22 shlokas
- 1
यस्यां पूर्वे भूतकृत इति भागलिः
इहेद् असाथेति कौशिकः
yasyāṃ pūrve bhūtakṛta iti bhāgaliḥ
ihed asātheti kauśikaḥ
- 2
अन्ततः प्रतिहर्त्रे देयम्
antataḥ pratihartre deyam
- 3
मरुत्वतीयहोमम् इन्द्रो मा मरुत्वान् इति
marutvatīyahomam indro mā marutvān iti
- 4
शस्त्रयाज्यायाः
होत्रादिभ्यः प्रसौति प्रवास्य् अह्ने त्वाहर्जिन्व
अनुवासि रात्र्यै त्वा रात्रिं जिन्व
उशिग् असि वसुभ्यस्त्वा वसून्जिन्व
प्रकेतो ऽसि रुद्रेभ्यस्त्वा रुद्रान्जिन्वेति
śastrayājyāyāḥ
hotrādibhyaḥ prasauti pravāsy ahne tvāharjinva
anuvāsi rātryai tvā rātriṃ jinva
uśig asi vasubhyastvā vasūnjinva
praketo 'si rudrebhyastvā rudrānjinveti
- 5
निष्केवल्यस्य माहेन्द्रम्
niṣkevalyasya māhendram
- 6
प्रशास्त्रादीनाम् ऐन्द्रम्
praśāstrādīnām aindram
- 7
तं वो दस्ममृतीषहम्तत्त्वा यामि सुवीर्यम् इति स्तोत्रियानुरूपौ
taṃ vo dasmamṛtīṣahamtattvā yāmi suvīryam iti stotriyānurūpau
- 8
द्वे तिस्रः करोति पुनर् आदायम्
प्रथमां शस्त्वा तस्या उत्तमं पादम् अभ्यस्यावसायोत्तरस्या अर्धर्चेन द्वितीयां शस्त्वा तस्या उत्तमं पादम् अभ्यस्योत्तरेणार्धर्चेन तृतीयां शंसति
dve tisraḥ karoti punar ādāyam
prathamāṃ śastvā tasyā uttamaṃ pādam abhyasyāvasāyottarasyā ardharcena dvitīyāṃ śastvā tasyā uttamaṃ pādam abhyasyottareṇārdharcena tṛtīyāṃ śaṃsati
- 9
एवं बार्हतानां स्तोत्रियानुरूपाणां प्रग्रथनम्
evaṃ bārhatānāṃ stotriyānurūpāṇāṃ pragrathanam
- 10
मध्यमोच्चैस्तरया वाचा शंस्तव्यौ
madhyamoccaistarayā vācā śaṃstavyau
- 11
उद् उ त्ये मधुमत्तमा इति सामप्रगाथः स्वरवत्या
ud u tye madhumattamā iti sāmapragāthaḥ svaravatyā
- 12
इन्द्रः पूर्भिद् आतिरद् इत्य् उक्थमुखं पच्छः प्रतिवीततमया
indraḥ pūrbhid ātirad ity ukthamukhaṃ pacchaḥ prativītatamayā
- 13
उद् उ ब्रह्माण्य् ऐरत श्रवस्येति पर्यासः
ud u brahmāṇy airata śravasyeti paryāsaḥ
- 14
एवेद् इन्द्रम् इति परिदधाति
परया यजति
eved indram iti paridadhāti
parayā yajati
- 15
अच्छावाकभक्षाद् आदित्यग्रहहोमं यद्देवा देवहेडनम् इति द्वाभ्याम्
पवमानसर्पणान्तम्
acchāvākabhakṣād ādityagrahahomaṃ yaddevā devaheḍanam iti dvābhyām
pavamānasarpaṇāntam
- 16
आशिरं पूतभृत्यासिच्यमानम् आशीर्ण ऊर्जम् इत्य् अनुमन्त्रयते
āśiraṃ pūtabhṛtyāsicyamānam āśīrṇa ūrjam ity anumantrayate
- 17
पवमानाय प्रसौति सुदितिर् अस्य् आदित्येभ्यस्त्वादित्यान्जिन्वेति
अवदानहोमम् आग्नेयम्
pavamānāya prasauti suditir asy ādityebhyastvādityānjinveti
avadānahomam āgneyam
- 18
ऐन्द्राग्नम् उक्थ्ये
ऐन्द्रं षोडशिनि
सारस्वतम् अतिरात्रे
aindrāgnam ukthye
aindraṃ ṣoḍaśini
sārasvatam atirātre
- 19
पश्वेकादशिन्याम् आग्नेयं सौम्यं वैष्णवं सारस्वतं पौष्णम्बार्हस्पत्यं वैश्वदेवम् ऐन्द्रम् ऐन्द्राग्नं सावित्रं वारुणम्
paśvekādaśinyām āgneyaṃ saumyaṃ vaiṣṇavaṃ sārasvataṃ pauṣṇambārhaspatyaṃ vaiśvadevam aindram aindrāgnaṃ sāvitraṃ vāruṇam
- 20
सवनीयहोमादि
इन्द्रश्च सोमं पिबतं बृहस्पत इति प्रस्थितयाज्याः
होमान् ऐन्द्रं मैत्रावरुणम् ऐन्द्राबार्हस्पत्यं मारुतं त्वाष्ट्रम् ऐन्द्रावैष्णवम् आग्नेयम्
savanīyahomādi
indraśca somaṃ pibataṃ bṛhaspata iti prasthitayājyāḥ
homān aindraṃ maitrāvaruṇam aindrābārhaspatyaṃ mārutaṃ tvāṣṭram aindrāvaiṣṇavam āgneyam
- 21
हविर्धाने यथाचमसं दक्षिणतः स्वेभ्य उपासनेभ्यस्त्रींस्त्रीन्पुरोडाशसंवर्तान् एतत्ते प्रततामहेति निपृणन्ति
havirdhāne yathācamasaṃ dakṣiṇataḥ svebhya upāsanebhyastrīṃstrīnpuroḍāśasaṃvartān etatte pratatāmaheti nipṛṇanti
- 22
अत्र पितर इति जपित्वैतं भागम् एतं सधस्थाः श्येनो नृचक्षा इत्य् अनुमन्त्रयते
atra pitara iti japitvaitaṃ bhāgam etaṃ sadhasthāḥ śyeno nṛcakṣā ity anumantrayate

