13 shlokas
- 1
स्फ्यः स्वस्तिर्विघनः स्वस्तिः पर्शुर्वेदिः परशुर्नः स्वस्तिः
यज्ञिया यज्ञकृत स्थ ते मास्मिन्यज्ञ उपह्वयध्वम् उप मा द्यावापृथिवी ह्वयेताम् उपास्तावः कलशः सोमो अग्निर् उप देवा उप यज्ञ उप मा होत्रा उपहवे ह्वयन्ताम् इति
sphyaḥ svastirvighanaḥ svastiḥ parśurvediḥ paraśurnaḥ svastiḥ
yajñiyā yajñakṛta stha te māsminyajña upahvayadhvam upa mā dyāvāpṛthivī hvayetām upāstāvaḥ kalaśaḥ somo agnir upa devā upa yajña upa mā hotrā upahave hvayantām iti
- 2
अथ नमो ऽग्नये मखघ्ने मखस्य मा यशो ऽर्याद् इत्य् आहवनीयम् उपतिष्ठते
atha namo 'gnaye makhaghne makhasya mā yaśo 'ryād ity āhavanīyam upatiṣṭhate
- 3
नमो रुद्राय मखघ्ने नमस्कृत्या मा पाहीत्य् आग्नीध्रम्
namo rudrāya makhaghne namaskṛtyā mā pāhīty āgnīdhram
- 4
नम इन्द्राय मखघ्न इन्द्रियं मे वीर्यं मा निर्वधीर् इति होत्रीयम्
nama indrāya makhaghna indriyaṃ me vīryaṃ mā nirvadhīr iti hotrīyam
- 5
अथ प्राङ् आवृत्य जपति दृढे स्थः शिथिरे समीची मांहसस्पातं सूर्यो मा देवो दिव्याद् अंहसस्पातु वायुर् अन्तरिक्षाद् अग्निः पृथिव्या यमः पितृभ्यः सरस्वती मनुष्येभ्य इति
atha prāṅ āvṛtya japati dṛḍhe sthaḥ śithire samīcī māṃhasaspātaṃ sūryo mā devo divyād aṃhasaspātu vāyur antarikṣād agniḥ pṛthivyā yamaḥ pitṛbhyaḥ sarasvatī manuṣyebhya iti
- 6
अथ प्रदक्षिणम् आवृत्य पूर्वे द्वारौ सदसः संमृशति देवी द्वारौ मा मा संताप्तम् इति
atha pradakṣiṇam āvṛtya pūrve dvārau sadasaḥ saṃmṛśati devī dvārau mā mā saṃtāptam iti
- 7
अथ सदः प्रपद्यते नमः सदसे नमः सदसस्पतये नमः सखीनां पुरोगाणां चक्षुषे नमो दिवे नमः पृथिव्या इति
atha sadaḥ prapadyate namaḥ sadase namaḥ sadasaspataye namaḥ sakhīnāṃ purogāṇāṃ cakṣuṣe namo dive namaḥ pṛthivyā iti
- 8
अथासनाद्बहिःसदसं तृणं निरस्यत्य् अहे दैधिषव्योद् अतस्तिष्ठान्यस्य सदने सीद यो ऽस्मत्पाकतर इति
athāsanādbahiḥsadasaṃ tṛṇaṃ nirasyaty ahe daidhiṣavyod atastiṣṭhānyasya sadane sīda yo 'smatpākatara iti
- 9
उपविशत्य् उन्निवत उद् उद्वतश्च गेषम् इति
upaviśaty unnivata ud udvataśca geṣam iti
- 10
अथेमे समीक्षते पातं मा द्यावापृथिवी अद्याह्न इति
atheme samīkṣate pātaṃ mā dyāvāpṛthivī adyāhna iti
- 11
अथ दक्षिणार्धं प्रेक्षत आगन्त पितरः पितृमान् अहं युष्माभिर्भूयासं सुप्रजसो मया यूयं भूयास्तेति
atha dakṣiṇārdhaṃ prekṣata āganta pitaraḥ pitṛmān ahaṃ yuṣmābhirbhūyāsaṃ suprajaso mayā yūyaṃ bhūyāsteti
- 12
अथोत्तरार्धं प्रेक्षते
athottarārdhaṃ prekṣate
- 13
उदक्संस्थताया इति
udaksaṃsthatāyā iti

