बहिर्वेदि दक्षिणा आयतीर् आ गाव इति प्रत्युत्तिष्ठति
hiraṇyahasto yajamāno bahirvedi dakṣiṇā āyatīr ā gāva iti pratyuttiṣṭhati
- 25
हिरण्यम् आत्रेयाय ददाति
आग्नीध्रायोपबर्हणम्
hiraṇyam ātreyāya dadāti
āgnīdhrāyopabarhaṇam
- 26
अग्रेण गार्हपत्यं जघनेन सदो ऽन्तर् आग्नीध्रीयं च सदश्च चात्वालं चोदीचीर्दक्षिणा उत्सृज्यमानाः सं वः सृजत्व् इति द्वाभ्याम् अनुमन्त्रयते
agreṇa gārhapatyaṃ jaghanena sado 'ntar āgnīdhrīyaṃ ca sadaśca cātvālaṃ codīcīrdakṣiṇā utsṛjyamānāḥ saṃ vaḥ sṛjatv iti dvābhyām anumantrayate

