10 shlokas
- 1
उत्तरवेद्यां नित्यं कल्पं ब्रुवते
uttaravedyāṃ nityaṃ kalpaṃ bruvate
- 2
उत्तरवेद्याम् उद्वासयेत्तेजस्कामस्येति ब्राह्मणोक्तानि यथाकामम्
uttaravedyām udvāsayettejaskāmasyeti brāhmaṇoktāni yathākāmam
- 3
नैनम् उद्वासितं वयांसि पर्यासीरन्नाग्निप्रणयनात्
nainam udvāsitaṃ vayāṃsi paryāsīrannāgnipraṇayanāt
- 4
अत्रोदकुम्भपरिषेचनम् एके समामनन्ति
atrodakumbhapariṣecanam eke samāmananti
- 5
रन्तिर्नामासि दिव्यो गन्धर्व इत्य् एनम् उपतिष्ठते
rantirnāmāsi divyo gandharva ity enam upatiṣṭhate
- 6
अचिक्रदद्वृषा हरिर् इति यजमानः
acikradadvṛṣā harir iti yajamānaḥ
- 7
अध्वर्युर् एतत्त्वं देव घर्मेत्य् अभिमन्त्र्येदम् अहं मनुष्यो मनुष्यान् इति प्रदक्षिणम् आवृत्योच्छिष्टखरे मार्जयित्वानवेक्षमाणः प्रत्येत्योद् अयं तमस इत्य् आदित्यम् उपस्थायोद् उ त्यं चित्रम् इति द्वाभ्यां गार्हपत्ये जुहोति
adhvaryur etattvaṃ deva gharmety abhimantryedam ahaṃ manuṣyo manuṣyān iti pradakṣiṇam āvṛtyocchiṣṭakhare mārjayitvānavekṣamāṇaḥ pratyetyod ayaṃ tamasa ity ādityam upasthāyod u tyaṃ citram iti dvābhyāṃ gārhapatye juhoti
- 8
उपतिष्ठत इत्य् एके
upatiṣṭhata ity eke
- 9
इमम् ऊ षु त्यम् इत्य् आहवनीयम् उपतिष्ठते गार्हपत्यं वा
imam ū ṣu tyam ity āhavanīyam upatiṣṭhate gārhapatyaṃ vā
- 10
शं नो वातः पवताम् इत्य् उत्तरां शान्तिम् उपयन्त्य् उपयन्ति
śaṃ no vātaḥ pavatām ity uttarāṃ śāntim upayanty upayanti

