8 shlokas
- 1
तिस्रो ऽष्टकाः
tisro 'ṣṭakāḥ
- 2
ऊर्ध्वम् आग्रहायण्याः प्राक्फाल्गुन्यास्तामिस्राणाम् अष्टम्यः
ūrdhvam āgrahāyaṇyāḥ prākphālgunyāstāmisrāṇām aṣṭamyaḥ
- 3
तासु नाधीयीत
tāsu nādhīyīta
- 4
तासु पयसि स्थालीपाकं श्रपयित्वा तस्य जुहोति
या देव्यष्टकेष्व् अपसापस्तमा स्वपा अवया असि
त्वं यज्ञे वरुणस्यावया असि तस्यै त एना हविषा विधेम
उलूखला ग्रावाणो घोषम् अकुर्वत हविः कृण्वन्तः परिवत्सरीयम्
एकाष्टके सुप्रजसः सुवीरा ज्योग्जीवेम बलिहृतो वयं ते
यां जनाः प्रतिनन्दन्ति रात्रीं धेनुमिवायतीम्
संवत्सरस्य या पत्नी सा नो अस्तु सुमङ्गली
संवत्सरस्य प्रतिमां ये त्वा रात्रीमुपासते
तेषाम् आयुष्मतीं प्रजां रायस्पोषेण संसृजस्व
इति चतस्रः स्थालीपाकस्य
tāsu payasi sthālīpākaṃ śrapayitvā tasya juhoti
yā devyaṣṭakeṣv apasāpastamā svapā avayā asi
tvaṃ yajñe varuṇasyāvayā asi tasyai ta enā haviṣā vidhema
ulūkhalā grāvāṇo ghoṣam akurvata haviḥ kṛṇvantaḥ parivatsarīyam
ekāṣṭake suprajasaḥ suvīrā jyogjīvema balihṛto vayaṃ te
yāṃ janāḥ pratinandanti rātrīṃ dhenumivāyatīm
saṃvatsarasya yā patnī sā no astu sumaṅgalī
saṃvatsarasya pratimāṃ ye tvā rātrīmupāsate
teṣām āyuṣmatīṃ prajāṃ rāyaspoṣeṇa saṃsṛjasva
iti catasraḥ sthālīpākasya
- 5
अष्टकायै सुराधसे स्वाहेति सर्वत्रानुषजति
aṣṭakāyai surādhase svāheti sarvatrānuṣajati
- 6
हेमन्तो वसन्तो ग्रीष्म ऋतवः शिवा नः शिवा नो वर्षा अभयाश्चिरं नः
वैश्वानरो ऽधिपतिः प्राणदो नो अहोरात्रे कृणुतां दीर्घमायुः
शान्ता पृथिवी शिवमन्तरिक्षं द्यौर्नो देव्यभयं कृणोतु
शिवा दिशः प्रदिश आदिशो न आपो विद्युतः परिपान्त्वायुः
आपो मरीचीः परिपान्तु विश्वतो धाता समुद्रो अभयं कृणोतु
भूतं भविष्यदुत भद्रमस्तु मे ब्रह्माभिगूर्तं स्वराक्षाणः
कविर् अग्निर् इन्द्रः सोमः सूर्यो वायुरस्तु मे अग्निर्वैश्वानरो अपहन्तु पापम्
बृहस्पतिः सविता शर्म यच्छतु श्रियं विराजं मयि पूषा दधातु
विश्व आदित्या वसवश्च सर्वे रुद्रा गोप्तारो मरुतश्च सन्तु
ऊर्जं प्रजाममृतं दीर्घमायुः प्रजापतिर्मयि परमेष्ठी दधातु
इति पञ्चाज्यस्य
hemanto vasanto grīṣma ṛtavaḥ śivā naḥ śivā no varṣā abhayāściraṃ naḥ
vaiśvānaro 'dhipatiḥ prāṇado no ahorātre kṛṇutāṃ dīrghamāyuḥ
śāntā pṛthivī śivamantarikṣaṃ dyaurno devyabhayaṃ kṛṇotu
śivā diśaḥ pradiśa ādiśo na āpo vidyutaḥ paripāntvāyuḥ
āpo marīcīḥ paripāntu viśvato dhātā samudro abhayaṃ kṛṇotu
bhūtaṃ bhaviṣyaduta bhadramastu me brahmābhigūrtaṃ svarākṣāṇaḥ
kavir agnir indraḥ somaḥ sūryo vāyurastu me agnirvaiśvānaro apahantu pāpam
bṛhaspatiḥ savitā śarma yacchatu śriyaṃ virājaṃ mayi pūṣā dadhātu
viśva ādityā vasavaśca sarve rudrā goptāro marutaśca santu
ūrjaṃ prajāmamṛtaṃ dīrghamāyuḥ prajāpatirmayi parameṣṭhī dadhātu
iti pañcājyasya
- 7
जयान्हुत्वेडामग्न इति स्विष्टकृद् इति
jayānhutveḍāmagna iti sviṣṭakṛd iti
- 8
एवं सर्वासु
evaṃ sarvāsu

