10 shlokas
- 1
यान्य् अप्य् अन्यान्य् उखासंसर्जनान्य् अर्मकलालानि शर्करावाञ्जनपिष्टादीनि दृढार्थं तैश्चोपसृजति
yāny apy anyāny ukhāsaṃsarjanāny armakalālāni śarkarāvāñjanapiṣṭādīni dṛḍhārthaṃ taiścopasṛjati
- 2
अस्मिन्प्रवर्ग्यं यत्किंचोदककृत्यं तथाधिश्रित्य मदन्तीभिः क्रियते
asminpravargyaṃ yatkiṃcodakakṛtyaṃ tathādhiśritya madantībhiḥ kriyate
- 3
नैनं स्त्री प्रेक्षते न शूद्रः
nainaṃ strī prekṣate na śūdraḥ
- 4
न पात्राणि कुर्वन्न् अभिप्राण्यात्
na pātrāṇi kurvann abhiprāṇyāt
- 5
अपहाय मुखम् अनभिप्राणन्वेणुना करोति
apahāya mukham anabhiprāṇanveṇunā karoti
- 6
न प्रवर्ग्यं चादित्यं चान्तरा व्यवेयात्
na pravargyaṃ cādityaṃ cāntarā vyaveyāt
- 7
यत्र क्व च प्रवर्ग्ये प्रक्रान्त आदित्यो ऽस्तमियात्तद्विरम्य तच्छिष्टं श्वो भूते समापयति
yatra kva ca pravargye prakrānta ādityo 'stamiyāttadviramya tacchiṣṭaṃ śvo bhūte samāpayati
- 8
ता मृदः संप्रक्षुद्य मखस्य शिरो ऽसीति पिण्डं कृत्वाङ्गुष्ठाभ्यां यथार्थाभ्याम् अङ्गुलीभ्यां च यज्ञस्य पदे स्थ इति निगृह्य तत्त्रिधावच्छिद्य त्रीन्पिण्डान्कृत्वा गायत्रो ऽसीति प्रथमं कर्त्रे प्रयच्छति त्रैष्टुभो ऽसीति द्वितीयं जागतो ऽसीति तृतीयं च
tā mṛdaḥ saṃprakṣudya makhasya śiro 'sīti piṇḍaṃ kṛtvāṅguṣṭhābhyāṃ yathārthābhyām aṅgulībhyāṃ ca yajñasya pade stha iti nigṛhya tattridhāvacchidya trīnpiṇḍānkṛtvā gāyatro 'sīti prathamaṃ kartre prayacchati traiṣṭubho 'sīti dvitīyaṃ jāgato 'sīti tṛtīyaṃ ca
- 9
गायत्रेण त्वा छन्दसा करोमीति त्रिभिश्छन्दोभिस्त्रीन्महावीरान्वायव्यप्रकारांस्त्र्युद्धीन्पञ्चोद्धीन् अपरिमितोद्धीन्वा प्रादेशमात्रान् ऊर्ध्वसानून् आसेचनवदुपरिभागान्मध्ये संनतान्करोति
gāyatreṇa tvā chandasā karomīti tribhiśchandobhistrīnmahāvīrānvāyavyaprakārāṃstryuddhīnpañcoddhīn aparimitoddhīnvā prādeśamātrān ūrdhvasānūn āsecanavaduparibhāgānmadhye saṃnatānkaroti
- 10
मखस्य रास्नासीत्य् उपबिलं रास्नां कृत्वादितिस्ते बिलं गृह्णात्व् इति वेणुपर्वणा बिलं करोति
makhasya rāsnāsīty upabilaṃ rāsnāṃ kṛtvāditiste bilaṃ gṛhṇātv iti veṇuparvaṇā bilaṃ karoti

