18 shlokas
- 1
आग्नीध्र आग्नीध्रीयाद् अङ्गारैर्द्वे सवने विहरति
शलाकाभिस्तृतीयसवनम्
प्रत्यङ्मुखो होतृमैत्रावरुणब्राह्मणाच्छंसिपोतृनेष्ट्रच्छावाकानां धिष्ण्येषु मार्जालीये
āgnīdhra āgnīdhrīyād aṅgārairdve savane viharati
śalākābhistṛtīyasavanam
pratyaṅmukho hotṛmaitrāvaruṇabrāhmaṇācchaṃsipotṛneṣṭracchāvākānāṃ dhiṣṇyeṣu mārjālīye
- 2
तत्रैव प्रत्यानयति
tatraiva pratyānayati
- 3
अनु पृष्ट्याम् आस्तीर्य पुरोडाशान् अलंकुरुते
anu pṛṣṭyām āstīrya puroḍāśān alaṃkurute
- 4
ये अग्नयो विहृता धिष्ण्याः पृथिवीम् अनु
ते नः पान्तु ते नो ऽवन्तु तेभ्यो नमस्ते नो मा हिंसिषुर् इति विहृतान् अनुमन्त्रयते
उत्तरयोः सवनयोः पुनर्मैत्व् इन्द्रियम् इति
आहवनीयम् अपरेणेत्युक्तम्
ye agnayo vihṛtā dhiṣṇyāḥ pṛthivīm anu
te naḥ pāntu te no 'vantu tebhyo namaste no mā hiṃsiṣur iti vihṛtān anumantrayate
uttarayoḥ savanayoḥ punarmaitv indriyam iti
āhavanīyam apareṇetyuktam
- 5
प्रवृताः प्रवृताहुतीर्जुह्वति जुष्टो वाचे भूयासं जुष्टो वाचस्पतये देवि वाग्यद्वाचो मधुमत्तमं तस्मिन्मा धाः स्वाहा
वाचे स्वाहा वाचस्पतये स्वाहा सरस्वत्यै स्वाहेति
मनसा चतुर्थीम्
pravṛtāḥ pravṛtāhutīrjuhvati juṣṭo vāce bhūyāsaṃ juṣṭo vācaspataye devi vāgyadvāco madhumattamaṃ tasminmā dhāḥ svāhā
vāce svāhā vācaspataye svāhā sarasvatyai svāheti
manasā caturthīm
- 6
सप्ताहुतीर् इत्य् एके सरस्वते स्वाहा महोभ्यः सम्महोभ्यः स्वाहा
ऋचा स्तोमम् इति
saptāhutīr ity eke sarasvate svāhā mahobhyaḥ sammahobhyaḥ svāhā
ṛcā stomam iti
- 7
वपामार्जनान्त उपोत्थाय दिवस्पृष्ठ इत्य् आदित्यम् उपतिष्ठन्ते
vapāmārjanānta upotthāya divaspṛṣṭha ity ādityam upatiṣṭhante
- 8
मा प्रगामेत्य् आव्रज्याहवनीयं निर्मथ्यं यूपम् आदित्यम् अग्नयः सगरा स्थ सगरेण नाम्ना रौद्रेणानीकेन पात माग्नयः पिपृत माग्नयो गोपायत मा नमो वो ऽस्तु मा मा हिंसिष्टेति
mā pragāmety āvrajyāhavanīyaṃ nirmathyaṃ yūpam ādityam agnayaḥ sagarā stha sagareṇa nāmnā raudreṇānīkena pāta māgnayaḥ pipṛta māgnayo gopāyata mā namo vo 'stu mā mā hiṃsiṣṭeti
- 9
आग्नीध्रीयम् उत्तरेण सदो ऽभिव्रजन्ति
āgnīdhrīyam uttareṇa sado 'bhivrajanti
- 10
धिष्ण्यवन्तो यजमानश्च पूर्वया द्वारा प्रसर्पन्ति
अपरे ऽपरया
dhiṣṇyavanto yajamānaśca pūrvayā dvārā prasarpanti
apare 'parayā
- 11
सदः प्रसृप्स्यन्तो धिष्ण्यान्नमस्कुर्वन्ति धिष्ण्येभ्यो नमो नम इति
sadaḥ prasṛpsyanto dhiṣṇyānnamaskurvanti dhiṣṇyebhyo namo nama iti
- 12
द्रष्ट्रे नम इति द्रष्टारं प्रसर्पन्तः
उपश्रोत्रे नम इत्य् उपश्रोतारम्
draṣṭre nama iti draṣṭāraṃ prasarpantaḥ
upaśrotre nama ity upaśrotāram
- 13
चात्वालोत्करशामित्रोवध्यगोहास्तावाग्नीध्रीयाच्छावाकवादं मार्जालीयं खरं धिष्ण्यान् अन्यांश्चोपतिष्ठन्ते अग्नयः सगरा स्थेति
cātvālotkaraśāmitrovadhyagohāstāvāgnīdhrīyācchāvākavādaṃ mārjālīyaṃ kharaṃ dhiṣṇyān anyāṃścopatiṣṭhante agnayaḥ sagarā stheti
- 14
उर्व् अन्तरिक्षं वीहीति सदो ऽभिमृशन्ति
देवी द्वारौ मा मा संताप्तं लोकं मे लोककृतौ कृणुतम् इति द्वार्ये
urv antarikṣaṃ vīhīti sado 'bhimṛśanti
devī dvārau mā mā saṃtāptaṃ lokaṃ me lokakṛtau kṛṇutam iti dvārye
- 15
प्रसृप्य अनुख्यात्रे नम इत्य् अनुख्यातारम्
उत्तरेण धिष्ण्यान्परिक्रम्य स्वं स्वं धिष्ण्यम् अभिप्रसृप्ता उपद्रष्ट्रे नम इत्य् उपद्रष्टारम्
prasṛpya anukhyātre nama ity anukhyātāram
uttareṇa dhiṣṇyānparikramya svaṃ svaṃ dhiṣṇyam abhiprasṛptā upadraṣṭre nama ity upadraṣṭāram
- 16
उपविश्य जपन्त्य् अभि त्वेन्द्रेति
स्तोत्रं यजमानः
upaviśya japanty abhi tvendreti
stotraṃ yajamānaḥ
- 17
सदस्यो ब्रह्माणं दक्षिणेन
स्तोत्रानुमन्त्रणाज्जनद् इति मनसा
sadasyo brahmāṇaṃ dakṣiṇena
stotrānumantraṇājjanad iti manasā
- 18
विसंस्थिते यथाधिष्ण्यम् उत्तरेण पूर्वया द्वारा निष्क्रामन्ति
मैत्रावरुणधिष्ण्यम् अधिष्ण्यवन्तः
visaṃsthite yathādhiṣṇyam uttareṇa pūrvayā dvārā niṣkrāmanti
maitrāvaruṇadhiṣṇyam adhiṣṇyavantaḥ

