19 shlokas
- 1
उपसद्याग्नेयसौम्यवैष्णवान्
upasadyāgneyasaumyavaiṣṇavān
- 2
वषट्कारान्ता
आप्यायननिह्नवने
vaṣaṭkārāntā
āpyāyananihnavane
- 3
यत्राहाध्वर्युर् अग्नीद्देवपत्नीर्व्याचक्ष्वेति तदपरेण गार्हपत्यं प्राङ्मुखस्तिष्ठन्न् अनवानन्न् आग्नीध्रो देवपत्नीर्व्याचष्टे
पृथिव्य् अग्नेः पत्नी वाग्वातस्य पत्नी सेनेन्द्रस्य पत्नी धेना बृहस्पतेः पत्नी पथ्या पूष्णः पत्नी गायत्री वसूनां पत्नी त्रिष्टुब्रुद्राणां पत्नी जगत्य् आदित्यानां पत्न्य् अनुष्टुम्मित्रस्य पत्नी विराड्वरुणस्य पत्नी पङ्क्तिर्विष्णोः पत्नी दीक्षा सोमस्य राज्ञः पत्नीति
yatrāhādhvaryur agnīddevapatnīrvyācakṣveti tadapareṇa gārhapatyaṃ prāṅmukhastiṣṭhann anavānann āgnīdhro devapatnīrvyācaṣṭe
pṛthivy agneḥ patnī vāgvātasya patnī senendrasya patnī dhenā bṛhaspateḥ patnī pathyā pūṣṇaḥ patnī gāyatrī vasūnāṃ patnī triṣṭubrudrāṇāṃ patnī jagaty ādityānāṃ patny anuṣṭummitrasya patnī virāḍvaruṇasya patnī paṅktirviṣṇoḥ patnī dīkṣā somasya rājñaḥ patnīti
- 4
सुब्रह्मण्याह्वाने सर्वत्र यस्यां सद इति तिस्रो जपति
subrahmaṇyāhvāne sarvatra yasyāṃ sada iti tisro japati
- 5
एवम् अपराह्णे घर्मोपसदौ
अपरेद्युः पूर्वाह्णे ऽपराह्णे च
औपवसथ्ये समासे
evam aparāhṇe gharmopasadau
aparedyuḥ pūrvāhṇe 'parāhṇe ca
aupavasathye samāse
- 6
एवं तिस्रो ऽग्निष्टोमस्य
द्वादशाहीनस्य
evaṃ tisro 'gniṣṭomasya
dvādaśāhīnasya
- 7
विमिमीष्वेति वेदिं मिमानम् अनुमन्त्रयते
vimimīṣveti vediṃ mimānam anumantrayate
- 8
यस्यां वेदिम् इति वेदिं परिगृह्यमाणाम्
yasyāṃ vedim iti vediṃ parigṛhyamāṇām
- 9
अग्नौ प्रणीयमाने ऽग्ने प्रेहीति जपित्वा बहिर्वेद्य् उपविशति
agnau praṇīyamāne 'gne prehīti japitvā bahirvedy upaviśati
- 10
दक्षिणहविर्धानस्य वर्त्माभिहोमम् इदं विष्णुर् इति
उत्तरस्य त्रीणि पदेति
dakṣiṇahavirdhānasya vartmābhihomam idaṃ viṣṇur iti
uttarasya trīṇi padeti
- 11
हविर्धाने प्रवर्त्यमाने इतश्च मेति द्वाभ्याम् अनुमन्त्रयते
havirdhāne pravartyamāne itaśca meti dvābhyām anumantrayate
- 12
विष्णोर्नु कम् इत्य् उपस्तम्भनम् उपस्तभ्यमानम्
viṣṇornu kam ity upastambhanam upastabhyamānam
- 13
मन्वे वां द्यावापृथिवी इत्य् औदुम्बर्या अभिहोमम्
manve vāṃ dyāvāpṛthivī ity audumbaryā abhihomam
- 14
अग्नीषोमयोः प्रणयनायामन्त्रितस्तीर्थेन पत्नीशालम् आव्रजति
चात्वालोत्कराव् अन्तरेणाग्नीध्रीयलक्षणम् उत्तरेण सदश्चेति तीर्थम्
agnīṣomayoḥ praṇayanāyāmantritastīrthena patnīśālam āvrajati
cātvālotkarāv antareṇāgnīdhrīyalakṣaṇam uttareṇa sadaśceti tīrtham
- 15
आचमनादि वीक्षणान्तम्
ācamanādi vīkṣaṇāntam
- 16
सोमं राजानम् इत्य् अर्धर्चेनाग्नीषोमौ प्रणीयमानाव् अनुव्रजति
somaṃ rājānam ity ardharcenāgnīṣomau praṇīyamānāv anuvrajati
- 17
आग्नीध्रीयहोमाद् आग्नीध्रीयम् उत्तरेणाग्निम् अपरेणातिव्रज्यासाद उपविशति
āgnīdhrīyahomād āgnīdhrīyam uttareṇāgnim apareṇātivrajyāsāda upaviśati
- 18
अथाग्नीषोमीये पशाव् उक्ता धर्माः
एतेन पशवो व्याख्याताः
athāgnīṣomīye paśāv uktā dharmāḥ
etena paśavo vyākhyātāḥ
- 19
पत्नीसंयाजान्तः
patnīsaṃyājāntaḥ

