8 shlokas
- 1
फाल्गुन्यां पौर्णमास्यां पुरस्ताद्धानापूपाभ्यां भगं चार्यमणं च यजेत्
phālgunyāṃ paurṇamāsyāṃ purastāddhānāpūpābhyāṃ bhagaṃ cāryamaṇaṃ ca yajet
- 2
इन्द्राण्या हविष्यान्पिष्ट्वा पिष्टानि समुत्पूय यावन्ति पशुजातानि तावतो मिथुनान्प्रतिरूपान्श्रपयित्वा कांस्ये ऽध्याज्यान्कृत्वा तेनैव रुद्राय स्वाहेति जुहोति
ईशानायेत्येके
indrāṇyā haviṣyānpiṣṭvā piṣṭāni samutpūya yāvanti paśujātāni tāvato mithunānpratirūpānśrapayitvā kāṃsye 'dhyājyānkṛtvā tenaiva rudrāya svāheti juhoti
īśānāyetyeke
- 3
सायमपूपाभ्यां प्रचरत्यग्नीन्द्राभ्याम्
sāyamapūpābhyāṃ pracaratyagnīndrābhyām
- 4
आग्नेयस्तुन्दिलो न तस्य स्त्रियः प्राश्नन्ति सर्वामात्या इतरस्य
āgneyastundilo na tasya striyaḥ prāśnanti sarvāmātyā itarasya
- 5
स्थालीपाकेनेन्द्राणीं श्वो वा
sthālīpākenendrāṇīṃ śvo vā
- 6
संघेष्व् एकवद्बर्हिर् अग्निर् आघाराज्यभागाज्याहुतयः स्विष्टकृच्च
saṃgheṣv ekavadbarhir agnir āghārājyabhāgājyāhutayaḥ sviṣṭakṛcca
- 7
अग्निरिन्द्रः सोमः सीता सविता सरस्वत्य् अश्विनानुमती रेवती राका पूषा रुद्र इत्य् एतैर् आयोजनपर्ययणप्रवपनप्रलवनसीतायज्ञखलयज्ञतन्तीयज्ञानडुद्यज्ञेष्वेता देवता इति यजति सांवत्सरेषु च पर्वसु
agnirindraḥ somaḥ sītā savitā sarasvaty aśvinānumatī revatī rākā pūṣā rudra ity etair āyojanaparyayaṇapravapanapralavanasītāyajñakhalayajñatantīyajñānaḍudyajñeṣvetā devatā iti yajati sāṃvatsareṣu ca parvasu
- 8
नद्युदधिकूपतडागेषु वरुणं यजत्योषधिवनस्पतिषु सोमम् अनादिष्टदेवतेष्वग्निम्
nadyudadhikūpataḍāgeṣu varuṇaṃ yajatyoṣadhivanaspatiṣu somam anādiṣṭadevateṣvagnim

