7 shlokas
- 1
अयूथिके भयार्ते कपोते गृहान्प्रविष्टे तस्याग्नौ पदं दृश्येत दधनि सक्तुषु घृते वा देवाः कपोत इति प्रत्यृचं जपेज्जुहुयाद्वा
देवाः कपोत इषितो यद् इच्छन्दूतो निरृत्या इदम् आजगाम
तस्मा अर्चाम कृणवाम निष्कृतिं शं नो अस्तु द्विपदे शं चतुष्पदे
शिवः कपोत इषितो नो अस्त्व् अनागा देवाः शकुनो गृहेषु अग्निर्हि विप्रो जुषतां हविर्नः परि हेतिः पक्षिणी नो वृणक्तु
हेतिः पक्षिणी न दभात्य् अस्मान् आष्ट्र्यां पदं कृणुते अग्निधाने
शं नो गोभ्यश्च पुरुषेभ्यश्चास्तु मा नो हिंसीद् इह देवाः कपोतः
यद् उलूको वदति मोघम् एतद्यत्कपोतः पदम् अग्नौ कृणोति
यस्य दूतः प्रहित एष एतत्तस्मै यमाय नमो अस्तु मृत्यवे
ऋचा कपोतं नुदत प्रमोदम् इषं मदन्तः परि गां नयध्वम्
संयोपयन्तो दुरितानि विश्वा हित्वा न ऊर्जं प्र पतात्पतिष्ठः
इति
ayūthike bhayārte kapote gṛhānpraviṣṭe tasyāgnau padaṃ dṛśyeta dadhani saktuṣu ghṛte vā devāḥ kapota iti pratyṛcaṃ japejjuhuyādvā
devāḥ kapota iṣito yad icchandūto nirṛtyā idam ājagāma
tasmā arcāma kṛṇavāma niṣkṛtiṃ śaṃ no astu dvipade śaṃ catuṣpade
śivaḥ kapota iṣito no astv anāgā devāḥ śakuno gṛheṣu agnirhi vipro juṣatāṃ havirnaḥ pari hetiḥ pakṣiṇī no vṛṇaktu
hetiḥ pakṣiṇī na dabhāty asmān āṣṭryāṃ padaṃ kṛṇute agnidhāne
śaṃ no gobhyaśca puruṣebhyaścāstu mā no hiṃsīd iha devāḥ kapotaḥ
yad ulūko vadati mogham etadyatkapotaḥ padam agnau kṛṇoti
yasya dūtaḥ prahita eṣa etattasmai yamāya namo astu mṛtyave
ṛcā kapotaṃ nudata pramodam iṣaṃ madantaḥ pari gāṃ nayadhvam
saṃyopayanto duritāni viśvā hitvā na ūrjaṃ pra patātpatiṣṭhaḥ
iti
- 2
पदम् आदाय दक्षिणा प्रत्यग्घरन्ति
padam ādāya dakṣiṇā pratyaggharanti
- 3
सहाधिकरणैर्यन्ति
sahādhikaraṇairyanti
- 4
स्वकृत इरिणे पदं न्यस्याध्यधि
svakṛta iriṇe padaṃ nyasyādhyadhi
- 5
धाम्नो धाम्न इति तिसृभिः परोगोष्ठं मार्जयन्ते
dhāmno dhāmna iti tisṛbhiḥ parogoṣṭhaṃ mārjayante
- 6
अनपेक्षमाणाः प्रत्यायन्ति
anapekṣamāṇāḥ pratyāyanti
- 7
अग्न आयूंषि पवसे अग्निर् ऋषिर् अग्ने पवस्वेति प्रत्येत्य जपन्ति
agna āyūṃṣi pavase agnir ṛṣir agne pavasveti pratyetya japanti

