Sanskrit

4 shlokas

  1. 1
  2. 2

    पयसि स्थालीपाकं श्रपयित्वा तस्य जुहोति

    ब्रह्मणाग्निः संविदानो रक्षोहा बाधताम् इतः

    अमीवा यस्ते गर्भं दुर्णामा योनिम् आशये

    यस्ते गर्भम् अमीवा दुर्णामा योनिम् आशये

    अग्निष्ठं ब्रह्मणा सह निष्क्रव्यादम् अनीनशत्

    यस्ते हन्ति पतयन्तं निषत्स्नुं यः सरीसृपम्

    जातं यस्ते जिघांसति तम् इतो नाशयामसि

    यस्त्वा स्वप्नेन तमसा मोहयित्वा निपद्यते

    प्रजां यस्ते जिघांसति तम् इतो नाशयामसि

    यस्त्वा भ्राता पतिर्भूत्वा जारो भूत्वा निपद्यते

    प्रजां यस्ते जिघांसति तम् इतो नाशयामसि

    ये ते घ्नन्त्य् अप्सरसो गन्धर्वा गोष्ठाश्च ये

    क्रव्यादं सुरदेविनं तम् इतो नाशयामसि

    यस्त ऊरू विहरत्य् अन्तरा दम्पती शये

    योनिं यो अन्तरारेढि तमितो नाशयामसि

    अभिन्नाण्डा वृद्धगर्भा अरिष्टा जीवसूकरी

    विजायतां प्रजायताम् इयं भवतु तोकिनी

    विष्णुर्योनिं कल्पयतु त्वष्टा रूपाणि पिंशतु

    आसिञ्चतु प्रजापतिर्धाता गर्भं दधातु ते

    गर्भं धेहि सिनीवालि गर्भं धेहि सरस्वति

    गर्भं ते अश्विनौ देवाव् आधत्तां पुष्करस्रजा

    हिरण्ययी अरणी यं निर्मन्थतो अश्विना

    तं ते गर्भं हवामहे दशमे मासि सूतवे

    परं मृत्यो अनुपरेहि पन्थां यस्ते स्व इतरो देवयानात्

    चक्षुष्मते शृण्वते ते ब्रवीमि मा नः प्रजां रीरिषो मोत वीरान्

    इति द्वादशगर्भवेदिन्यः षडाद्याः स्थालीपाकस्य षडुत्तरा आज्यस्य

    payasi sthālīpākaṃ śrapayitvā tasya juhoti

    brahmaṇāgniḥ saṃvidāno rakṣohā bādhatām itaḥ

    amīvā yaste garbhaṃ durṇāmā yonim āśaye

    yaste garbham amīvā durṇāmā yonim āśaye

    agniṣṭhaṃ brahmaṇā saha niṣkravyādam anīnaśat

    yaste hanti patayantaṃ niṣatsnuṃ yaḥ sarīsṛpam

    jātaṃ yaste jighāṃsati tam ito nāśayāmasi

    yastvā svapnena tamasā mohayitvā nipadyate

    prajāṃ yaste jighāṃsati tam ito nāśayāmasi

    yastvā bhrātā patirbhūtvā jāro bhūtvā nipadyate

    prajāṃ yaste jighāṃsati tam ito nāśayāmasi

    ye te ghnanty apsaraso gandharvā goṣṭhāśca ye

    kravyādaṃ suradevinaṃ tam ito nāśayāmasi

    yasta ūrū viharaty antarā dampatī śaye

    yoniṃ yo antarāreḍhi tamito nāśayāmasi

    abhinnāṇḍā vṛddhagarbhā ariṣṭā jīvasūkarī

    vijāyatāṃ prajāyatām iyaṃ bhavatu tokinī

    viṣṇuryoniṃ kalpayatu tvaṣṭā rūpāṇi piṃśatu

    āsiñcatu prajāpatirdhātā garbhaṃ dadhātu te

    garbhaṃ dhehi sinīvāli garbhaṃ dhehi sarasvati

    garbhaṃ te aśvinau devāv ādhattāṃ puṣkarasrajā

    hiraṇyayī araṇī yaṃ nirmanthato aśvinā

    taṃ te garbhaṃ havāmahe daśame māsi sūtave

    paraṃ mṛtyo anuparehi panthāṃ yaste sva itaro devayānāt

    cakṣuṣmate śṛṇvate te bravīmi mā naḥ prajāṃ rīriṣo mota vīrān

    iti dvādaśagarbhavedinyaḥ ṣaḍādyāḥ sthālīpākasya ṣaḍuttarā ājyasya

  3. 3
  4. 4

    नैजमेषं स्थालीपाकं श्रपयित्वा यथा षाडाहुतम्

    नेजमेष परापत सुपुत्रः पुनर् आपत

    अस्यै मे पुत्रकामायै पुनर् आधेहि यः पुमान्

    यथेयं पृथिवी मह्यम् उत्ताना गर्भम् आदधे

    एवं तं गर्भम् आधेहि दशमे मासि सूतवे

    विष्णोः श्रेष्ठेन रूपेणास्यां नार्यां गवीन्याम्

    पुमांसं पुत्रम् आधेहि दशमे मासि सूतवे

    पाकयज्ञान्समासाद्य एकाज्याम् एकबर्हिषि

    एकं स्विष्टकृतं कुर्यान्नाना सत्यपि दैवते नाना सत्यपि दैवते

    naijameṣaṃ sthālīpākaṃ śrapayitvā yathā ṣāḍāhutam

    nejameṣa parāpata suputraḥ punar āpata

    asyai me putrakāmāyai punar ādhehi yaḥ pumān

    yatheyaṃ pṛthivī mahyam uttānā garbham ādadhe

    evaṃ taṃ garbham ādhehi daśame māsi sūtave

    viṣṇoḥ śreṣṭhena rūpeṇāsyāṃ nāryāṃ gavīnyām

    pumāṃsaṃ putram ādhehi daśame māsi sūtave

    pākayajñānsamāsādya ekājyām ekabarhiṣi

    ekaṃ sviṣṭakṛtaṃ kuryānnānā satyapi daivate nānā satyapi daivate