10 shlokas
- 1
अथाध्वर्युर्देव पुरश्चर सघ्यासं त्वेति प्रचरणीयं महावीरं संदंशाभ्यां परिगृह्य सव्ये पाणौ कृत्वा तम् उपरिष्टात्साग्रेण परिमार्ष्टि
athādhvaryurdeva puraścara saghyāsaṃ tveti pracaraṇīyaṃ mahāvīraṃ saṃdaṃśābhyāṃ parigṛhya savye pāṇau kṛtvā tam upariṣṭātsāgreṇa parimārṣṭi
- 2
आज्यस्थाल्याः स्रुवेण सकृद् उपहतेनाज्येन गार्हपत्ये ऽनवानं संततं प्राणाय स्वाहेति सप्त प्राणाहुतीर्जुहोत्य् एकादश वा
ājyasthālyāḥ sruveṇa sakṛd upahatenājyena gārhapatye 'navānaṃ saṃtataṃ prāṇāya svāheti sapta prāṇāhutīrjuhoty ekādaśa vā
- 3
अथैनं महावीरं देवस्त्वा सविता मध्वानक्त्व् इत्य् उत्तमस्य शेषेणाज्येन स्रुवेणानक्ति
athainaṃ mahāvīraṃ devastvā savitā madhvānaktv ity uttamasya śeṣeṇājyena sruveṇānakti
- 4
पृथिवीं तपसस्त्रायस्वेत्य् एतस्मिन्काले प्रतिप्रस्थाता राजतं शतमानं प्रवृञ्जनीये खर उपगूहति
pṛthivīṃ tapasastrāyasvety etasminkāle pratiprasthātā rājataṃ śatamānaṃ pravṛñjanīye khara upagūhati
- 5
मुञ्जप्रलवान् आदायार्चिर् असीति दक्षिणेषाम् अग्राणि गार्हपत्य आदीपयति शोचिर् असीति तेषाम् अग्रैर् उत्तरेषां मूलानि ज्योतिर् असीति तेषां मूलैर्दक्षिणेषां मूलानि तपो ऽसीति तेषां मूलैर् उत्तरेषाम् अग्राणि
muñjapralavān ādāyārcir asīti dakṣiṇeṣām agrāṇi gārhapatya ādīpayati śocir asīti teṣām agrair uttareṣāṃ mūlāni jyotir asīti teṣāṃ mūlairdakṣiṇeṣāṃ mūlāni tapo 'sīti teṣāṃ mūlair uttareṣām agrāṇi
- 6
तान्व्यतिषक्तान् उपरि शतमाने निधाय तेषु संसीदस्वेति महावीरं सादयति
tānvyatiṣaktān upari śatamāne nidhāya teṣu saṃsīdasveti mahāvīraṃ sādayati
- 7
अञ्जन्ति यम् इत्य् एनम् आज्येनाभिपूरयति
añjanti yam ity enam ājyenābhipūrayati
- 8
अनाधृष्या पुरस्ताद् इत्य् एतैर्यथालिङ्गं महावीरम् असंस्पृशन्यजमानः प्रादेशेन दिशो व्यवस्थापयति
anādhṛṣyā purastād ity etairyathāliṅgaṃ mahāvīram asaṃspṛśanyajamānaḥ prādeśena diśo vyavasthāpayati
- 9
मनोर् अश्वासि भूरिपुत्रेत्य् उत्तरतः पृथिवीम् अभिमृशति
manor aśvāsi bhūriputrety uttarataḥ pṛthivīm abhimṛśati
- 10
सिद्ध्यै त्वेति धृष्टी आदायाध्वर्युः प्रतिप्रस्थाता च तपो ष्व् अग्न इति गार्हपत्याद् उदीचो ऽङ्गारान्निरूह्य चितः स्थ परिचित इत्य् एनं प्रदक्षिणं न्युप्य त्रयोदश परिधीन्परिधत्तः
siddhyai tveti dhṛṣṭī ādāyādhvaryuḥ pratiprasthātā ca tapo ṣv agna iti gārhapatyād udīco 'ṅgārānnirūhya citaḥ stha paricita ity enaṃ pradakṣiṇaṃ nyupya trayodaśa paridhīnparidhattaḥ

