Manava Grhya Sutra · 2.8 2.8.4
2.8.4तासु पयसि स्थालीपाकं श्रपयित्वा तस्य जुहोति
या देव्यष्टकेष्व् अपसापस्तमा स्वपा अवया असि
त्वं यज्ञे वरुणस्यावया असि तस्यै त एना हविषा विधेम
उलूखला ग्रावाणो घोषम् अकुर्वत हविः कृण्वन्तः परिवत्सरीयम्
एकाष्टके सुप्रजसः सुवीरा ज्योग्जीवेम बलिहृतो वयं ते
यां जनाः प्रतिनन्दन्ति रात्रीं धेनुमिवायतीम्
संवत्सरस्य या पत्नी सा नो अस्तु सुमङ्गली
संवत्सरस्य प्रतिमां ये त्वा रात्रीमुपासते
तेषाम् आयुष्मतीं प्रजां रायस्पोषेण संसृजस्व
इति चतस्रः स्थालीपाकस्य
Transliteration
tāsu payasi sthālīpākaṃ śrapayitvā tasya juhoti
yā devyaṣṭakeṣv apasāpastamā svapā avayā asi
tvaṃ yajñe varuṇasyāvayā asi tasyai ta enā haviṣā vidhema
ulūkhalā grāvāṇo ghoṣam akurvata haviḥ kṛṇvantaḥ parivatsarīyam
ekāṣṭake suprajasaḥ suvīrā jyogjīvema balihṛto vayaṃ te
yāṃ janāḥ pratinandanti rātrīṃ dhenumivāyatīm
saṃvatsarasya yā patnī sā no astu sumaṅgalī
saṃvatsarasya pratimāṃ ye tvā rātrīmupāsate
teṣām āyuṣmatīṃ prajāṃ rāyaspoṣeṇa saṃsṛjasva
iti catasraḥ sthālīpākasya
By System Admin
Translation
Draft in progress