10 shlokas
- 1
ब्राह्मणस्यैतानीदम् अहम् अमुम् आमुष्यायणं ब्रह्मवर्चसेन पर्यूहामीति सिकताभिः प्रदक्षिणं पर्यूहति
brāhmaṇasyaitānīdam aham amum āmuṣyāyaṇaṃ brahmavarcasena paryūhāmīti sikatābhiḥ pradakṣiṇaṃ paryūhati
- 2
विशा पर्यूहामीति संनमति राजन्यस्य
viśā paryūhāmīti saṃnamati rājanyasya
- 3
पशुभिर् इति वैश्यस्य
paśubhir iti vaiśyasya
- 4
एकैकं महावीरं शफाभ्यां गृहीत्वा सते ऽवधाय गायत्रेण त्वा छन्दसाच्छृणद्मीत्य् एतैस्त्रिभिः प्रतिमन्त्रं प्रभूतेनाजापयसाच्छृणत्त्य् अन्तरतो बाह्यतश्च
ekaikaṃ mahāvīraṃ śaphābhyāṃ gṛhītvā sate 'vadhāya gāyatreṇa tvā chandasācchṛṇadmīty etaistribhiḥ pratimantraṃ prabhūtenājāpayasācchṛṇatty antarato bāhyataśca
- 5
स्वाछृण्णं गोपयसाभिविष्यन्दयति
svāchṛṇṇaṃ gopayasābhiviṣyandayati
- 6
तूष्णीं दोग्ध्रे रौहिणकपाले चाज्यदधिस्थाल्यौ च
tūṣṇīṃ dogdhre rauhiṇakapāle cājyadadhisthālyau ca
- 7
यदि विधुः प्रदरो वा जायते शिष्टेभ्यः किंचिद् आदाय चूर्णयित्वाजापयसि प्रकीर्य तेनात्र प्रलिप्य विधुं दद्राणं यद् ऋते चिद् अभिश्रिष इति द्वाभ्याम् उपोषयति
yadi vidhuḥ pradaro vā jāyate śiṣṭebhyaḥ kiṃcid ādāya cūrṇayitvājāpayasi prakīrya tenātra pralipya vidhuṃ dadrāṇaṃ yad ṛte cid abhiśriṣa iti dvābhyām upoṣayati
- 8
यद्य् उ वै सर्वश एव भिद्यते तानि कपालानि पिष्ट्वा शिष्टया मृदा संसृज्य तथा कृत्वोपोषति
yady u vai sarvaśa eva bhidyate tāni kapālāni piṣṭvā śiṣṭayā mṛdā saṃsṛjya tathā kṛtvopoṣati
- 9
प्रवर्ग्यपात्राणि कृष्णाजिनेनोपनह्योत्तरेण शालां देव पुरश्चर सघ्यासं त्वेति शिक्य आसज्य तद्यथा पत्नी न पश्यत्य् आ प्रयोगात्तथा निदधाति
pravargyapātrāṇi kṛṣṇājinenopanahyottareṇa śālāṃ deva puraścara saghyāsaṃ tveti śikya āsajya tadyathā patnī na paśyaty ā prayogāttathā nidadhāti
- 10
शं नो वात इत्य् उत्तरां शान्तिम् उपयन्ति
śaṃ no vāta ity uttarāṃ śāntim upayanti

