10 shlokas
- 1
अनिम्नयोर् आग्नीध्र उपस्तीर्णाभिघारितौ रौहिणौ पुरोडाशौ पूर्वाह्णे प्राच्यौ स्रुचौ दक्षिणोत्तरपरिधिसंधी अन्वासादयति प्रतीच्याव् अपराह्ण इत्य् एके
animnayor āgnīdhra upastīrṇābhighāritau rauhiṇau puroḍāśau pūrvāhṇe prācyau srucau dakṣiṇottaraparidhisaṃdhī anvāsādayati pratīcyāv aparāhṇa ity eke
- 2
देवस्य त्वेति रशनाम् आदायादित्यै रास्नासीति रशनाम् अभिमन्त्र्य पूर्वद्वारोपनिष्क्रम्याध्वर्युर् इड एह्य् अदित एहि सरस्वत्य् एहीति घर्मदुघम् आह्वयति त्रिर् उपांश्व् असाव् एह्य् असाव् एहीति त्रिर् उच्चैर्यथासाम
devasya tveti raśanām ādāyādityai rāsnāsīti raśanām abhimantrya pūrvadvāropaniṣkramyādhvaryur iḍa ehy adita ehi sarasvaty ehīti gharmadugham āhvayati trir upāṃśv asāv ehy asāv ehīti trir uccairyathāsāma
- 3
प्रत्येत्याभिधानीं निदाने दोग्ध्रे चादायाध्वर्युर् आग्नीध्रः प्रतिप्रस्थाता च दक्षिणया द्वारोपनिर्हृत्यादित्या उष्णीषम् असीति घर्मदुघम् अध्वर्युर् अभिधान्या कण्ठे बध्नाति वायुर् अस्य् ऐड इति वत्सम्
pratyetyābhidhānīṃ nidāne dogdhre cādāyādhvaryur āgnīdhraḥ pratiprasthātā ca dakṣiṇayā dvāropanirhṛtyādityā uṣṇīṣam asīti gharmadugham adhvaryur abhidhānyā kaṇṭhe badhnāti vāyur asy aiḍa iti vatsam
- 4
पूषा त्वोपावसृजत्व् इति वत्सम् उपावसृजति
pūṣā tvopāvasṛjatv iti vatsam upāvasṛjati
- 5
यस्ते स्तनः शशय इत्य् अध्वर्युर्घर्मदुघम् अभिमन्त्र्योस्र घर्मं शिंषेति वत्सम् आदाय नियुज्य बृहस्पतिस्त्वोपसीदत्व् इत्य् उपसीदति
yaste stanaḥ śaśaya ity adhvaryurgharmadugham abhimantryosra gharmaṃ śiṃṣeti vatsam ādāya niyujya bṛhaspatistvopasīdatv ity upasīdati
- 6
दानवः स्थ पेरव इति स्तनान्संमृशति
dānavaḥ stha perava iti stanānsaṃmṛśati
- 7
आ दशभिर्विवस्वत इत्य् अभिज्ञाय स्तनान् अश्विभ्यां पिन्वस्वेत्य् एतैर्वर्षीयसि दोग्ध्रे पिन्वयति
ā daśabhirvivasvata ity abhijñāya stanān aśvibhyāṃ pinvasvety etairvarṣīyasi dogdhre pinvayati
- 8
एतस्मिन्काले प्रतिप्रस्थाता तूष्णीम् अजां ह्रसीयस्य् अग्नीधे पयसी प्रदाय यथेतं प्रत्येत्य गायत्रो ऽसि त्रैष्टुभो ऽसीति शफाव् अध्वर्युर् आदत्ते जागतम् असीति प्रतिप्रस्थातोपयमनम्
etasminkāle pratiprasthātā tūṣṇīm ajāṃ hrasīyasy agnīdhe payasī pradāya yathetaṃ pratyetya gāyatro 'si traiṣṭubho 'sīti śaphāv adhvaryur ādatte jāgatam asīti pratiprasthātopayamanam
- 9
उपद्रव पयसा गोधुग् इत्य् अभिज्ञायाग्नीध्रः प्रतिपद्यते
upadrava payasā godhug ity abhijñāyāgnīdhraḥ pratipadyate
- 10
सहोर्जो भागेनोप मेहीत्य् आह्रियमाणं पयो ऽध्वर्युः प्रतीक्षते
sahorjo bhāgenopa mehīty āhriyamāṇaṃ payo 'dhvaryuḥ pratīkṣate

