24 shlokas
- 1
अथाध्वर्यू रशनाहस्तो यूपम् अभ्यैति
athādhvaryū raśanāhasto yūpam abhyaiti
- 2
उदूह्य पूर्वां रशनां नाभिदघ्ने परिव्ययन्न् आह परिवीयमाणायानुब्रूहीति
udūhya pūrvāṃ raśanāṃ nābhidaghne parivyayann āha parivīyamāṇāyānubrūhīti
- 3
स्वर्वन्तं यूपम् उत्सृज्याग्नेयं पशुम् उपाकरोति
svarvantaṃ yūpam utsṛjyāgneyaṃ paśum upākaroti
- 4
समानं कर्मा प्रवरात्
samānaṃ karmā pravarāt
- 5
प्रसिद्धं होतारं वृणीते
prasiddhaṃ hotāraṃ vṛṇīte
- 6
अथाश्रावयत्य् ओ श्रावयास्तु श्रौषड् अश्विनाध्वर्यू आध्वर्यवाद् इत्य् अहं चासौ च मानुषाव् इति
athāśrāvayaty o śrāvayāstu śrauṣaḍ aśvinādhvaryū ādhvaryavād ity ahaṃ cāsau ca mānuṣāv iti
- 7
प्रतिप्रस्थातुर्नाम गृह्णाति
pratiprasthāturnāma gṛhṇāti
- 8
अथाश्रावयत्य् ओ श्रावयास्तु श्रौषण्मित्रावरुणौ प्रशास्तारौ प्रशास्त्राद् इत्य् असौ मानुष इति
athāśrāvayaty o śrāvayāstu śrauṣaṇmitrāvaruṇau praśāstārau praśāstrād ity asau mānuṣa iti
- 9
मैत्रावरुणस्य नाम गृह्णाति
maitrāvaruṇasya nāma gṛhṇāti
- 10
अथाश्रावयत्य् ओ श्रावयास्तु श्रौषड् इन्द्रो ब्रह्मा ब्राह्मणाद् इत्य् असौ मानुष इति
athāśrāvayaty o śrāvayāstu śrauṣaḍ indro brahmā brāhmaṇād ity asau mānuṣa iti
- 11
ब्राह्मणाच्छंसिनो नाम गृह्णाति
brāhmaṇācchaṃsino nāma gṛhṇāti
- 12
अथाश्रावयत्य् ओ श्रावयास्तु श्रौषण्मरुतः पोत्राद् इत्य् असौ मानुष इति
athāśrāvayaty o śrāvayāstu śrauṣaṇmarutaḥ potrād ity asau mānuṣa iti
- 13
पोतुर्नाम गृह्णाति
poturnāma gṛhṇāti
- 14
अथाश्रावयत्य् ओ श्रावयास्तु श्रौषड्ग्नावो नेष्ट्राद् इत्य् असौ मानुष इति
athāśrāvayaty o śrāvayāstu śrauṣaḍgnāvo neṣṭrād ity asau mānuṣa iti
- 15
नेष्टुर्नाम गृह्णाति
neṣṭurnāma gṛhṇāti
- 16
अथाश्रावयत्य् ओ श्रावयास्तु श्रौषड् अग्निम् आग्नीध्राद् इत्य् असौ मानुष इति
athāśrāvayaty o śrāvayāstu śrauṣaḍ agnim āgnīdhrād ity asau mānuṣa iti
- 17
अग्नीधो नाम गृह्णाति
agnīdho nāma gṛhṇāti
- 18
तेषां प्रवृतः प्रवृत एव प्रवृताहुतीर्जुहोति
teṣāṃ pravṛtaḥ pravṛta eva pravṛtāhutīrjuhoti
- 19
जुष्टो वाचो भूयासम् ऋचा स्तोमं समर्धय सूर्यो मा देवो देवेभ्यः पात्व् इत्य् एताभिर् अध्वर्यू जुहुतः
juṣṭo vāco bhūyāsam ṛcā stomaṃ samardhaya sūryo mā devo devebhyaḥ pātv ity etābhir adhvaryū juhutaḥ
- 20
यथावेदम् इतरे जुह्वति
yathāvedam itare juhvati
- 21
अथाश्रावयत्य् ओ श्रावयास्तु श्रौषड् अग्निर्ह दैवीनां विशां पुरएतायं सुन्वन्यजमानो मनुष्याणां तयोर् अस्थूरि गार्हपत्यं दीदयच्छतं हिमा द्वा यू राधांसीत्संपृञ्चानाव् असंपृञ्चानौ तन्व इति
athāśrāvayaty o śrāvayāstu śrauṣaḍ agnirha daivīnāṃ viśāṃ puraetāyaṃ sunvanyajamāno manuṣyāṇāṃ tayor asthūri gārhapatyaṃ dīdayacchataṃ himā dvā yū rādhāṃsītsaṃpṛñcānāv asaṃpṛñcānau tanva iti
- 22
समानं कर्मा वपायै
samānaṃ karmā vapāyai
- 23
वपया प्रचर्य वपाश्रपणी अनुप्रहृत्य समुत्क्रम्य चात्वाले मार्जयन्ते
vapayā pracarya vapāśrapaṇī anuprahṛtya samutkramya cātvāle mārjayante
- 24
अथ यजमानम् उत्करे स्फ्यविघनान् उपस्थापयति
atha yajamānam utkare sphyavighanān upasthāpayati

