11 shlokas
- 1
कथ्यन्ते सोमदेवेन साम्प्रतं दर्शिनो रसाः
श्रीकण्ठागमनिर्दिष्टा विशिष्टा रससाधने
kathyante somadevena sāmprataṃ darśino rasāḥ
śrīkaṇṭhāgamanirdiṣṭā viśiṣṭā rasasādhane
- 2
जलोत्पलसमङ्गा च रसा च जलपिप्पली
स्थलप्रसारिणी चिञ्ची जालिनी जलमूलका
jalotpalasamaṅgā ca rasā ca jalapippalī
sthalaprasāriṇī ciñcī jālinī jalamūlakā
- 3
चन्द्रोदकार्धचन्द्रा च जलापामार्गतिक्तका
तुषाम्बु काकमाची च जलकुम्भी तथा शटी
candrodakārdhacandrā ca jalāpāmārgatiktakā
tuṣāmbu kākamācī ca jalakumbhī tathā śaṭī
- 4
उत्तमा हेमपुष्पी च दुर्गन्धा सितगन्धिनी
माण्डूकी मोहिनी मांसी पाषाणी चाथ शीशिका
uttamā hemapuṣpī ca durgandhā sitagandhinī
māṇḍūkī mohinī māṃsī pāṣāṇī cātha śīśikā
- 5
सारिवालम्बुषा मेघनादी च शुकनासिका
पोतकी हीरिणी वज्रकन्दिका चापराजिता
sārivālambuṣā meghanādī ca śukanāsikā
potakī hīriṇī vajrakandikā cāparājitā
- 6
वनमाला विदारी च कुक्कुटा हलिनीश्वरी
वाराही बृहती मूर्वा सर्पाक्षी सदचित्रिका
vanamālā vidārī ca kukkuṭā halinīśvarī
vārāhī bṛhatī mūrvā sarpākṣī sadacitrikā
- 7
मालार्जुनश्च गोजिह्वा गरुडी हंसपादिका
नन्दिनी शिखिपादी च काश्मरी तुलसी तथा
mālārjunaśca gojihvā garuḍī haṃsapādikā
nandinī śikhipādī ca kāśmarī tulasī tathā
- 8
वनकूष्माण्डवल्ली च वृश्चिकाली च वेणुका
मुशली चित्रपादी च कर्मस्फोटी तथा विषा
vanakūṣmāṇḍavallī ca vṛścikālī ca veṇukā
muśalī citrapādī ca karmasphoṭī tathā viṣā
- 9
अजमारी पाटला च पटोली धन्वयासकः
भार्ङ्गी विषघ्नी गुडूची वासा भृङ्गी च पागवः
ajamārī pāṭalā ca paṭolī dhanvayāsakaḥ
bhārṅgī viṣaghnī guḍūcī vāsā bhṛṅgī ca pāgavaḥ
- 10
अष्टषष्टिरिति प्रोक्ता रसौषध्यो महाबलाः
बन्धने मारणे तद्वज्जारणे च नियामने
बन्धादाने च सूतस्य सर्वदोषापकर्मणि
aṣṭaṣaṣṭiriti proktā rasauṣadhyo mahābalāḥ
bandhane māraṇe tadvajjāraṇe ca niyāmane
bandhādāne ca sūtasya sarvadoṣāpakarmaṇi
- 11
विन्ध्याद्रौ हिमपर्वते च मलये गोमन्तके श्रीगिरौ सह्याद्रावथ पारियात्रकगिरौ किष्किन्धनामालये
माहेन्द्रेऽप्यथ माल्यवत्क्षितिधरे तद्रूपनामाधिकं गोपाभीरकसिद्धवैद्यमुखतो वैद्यैः समावेद्यताम्
vindhyādrau himaparvate ca malaye gomantake śrīgirau sahyādrāvatha pāriyātrakagirau kiṣkindhanāmālaye
māhendre'pyatha mālyavatkṣitidhare tadrūpanāmādhikaṃ gopābhīrakasiddhavaidyamukhato vaidyaiḥ samāvedyatām

