21 shlokas
- 1
वैश्वदेवस्य सिद्धस्य सायं प्रातर्बलिं हरेत्
vaiśvadevasya siddhasya sāyaṃ prātarbaliṃ haret
- 2
अग्नीषोमौ धन्वन्तरिं विश्वान्देवान्प्रजापतिम् अग्निं स्विष्टकृतम् इत्य् एवं होमो विधीयते
agnīṣomau dhanvantariṃ viśvāndevānprajāpatim agniṃ sviṣṭakṛtam ity evaṃ homo vidhīyate
- 3
अथ बलिं हरत्य् अग्नये नमः सोमाय धन्वन्तरये विश्वेभ्यो देवेभ्यः प्रजापतये अग्नये स्विष्टकृत इत्य् अग्न्यागार उत्तराम् उत्तराम्
atha baliṃ haraty agnaye namaḥ somāya dhanvantaraye viśvebhyo devebhyaḥ prajāpataye agnaye sviṣṭakṛta ity agnyāgāra uttarām uttarām
- 4
अद्भ्य इत्य् उदकुम्भसकाशे
adbhya ity udakumbhasakāśe
- 5
ओषधिभ्य इत्य् ओषधिभ्यो वनस्पतिभ्य इति गृहमध्यमायां स्थूणायाम्
oṣadhibhya ity oṣadhibhyo vanaspatibhya iti gṛhamadhyamāyāṃ sthūṇāyām
- 6
गृह्याभ्यो देवताभ्य इति गृहमध्ये
gṛhyābhyo devatābhya iti gṛhamadhye
- 7
धर्मायाधर्मायेति द्वारे
dharmāyādharmāyeti dvāre
- 8
मृत्यव आकाशायेत्य् आकाशे
mṛtyava ākāśāyety ākāśe
- 9
अन्तर्गोष्ठायेत्य् अन्तर्गोष्ठे
antargoṣṭhāyety antargoṣṭhe
- 10
बहिर्वैश्रवणायेति बहिः प्राचीम्
bahirvaiśravaṇāyeti bahiḥ prācīm
- 11
विश्वेभ्यो देवेभ्य इति वेश्मनि
viśvebhyo devebhya iti veśmani
- 12
इन्द्रायेन्द्रपुरुषेभ्य इति पुरस्तात्
indrāyendrapuruṣebhya iti purastāt
- 13
यमाय यमपुरुषेभ्य इति दक्षिणतः
yamāya yamapuruṣebhya iti dakṣiṇataḥ
- 14
वरुणाय वरुणपुरुषेभ्य इति पश्चात्
varuṇāya varuṇapuruṣebhya iti paścāt
- 15
सोमाय सोमपुरुषेभ्य इत्य् उत्तरतः
somāya somapuruṣebhya ity uttarataḥ
- 16
ब्रह्मणे ब्रह्मपुरुषेभ्य इति मध्ये
brahmaṇe brahmapuruṣebhya iti madhye
- 17
प्राचीम् आपातिकेभ्यः सम्पातिकेभ्य ऋक्षेभ्यो यक्षेभ्यः पिपीलिकाभ्यः पिशाचेभ्यो ऽप्सरोभ्यो गन्धर्वेभ्यो गुह्यकेभ्यः शैलेभ्यः पन्नगेभ्यः
prācīm āpātikebhyaḥ sampātikebhya ṛkṣebhyo yakṣebhyaḥ pipīlikābhyaḥ piśācebhyo 'psarobhyo gandharvebhyo guhyakebhyaḥ śailebhyaḥ pannagebhyaḥ
- 18
दिवाचारिभ्यो भूतेभ्य इति दिवा नक्तंचारिभ्यो भूतेभ्य इति नक्तम्
divācāribhyo bhūtebhya iti divā naktaṃcāribhyo bhūtebhya iti naktam
- 19
धन्वन्तरये धन्वन्तरितर्पणम्
dhanvantaraye dhanvantaritarpaṇam
- 20
अद्भिः संसृज्य पितृभ्यः स्वधेति शेषं दक्षिणा भूमौ निनयेत्
adbhiḥ saṃsṛjya pitṛbhyaḥ svadheti śeṣaṃ dakṣiṇā bhūmau ninayet
- 21
पाणी प्रक्षाल्याचम्यातिथिं भोजयित्वावशिष्टस्याश्नीयात्
pāṇī prakṣālyācamyātithiṃ bhojayitvāvaśiṣṭasyāśnīyāt

