12 shlokas
- 1
चात्वालाद्दक्षिणत उपविशन्ति
cātvālāddakṣiṇata upaviśanti
- 2
दोषो गायेति जपन्न् उद्गातारम् ईक्षते
doṣo gāyeti japann udgātāram īkṣate
- 3
स्तोत्रोपाकरणात्प्रस्तोता ब्रह्माणम् आमन्त्रयते ब्रह्मन्स्तोष्यामः प्रशास्त इति
stotropākaraṇātprastotā brahmāṇam āmantrayate brahmanstoṣyāmaḥ praśāsta iti
- 4
तत्र रश्मिर् असि क्षयाय त्वा क्षयं जिन्व
सवितृप्रसूता बृहस्पतये स्तुत
देव सवितर् एतत्ते प्राह तत्प्र च सुव प्र च यज
आयुष्मत्या ऋचो मापगायत तनूपात्साम्नः
सत्या व आशिषः सन्तु सत्या आकूतयः
ऋतं च सत्यं च वदत
बृहस्पते ऽनुमत्यों भूर्जनद् इन्द्रवन्त इत्य् उक्त्वा स्तुतेति प्रथमया स्वरमात्रया प्रसौति
मध्यमया माध्यंदिने
उत्तमया तृतीयसवने
tatra raśmir asi kṣayāya tvā kṣayaṃ jinva
savitṛprasūtā bṛhaspataye stuta
deva savitar etatte prāha tatpra ca suva pra ca yaja
āyuṣmatyā ṛco māpagāyata tanūpātsāmnaḥ
satyā va āśiṣaḥ santu satyā ākūtayaḥ
ṛtaṃ ca satyaṃ ca vadata
bṛhaspate 'numatyoṃ bhūrjanad indravanta ity uktvā stuteti prathamayā svaramātrayā prasauti
madhyamayā mādhyaṃdine
uttamayā tṛtīyasavane
- 5
भुव इति माध्यंदिने
स्वर् इति तृतीयसवने
bhuva iti mādhyaṃdine
svar iti tṛtīyasavane
- 6
उक्थ्यादिष्व् अहीने च ॐ भूर्भुवः स्वर्जनद्वृधत्करद्रुहन्महत्तच्छम् ओम् इति च
ukthyādiṣv ahīne ca oṃ bhūrbhuvaḥ svarjanadvṛdhatkaradruhanmahattaccham om iti ca
- 7
विष्पर्धमानयोः सवृतसोमयोः स्तोमभागानाम् उपर्युपरि स्तुतेषे स्तुतोर्जे स्तुत देवस्य सवितुः सवे
बृहस्पतिं वः प्रजापतिं वो वसून्वो देवान्रुद्रान्वो देवान् आदित्यान्वो देवान्साध्यान्वो देवान् आप्त्यान्वो देवान्विश्वान्वो देवान्सर्वान्वो देवान्विश्वतस्परिहवामहे
जनेभ्यो ऽस्माकम् अस्तु केवल इतः कृणोतु वीर्यम् इति जपन्परेषां ब्रह्माणम् अवेक्षेत
viṣpardhamānayoḥ savṛtasomayoḥ stomabhāgānām uparyupari stuteṣe stutorje stuta devasya savituḥ save
bṛhaspatiṃ vaḥ prajāpatiṃ vo vasūnvo devānrudrānvo devān ādityānvo devānsādhyānvo devān āptyānvo devānviśvānvo devānsarvānvo devānviśvatasparihavāmahe
janebhyo 'smākam astu kevala itaḥ kṛṇotu vīryam iti japanpareṣāṃ brahmāṇam avekṣeta
- 8
स्तुतस्य स्तुतम् अस्य् ऊर्जस्वत्पयस्वत्
ऊर्जं मह्यं स्तुतं दुहाम् आ मा स्तुतस्य स्तुतं गमेत्
इन्द्रियावन्तो हवामहे धुक्षीमहि प्रजाम् इषम्
सा मे सत्याशीर्देवेष्व् अस्तु
ब्रह्मवर्चसं मा गमयेद् इति स्तोत्रम् अनुमन्त्रयते
stutasya stutam asy ūrjasvatpayasvat
ūrjaṃ mahyaṃ stutaṃ duhām ā mā stutasya stutaṃ gamet
indriyāvanto havāmahe dhukṣīmahi prajām iṣam
sā me satyāśīrdeveṣv astu
brahmavarcasaṃ mā gamayed iti stotram anumantrayate
- 9
इन्द्रस्य कुक्षिर् इत्य् आसिक्ते सोमे पूतभृतम्
indrasya kukṣir ity āsikte some pūtabhṛtam
- 10
स्तुते बहिष्पवमाने वाचयति श्येनो ऽसीति
वृषासीति माध्यंदिने
ऋभुर् असीत्य् आर्भवे
stute bahiṣpavamāne vācayati śyeno 'sīti
vṛṣāsīti mādhyaṃdine
ṛbhur asīty ārbhave
- 11
ब्राह्मणोक्तान् इत्य् अनुब्राह्मणिनः
brāhmaṇoktān ity anubrāhmaṇinaḥ
- 12
अथाध्वर्युर् आहाग्नीद् अग्नीन्विहर बर्हि स्तृणीहि परोडाशान् अलंकुर्व् इति
athādhvaryur āhāgnīd agnīnvihara barhi stṛṇīhi paroḍāśān alaṃkurv iti

