19 shlokas
- 1
मा असीति प्राञ्चाव् अध्वर्युः परिदधाति
mā asīti prāñcāv adhvaryuḥ paridadhāti
- 2
प्रमा असीत्य् उदञ्चौ प्रतिप्रस्थाता
pramā asīty udañcau pratiprasthātā
- 3
एवं द्वौ द्वौ पूर्वेण पूर्वेण मन्त्रेणाध्वर्युरुत्तरेणोत्तरेण प्रतिप्रस्थाता
evaṃ dvau dvau pūrveṇa pūrveṇa mantreṇādhvaryuruttareṇottareṇa pratiprasthātā
- 4
अन्तरिक्षस्यान्तर्धिर् असीत्य् अध्वर्युर् एव त्रयोदशं दक्षिणतः परिदधाति
antarikṣasyāntardhir asīty adhvaryur eva trayodaśaṃ dakṣiṇataḥ paridadhāti
- 5
दिवं तपसस्त्रायस्वेत्य् उपरिष्टात्सौवर्णेन रुक्मेनापिधायाभिर्गीर्भिर् इति तिसृभिर् उपतिष्ठते
divaṃ tapasastrāyasvety upariṣṭātsauvarṇena rukmenāpidhāyābhirgīrbhir iti tisṛbhir upatiṣṭhate
- 6
गायत्रम् असीत्य् एतैर् एकैकं धवित्राण्य् आदत्ते
gāyatram asīty etair ekaikaṃ dhavitrāṇy ādatte
- 7
पश्चात्प्राङ्जान्व् आच्य तैर् एनं मधु मध्व् इति त्रिर् ऊर्ध्वम् अभिधूनोति
paścātprāṅjānv ācya tair enaṃ madhu madhv iti trir ūrdhvam abhidhūnoti
- 8
तेषां प्रथमं स्वयं गृहीत्वा मध्यमं प्रतिप्रस्थात्रे प्रयच्छतीतरद् आग्नीध्राय
teṣāṃ prathamaṃ svayaṃ gṛhītvā madhyamaṃ pratiprasthātre prayacchatītarad āgnīdhrāya
- 9
मधु मध्व् इत्य् आग्नीध्राग्रा ऊर्ध्वं धून्वन्तस्त्रिः प्रदक्षिणं महावीरं परियन्ति
madhu madhv ity āgnīdhrāgrā ūrdhvaṃ dhūnvantastriḥ pradakṣiṇaṃ mahāvīraṃ pariyanti
- 10
प्रणवेन संराधयन्ति यथावकाशम् उपविश्य महावीरं समञ्जन्तो वाग्यता इन्धाना आसते
praṇavena saṃrādhayanti yathāvakāśam upaviśya mahāvīraṃ samañjanto vāgyatā indhānā āsate
- 11
प्रज्वलिते सुवर्णं शतमानम् अपादत्ते
prajvalite suvarṇaṃ śatamānam apādatte
- 12
याभिर्वर्तिकां ग्रसिताम् अमुञ्चतम् इति होतुर् अभिज्ञाय दश प्राचीर्दश भासि दक्षिणेत्य् अनुवाकेनाध्वर्युर्महावीरम् अभिमन्त्रयते
yābhirvartikāṃ grasitām amuñcatam iti hotur abhijñāya daśa prācīrdaśa bhāsi dakṣiṇety anuvākenādhvaryurmahāvīram abhimantrayate
- 13
अप्नस्वतीम् अश्विना वाचम् अस्मे इत्य् अभिज्ञाय धवित्राण्य् उपोद्यच्छन्ते
apnasvatīm aśvinā vācam asme ity abhijñāya dhavitrāṇy upodyacchante
- 14
अरूरुचद् उषसः पृश्निर् अग्रिय इत्य् अभिज्ञाय रुचितो घर्म इत्य् उक्त्वा यथेतं त्रिः पुनः प्रतिपरियन्ति
arūrucad uṣasaḥ pṛśnir agriya ity abhijñāya rucito gharma ity uktvā yathetaṃ triḥ punaḥ pratipariyanti
- 15
धवित्राणि प्रत्यादायाध्वर्युर् अग्रेणाहवनीयं पर्याहृत्य स्वाहा त्वा सूर्यस्य रश्मिभ्य इति प्रातः सम्राडासन्द्यां सादयति स्वाहा त्वा नक्षत्रेभ्य इति सायम्
dhavitrāṇi pratyādāyādhvaryur agreṇāhavanīyaṃ paryāhṛtya svāhā tvā sūryasya raśmibhya iti prātaḥ samrāḍāsandyāṃ sādayati svāhā tvā nakṣatrebhya iti sāyam
- 16
यथास्थानम् अवस्थायापश्यं गोपाम् इति सर्व ऋत्विजो यजमानश्चाधीयन्तो महावीरम् अवेक्षन्ते
yathāsthānam avasthāyāpaśyaṃ gopām iti sarva ṛtvijo yajamānaścādhīyanto mahāvīram avekṣante
- 17
त्वम् अग्ने गृहपतिर् इत्य् अध्वर्युर्गार्हपत्यम् उपतिष्ठते
tvam agne gṛhapatir ity adhvaryurgārhapatyam upatiṣṭhate
- 18
अन्तर्हिते प्रतिप्रस्थाता त्वष्टीमती ते सपेयेति पत्नी वाचयति
antarhite pratiprasthātā tvaṣṭīmatī te sapeyeti patnī vācayati
- 19
अग्नीद्रौहिणौ पुरोडाशाव् आसादयेति संप्रेष्यति
agnīdrauhiṇau puroḍāśāv āsādayeti saṃpreṣyati

