Sanskrit

7 shlokas

  1. 1
  2. 2
  3. 3
  4. 4
  5. 5
  6. 6

    यद्यर्चा दह्येद्वा नश्येद्वा प्रपतेद्वा प्रभजेद्वा प्रहसेद्वा प्रचलेद्वा स्थाल्या वा स्थालीम् आसिच्य दक्षिणोत्तरा वा स्थाली भिद्येतोत्तरा वोपलाशे नियम्य द्वारवंशो वा स्फुटेत्

    गौर्वा गां धयेत्स्त्री वा स्त्रियम् आहन्यात्कर्तसंसर्गे हलसंसर्गे मुसलप्रपतने मुसलं वावशीर्येतान्यस्मिंश्चाद्भुत एताभिर्जुहुयात्

    स्वस्ति न इन्द्रो वृद्धश्रवाः स्वस्ति नः पूषा विश्ववेदाः

    स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दधातु

    स्वस्ति नो मिमीताम् अश्विना भगः स्वस्ति देव्य् अदितिर् अनर्वणः

    स्वस्ति पूषा असुरो दधातु नः स्वस्ति द्यावापृथिवी सुचेतुना

    स्वस्तये वायुम् उपब्रवामहै सोमं स्वस्ति भुवनस्य यस्पतिः

    बृहस्पतिं सर्वगणं स्वस्तये स्वस्तय आदित्यासो भवन्तु नः

    विश्वे देवा नो अद्या स्वस्तये वैश्वानरो वसुर् अग्निः स्वस्तये

    देवा अवन्त्व् ऋभवः स्वस्तये स्वस्ति नो रुद्रः पात्व् अंहसः

    स्वस्ति नः पथ्यासु धन्वसु स्वस्त्य् अप्सु व्रजने स्वर्वतः

    स्वस्ति नः पथ्याकृतेषु योनिषु स्वस्ति राये मरुतो दधातु नः

    त्रातारम् इन्द्रं मा ते अस्यां वि न इन्द्र मृगो न भीमस्तं शं योर् आवृणीमह इति दशाहुतयः

    yadyarcā dahyedvā naśyedvā prapatedvā prabhajedvā prahasedvā pracaledvā sthālyā vā sthālīm āsicya dakṣiṇottarā vā sthālī bhidyetottarā vopalāśe niyamya dvāravaṃśo vā sphuṭet

    gaurvā gāṃ dhayetstrī vā striyam āhanyātkartasaṃsarge halasaṃsarge musalaprapatane musalaṃ vāvaśīryetānyasmiṃścādbhuta etābhirjuhuyāt

    svasti na indro vṛddhaśravāḥ svasti naḥ pūṣā viśvavedāḥ

    svasti nastārkṣyo ariṣṭanemiḥ svasti no bṛhaspatirdadhātu

    svasti no mimītām aśvinā bhagaḥ svasti devy aditir anarvaṇaḥ

    svasti pūṣā asuro dadhātu naḥ svasti dyāvāpṛthivī sucetunā

    svastaye vāyum upabravāmahai somaṃ svasti bhuvanasya yaspatiḥ

    bṛhaspatiṃ sarvagaṇaṃ svastaye svastaya ādityāso bhavantu naḥ

    viśve devā no adyā svastaye vaiśvānaro vasur agniḥ svastaye

    devā avantv ṛbhavaḥ svastaye svasti no rudraḥ pātv aṃhasaḥ

    svasti naḥ pathyāsu dhanvasu svasty apsu vrajane svarvataḥ

    svasti naḥ pathyākṛteṣu yoniṣu svasti rāye maruto dadhātu naḥ

    trātāram indraṃ mā te asyāṃ vi na indra mṛgo na bhīmastaṃ śaṃ yor āvṛṇīmaha iti daśāhutayaḥ

  7. 7