20 shlokas
- 1
सह पत्न्या यजमानः सर्वर्त्विजस्त्रिः साम्नो निधनम् उपयन्ति
saha patnyā yajamānaḥ sarvartvijastriḥ sāmno nidhanam upayanti
- 2
पुरुषः पुरुषः निधनम् उपैतीति विज्ञायते
puruṣaḥ puruṣaḥ nidhanam upaitīti vijñāyate
- 3
दिवस्त्वा परस्पाया इति प्रथमं प्राप्य मध्यदेशे द्वितीयं निधनम्
divastvā paraspāyā iti prathamaṃ prāpya madhyadeśe dvitīyaṃ nidhanam
- 4
प्राञ्चो ऽतिक्रामन्ति
prāñco 'tikrāmanti
- 5
ब्रह्मणस्त्वा परस्पाया इति द्वितीयम् अभिक्रामन्त्य् उपरवदेशं प्राप्य तृतीयं निधनम् उपयन्ति प्राणस्य त्वा परस्पाया इति तृतीयम् अभिक्रामन्ति
brahmaṇastvā paraspāyā iti dvitīyam abhikrāmanty uparavadeśaṃ prāpya tṛtīyaṃ nidhanam upayanti prāṇasya tvā paraspāyā iti tṛtīyam abhikrāmanti
- 6
उद्वासनदेशम् उत्तरेणोत्तरवेदिं प्राप्य सम्राडासन्दीं प्रतिष्ठाप्य प्रस्तोतर्वार्षाहरं साम गायेष्टाहोत्रीयं साम गायेति संप्रेष्यति
udvāsanadeśam uttareṇottaravediṃ prāpya samrāḍāsandīṃ pratiṣṭhāpya prastotarvārṣāharaṃ sāma gāyeṣṭāhotrīyaṃ sāma gāyeti saṃpreṣyati
- 7
इष्टाहोत्रीयस्य पूर्ववन्निधनम् उपयन्ति न वार्षाहरस्य
iṣṭāhotrīyasya pūrvavannidhanam upayanti na vārṣāharasya
- 8
उदकुम्भम् आदायानेन संततधारया वल्गुर् असीति सर्वं परिघर्म्यम् उत्तरवेदिं परिषिञ्चन्पर्येति
udakumbham ādāyānena saṃtatadhārayā valgur asīti sarvaṃ parigharmyam uttaravediṃ pariṣiñcanparyeti
- 9
निधाय कुम्भं शं च वक्षीति त्रिर् अपरिषिञ्चन्प्रतिपर्येति
nidhāya kumbhaṃ śaṃ ca vakṣīti trir apariṣiñcanpratiparyeti
- 10
चतुस्रक्तिर्नाभिर् ऋतस्येत्य् उत्तरनाभिम् अभिमृशति
catusraktirnābhir ṛtasyety uttaranābhim abhimṛśati
- 11
सदो विश्वायुर् इत्य् उत्तरेण नाभिं खराव् उपनिवपति
sado viśvāyur ity uttareṇa nābhiṃ kharāv upanivapati
- 12
अप द्वेषो अप ह्वर इति मार्जालीय उच्छिष्टखरं पाणी प्रक्षाल्योत्तरवेद्यां कृष्णाजिनम् आस्तीर्य तस्मिन्हिरण्यं निधाय रौहिणपिष्टान्मुञ्जप्रलवान्सिकताश्चानुप्रकीर्य देव पुरश्चर सघ्यासं त्वेति प्रचरणीयं महावीरम् उपावहरति
apa dveṣo apa hvara iti mārjālīya ucchiṣṭakharaṃ pāṇī prakṣālyottaravedyāṃ kṛṣṇājinam āstīrya tasminhiraṇyaṃ nidhāya rauhiṇapiṣṭānmuñjapralavānsikatāścānuprakīrya deva puraścara saghyāsaṃ tveti pracaraṇīyaṃ mahāvīram upāvaharati
- 13
एनं महीनां पयो ऽसीति दध्ना मधुमिश्रेण पूरयति
enaṃ mahīnāṃ payo 'sīti dadhnā madhumiśreṇa pūrayati
- 14
एवम् इतरौ पूर्वापरौ दक्षिणोत्तरौ वा
evam itarau pūrvāparau dakṣiṇottarau vā
- 15
तूष्णीम् इतराणि
tūṣṇīm itarāṇi
- 16
आदित्यस्येव मण्डलं भवति
ādityasyeva maṇḍalaṃ bhavati
- 17
अपि वा महीनां पयो ऽसीति प्रचरणीय आज्यं ज्योतिर्भा असि वनस्पतीनाम् ओषधीनां रस इति मधु वाजिनं त्वा वाजिनो ऽवनयाम इति दध्य् एवम् इतरयोः
api vā mahīnāṃ payo 'sīti pracaraṇīya ājyaṃ jyotirbhā asi vanaspatīnām oṣadhīnāṃ rasa iti madhu vājinaṃ tvā vājino 'vanayāma iti dadhy evam itarayoḥ
- 18
अपि वाज्यम् एव प्रथमे मधु द्वितीये दधि तृतीये
api vājyam eva prathame madhu dvitīye dadhi tṛtīye
- 19
घर्मैतत्ते ऽन्नम् एतत्पुरीषम् इति यान्य् आसेचनवन्ति तानि दध्ना मधुमिश्रेण पूरयति
gharmaitatte 'nnam etatpurīṣam iti yāny āsecanavanti tāni dadhnā madhumiśreṇa pūrayati
- 20
अरिक्तताया इति विज्ञायते
ariktatāyā iti vijñāyate

