8 shlokas
- 1
शेषाद् उपयमनेनाग्निहोत्रं जुहोत्य् अग्निर्ज्योतिर्ज्योतिर् अग्निः स्वाहेति सायं सूर्यो ज्योतिर्ज्योतिः सूर्यः स्वाहेति प्रातर्व्याहृत्या वोभयत्र तूष्णीं वा
śeṣād upayamanenāgnihotraṃ juhoty agnirjyotirjyotir agniḥ svāheti sāyaṃ sūryo jyotirjyotiḥ sūryaḥ svāheti prātarvyāhṛtyā vobhayatra tūṣṇīṃ vā
- 2
शेषं समुपहूय हुतं हविर्मधु हविर् इति यजमान एव प्रत्यक्षं भक्षयति होत्रादयो ऽवघ्रेण
śeṣaṃ samupahūya hutaṃ havirmadhu havir iti yajamāna eva pratyakṣaṃ bhakṣayati hotrādayo 'vaghreṇa
- 3
अग्नीध्र उपयमनम् उच्छिष्टखरे मार्जयित्वान्तर्वेदि प्राचीनबिलं सादयति
agnīdhra upayamanam ucchiṣṭakhare mārjayitvāntarvedi prācīnabilaṃ sādayati
- 4
तस्मिन्सुवर्णरजतौ शतमानौ प्रास्य मदन्तीर्निनीय हिरण्यवतीभिस्ताभिर्यजमानषष्ठा हिरण्यवर्णाः शुचय इति चतसृभिर्मार्जयन्ते
tasminsuvarṇarajatau śatamānau prāsya madantīrninīya hiraṇyavatībhistābhiryajamānaṣaṣṭhā hiraṇyavarṇāḥ śucaya iti catasṛbhirmārjayante
- 5
स्रुवेणाज्यम् आदाय प्राणाय स्वाहा पूष्णे स्वाहेत्य् एताभ्याम् अनुवाकाभ्यां प्रवर्ग्यप्रायश्चित्तानि हुत्वोपयमनाद् अपो निःसार्य तस्मिन्घर्मपात्रं समवधाय तत्समवमृशन्घर्माय संप्रसाद्यमानायानुब्रूहीति संप्रेष्यति
sruveṇājyam ādāya prāṇāya svāhā pūṣṇe svāhety etābhyām anuvākābhyāṃ pravargyaprāyaścittāni hutvopayamanād apo niḥsārya tasmingharmapātraṃ samavadhāya tatsamavamṛśangharmāya saṃprasādyamānāyānubrūhīti saṃpreṣyati
- 6
आ यस्मिन्सप्त वासवा इत्य् अभिज्ञाय तद् एतद् उपयमनम् अग्रेणाहवनीयं पर्याहृत्य दक्षिणतः सम्राडासन्द्यां कृष्णाजिने प्राचीनबिलं स्वाहा त्वा सूर्यस्य रश्मिभ्य इति प्रातः संसादयति स्वाहा त्वा नक्षत्रेभ्य इति सायं प्रतीचीनबिलम्
ā yasminsapta vāsavā ity abhijñāya tad etad upayamanam agreṇāhavanīyaṃ paryāhṛtya dakṣiṇataḥ samrāḍāsandyāṃ kṛṣṇājine prācīnabilaṃ svāhā tvā sūryasya raśmibhya iti prātaḥ saṃsādayati svāhā tvā nakṣatrebhya iti sāyaṃ pratīcīnabilam
- 7
अद्धि तृणम् अघ्न्ये विश्वदानीम् इत्य् अभिज्ञाय घर्मदुघम् उत्सृज्यैतस्मिन्काले शं नो वातः पवताम् इत्य् उत्तमेनानुवाकेन शान्तिम् उपयन्ति
addhi tṛṇam aghnye viśvadānīm ity abhijñāya gharmadugham utsṛjyaitasminkāle śaṃ no vātaḥ pavatām ity uttamenānuvākena śāntim upayanti
- 8
एवं त्रिरात्रं षड्रात्रं द्वादशरात्रं वा सायं प्रातः प्रवर्ग्योपसद्भ्यां प्रचरन्ति
evaṃ trirātraṃ ṣaḍrātraṃ dvādaśarātraṃ vā sāyaṃ prātaḥ pravargyopasadbhyāṃ pracaranti

