Manava Grhya Sutra · 2.8 2.8.6
2.8.6हेमन्तो वसन्तो ग्रीष्म ऋतवः शिवा नः शिवा नो वर्षा अभयाश्चिरं नः
वैश्वानरो ऽधिपतिः प्राणदो नो अहोरात्रे कृणुतां दीर्घमायुः
शान्ता पृथिवी शिवमन्तरिक्षं द्यौर्नो देव्यभयं कृणोतु
शिवा दिशः प्रदिश आदिशो न आपो विद्युतः परिपान्त्वायुः
आपो मरीचीः परिपान्तु विश्वतो धाता समुद्रो अभयं कृणोतु
भूतं भविष्यदुत भद्रमस्तु मे ब्रह्माभिगूर्तं स्वराक्षाणः
कविर् अग्निर् इन्द्रः सोमः सूर्यो वायुरस्तु मे अग्निर्वैश्वानरो अपहन्तु पापम्
बृहस्पतिः सविता शर्म यच्छतु श्रियं विराजं मयि पूषा दधातु
विश्व आदित्या वसवश्च सर्वे रुद्रा गोप्तारो मरुतश्च सन्तु
ऊर्जं प्रजाममृतं दीर्घमायुः प्रजापतिर्मयि परमेष्ठी दधातु
इति पञ्चाज्यस्य
Transliteration
hemanto vasanto grīṣma ṛtavaḥ śivā naḥ śivā no varṣā abhayāściraṃ naḥ
vaiśvānaro 'dhipatiḥ prāṇado no ahorātre kṛṇutāṃ dīrghamāyuḥ
śāntā pṛthivī śivamantarikṣaṃ dyaurno devyabhayaṃ kṛṇotu
śivā diśaḥ pradiśa ādiśo na āpo vidyutaḥ paripāntvāyuḥ
āpo marīcīḥ paripāntu viśvato dhātā samudro abhayaṃ kṛṇotu
bhūtaṃ bhaviṣyaduta bhadramastu me brahmābhigūrtaṃ svarākṣāṇaḥ
kavir agnir indraḥ somaḥ sūryo vāyurastu me agnirvaiśvānaro apahantu pāpam
bṛhaspatiḥ savitā śarma yacchatu śriyaṃ virājaṃ mayi pūṣā dadhātu
viśva ādityā vasavaśca sarve rudrā goptāro marutaśca santu
ūrjaṃ prajāmamṛtaṃ dīrghamāyuḥ prajāpatirmayi parameṣṭhī dadhātu
iti pañcājyasya
By System Admin
Translation
Draft in progress