10 shlokas
- 1
अथातः षष्ठीकल्पं व्याख्यास्यामः
athātaḥ ṣaṣṭhīkalpaṃ vyākhyāsyāmaḥ
- 2
शुक्लपक्षस्य पञ्चम्यां प्रत्यङ्मुखो हविष्यम् अन्नम् अश्नीत
śuklapakṣasya pañcamyāṃ pratyaṅmukho haviṣyam annam aśnīta
- 3
अधः शयीत दर्भेषु शालिपलालेषु वा प्राक्शिरा ब्रह्मचारी
adhaḥ śayīta darbheṣu śālipalāleṣu vā prākśirā brahmacārī
- 4
श्वोभूत उदित आदित्ये स्नानं पानं भोजनम् अनुलेपनं स्रजो वासांसि न प्रत्याचक्षीत
śvobhūta udita āditye snānaṃ pānaṃ bhojanam anulepanaṃ srajo vāsāṃsi na pratyācakṣīta
- 5
यावद्दद्यात्तावद् अश्नीयाद्यद्यद्दद्यात्तत्तद् अश्नीयाद् अन्यत्रामेध्यपातकिभ्यो ऽभिनिविष्टकवर्जम्
yāvaddadyāttāvad aśnīyādyadyaddadyāttattad aśnīyād anyatrāmedhyapātakibhyo 'bhiniviṣṭakavarjam
- 6
अस्तमित आदित्ये पयसि स्थालीपाकं श्रपयित्वाथैतैर्नामधेयैर्जुहोति
धनदां वसुमीशानां कामदां सर्वकामिनाम्
पुण्यां यशस्विनीं देवीं षष्ठीं शक्र जुषस्व मे
नन्दी भूतिश्च लक्ष्मीश्चादित्या च यशस्विनी
सुमना वाक्च सिद्धिश्च षष्ठी मे दिशतां धनम्
पुत्रान्पशून्धनं धान्यं बह्वश्वाजगवेडकम्
मनसा यत्प्रणीतं च तन्मे दिशतु हव्यभुक्
कामदां रजनीं विश्वरूपां षष्ठीम् उपवर्ततु मे धनम्
सा मे कामा कामपत्नी षष्ठी मे दिशतां धनम्
आकृतिः प्रकृतिर्वचनी धावनिः पद्मचारिणी मन्मना भव स्वाहा
गन्धद्वारां दुराधर्षां नित्यपुष्टां करीषिणीम्
ईश्वरीं सर्वभूतानां ताम् इहोपह्वये श्रियम्
नानापत्रका सा देवी पुष्टिश्चातिसरस्वती
अरिं देवीं प्रपद्ये यम् उपवर्तयतु मे धनम्
हिरण्यप्राकारा देवि मां वर
आगच्छत्व् आयुर्यशश्च स्वाहा
अश्वपूर्णां रथमध्यां हस्तिनादप्रमोदिनीम्
श्रियं देवीम् उपह्वये श्रीर्मा देवी जुषताम्
उपयन्तु मां देवगणास्त्यागाश्च तपसा सह
प्रादुर्भूतो ऽस्मि राष्ट्रे ऽस्मिन्श्रीः श्रद्धां दधातु मे
श्रियै स्वाहा ह्रियै स्वाहा लक्ष्म्यै स्वाहा उपलक्ष्म्यै स्वाहा नन्दायै स्वाहा हरिद्रायै स्वाहा षष्ठ्यै स्वाहा समृद्ध्यै स्वाहा जयायै स्वाहा कामायै स्वाहेति
astamita āditye payasi sthālīpākaṃ śrapayitvāthaitairnāmadheyairjuhoti
dhanadāṃ vasumīśānāṃ kāmadāṃ sarvakāminām
puṇyāṃ yaśasvinīṃ devīṃ ṣaṣṭhīṃ śakra juṣasva me
nandī bhūtiśca lakṣmīścādityā ca yaśasvinī
sumanā vākca siddhiśca ṣaṣṭhī me diśatāṃ dhanam
putrānpaśūndhanaṃ dhānyaṃ bahvaśvājagaveḍakam
manasā yatpraṇītaṃ ca tanme diśatu havyabhuk
kāmadāṃ rajanīṃ viśvarūpāṃ ṣaṣṭhīm upavartatu me dhanam
sā me kāmā kāmapatnī ṣaṣṭhī me diśatāṃ dhanam
ākṛtiḥ prakṛtirvacanī dhāvaniḥ padmacāriṇī manmanā bhava svāhā
gandhadvārāṃ durādharṣāṃ nityapuṣṭāṃ karīṣiṇīm
īśvarīṃ sarvabhūtānāṃ tām ihopahvaye śriyam
nānāpatrakā sā devī puṣṭiścātisarasvatī
ariṃ devīṃ prapadye yam upavartayatu me dhanam
hiraṇyaprākārā devi māṃ vara
āgacchatv āyuryaśaśca svāhā
aśvapūrṇāṃ rathamadhyāṃ hastinādapramodinīm
śriyaṃ devīm upahvaye śrīrmā devī juṣatām
upayantu māṃ devagaṇāstyāgāśca tapasā saha
prādurbhūto 'smi rāṣṭre 'sminśrīḥ śraddhāṃ dadhātu me
śriyai svāhā hriyai svāhā lakṣmyai svāhā upalakṣmyai svāhā nandāyai svāhā haridrāyai svāhā ṣaṣṭhyai svāhā samṛddhyai svāhā jayāyai svāhā kāmāyai svāheti
- 7
जयप्रभृति समानम्
jayaprabhṛti samānam
- 8
षण्मासान्प्रयुञ्जीत त्रीन्वोभयतः पक्षान्
ṣaṇmāsānprayuñjīta trīnvobhayataḥ pakṣān
- 9
शतसाहस्रसंयोग एकवरो वा
śatasāhasrasaṃyoga ekavaro vā
- 10
गौर् अनड्वांश्च दक्षिणा
gaur anaḍvāṃśca dakṣiṇā

