6 shlokas
- 1
सर्पेभ्यो बिभ्यच्छ्रावण्यां तूष्णीं भौमम् एककपालं श्रपयित्वाक्षतसक्तून्पिष्ट्वा स्वकृत इरिणे दर्भान् आस्तीर्याच्युताय ध्रुवाय भौमाय स्वाहेति जुहोति
sarpebhyo bibhyacchrāvaṇyāṃ tūṣṇīṃ bhaumam ekakapālaṃ śrapayitvākṣatasaktūnpiṣṭvā svakṛta iriṇe darbhān āstīryācyutāya dhruvāya bhaumāya svāheti juhoti
- 2
समीची नामासीति पर्यायैर् उपतिष्ठते प्रतिदिशं द्वाभ्यां मध्ये
samīcī nāmāsīti paryāyair upatiṣṭhate pratidiśaṃ dvābhyāṃ madhye
- 3
अक्षतसक्तूनां सर्पबलिं हरति ईशानायेत्य् एके
सर्पो ऽसि सर्पाणाम् अधिपतिस्त्वयि सर्वे सर्पाः
बलिहारो ऽस्तु सर्पाणां नमो अस्तुषुर्मा रीरिषुर्मा हिंसिषुर्मा दाङ्क्षुः सर्पाः
मा नो अग्ने वि सृजो अघायाविष्यवे रिपवे दुच्छुनायै
मा दत्वते दशते मादते नो मा रीषते सहसावन्परा दाः
सर्पो ऽसि सर्पाणाम् अधिपतिर् अन्नेन मनुष्यांस्त्रायसे ऽपूपेन सर्पान्
त्वयि सन्तं मयि सन्तं माक्षिषुर्मा रीरिषुर्मा हिंसिषुर्मा दाङ्क्षुः सर्पाः
नमो अस्तु सर्पेभ्य इति तिसृभिश्च
akṣatasaktūnāṃ sarpabaliṃ harati īśānāyety eke
sarpo 'si sarpāṇām adhipatistvayi sarve sarpāḥ
balihāro 'stu sarpāṇāṃ namo astuṣurmā rīriṣurmā hiṃsiṣurmā dāṅkṣuḥ sarpāḥ
mā no agne vi sṛjo aghāyāviṣyave ripave ducchunāyai
mā datvate daśate mādate no mā rīṣate sahasāvanparā dāḥ
sarpo 'si sarpāṇām adhipatir annena manuṣyāṃstrāyase 'pūpena sarpān
tvayi santaṃ mayi santaṃ mākṣiṣurmā rīriṣurmā hiṃsiṣurmā dāṅkṣuḥ sarpāḥ
namo astu sarpebhya iti tisṛbhiśca
- 4
ध्रुवामुं ते परिददामीति सर्वामात्यान्नामग्राहम् आत्मानं च
dhruvāmuṃ te paridadāmīti sarvāmātyānnāmagrāham ātmānaṃ ca
- 5
एतेन धर्मेण चतुरो मासान्सर्पबलिं हृत्वा विरमति
etena dharmeṇa caturo māsānsarpabaliṃ hṛtvā viramati
- 6
तूष्णीम् अपि शूद्रा प्रक्षालितपाणिः
tūṣṇīm api śūdrā prakṣālitapāṇiḥ

