35 shlokas
- 1
उपहूयमानायाम् इडायाम् उपप्रगृह्णन्ति चमसान्
upahūyamānāyām iḍāyām upapragṛhṇanti camasān
- 2
उपहूतायाम् इडायाम् अनाहितम् अग्नीधे भवति
upahūtāyām iḍāyām anāhitam agnīdhe bhavati
- 3
अथैतानि द्विदेवत्यपात्राण्य् अरिक्तानि करोति
athaitāni dvidevatyapātrāṇy ariktāni karoti
- 4
पुरोडाशशकलम् ऐन्द्रवायवपात्रे प्रास्यति
puroḍāśaśakalam aindravāyavapātre prāsyati
- 5
आमिक्षां मैत्रावरुणपात्रे
āmikṣāṃ maitrāvaruṇapātre
- 6
धाना आश्विनपात्रे
dhānā āśvinapātre
- 7
अथैनानि सम्परिगृह्य पूर्वया द्वारोपनिर्हृत्यापरया द्वारा हविर्धानं प्रपाद्य दक्षिणस्य हविर्धानस्योत्तरस्यां वर्तन्यां सादयति
athaināni samparigṛhya pūrvayā dvāropanirhṛtyāparayā dvārā havirdhānaṃ prapādya dakṣiṇasya havirdhānasyottarasyāṃ vartanyāṃ sādayati
- 8
तान्य् आ तृतीयसवनात्परिशेरे
tāny ā tṛtīyasavanātpariśere
- 9
अथाग्नीध आदधाति षडवत्तम्
athāgnīdha ādadhāti ṣaḍavattam
- 10
प्राश्नन्ति
prāśnanti
- 11
मार्जयन्ते
mārjayante
- 12
इडोपहूतांश्चमसान्भक्षयन्ति भक्षेहि माविशेति दीर्घभक्षम् अनुद्रुत्य वसुमद्गणस्य सोम देव ते मतिविदः प्रातःसवनस्य गायत्रच्छन्दस इन्द्रपीतस्य मधुमत उपहूतस्योपहूतो भक्षयामीति
iḍopahūtāṃścamasānbhakṣayanti bhakṣehi māviśeti dīrghabhakṣam anudrutya vasumadgaṇasya soma deva te matividaḥ prātaḥsavanasya gāyatracchandasa indrapītasya madhumata upahūtasyopahūto bhakṣayāmīti
- 13
होतृचमसम् एवैते त्रयः समुपहूय भक्षयन्ति
hotṛcamasam evaite trayaḥ samupahūya bhakṣayanti
- 14
यथाचमसं चमसान्
yathācamasaṃ camasān
- 15
हिन्व म इत्य् आत्मानं प्रत्यभिमृशन्ते
hinva ma ity ātmānaṃ pratyabhimṛśante
- 16
आप्याययन्ति चमसान् आप्यायस्व समेतु त इति
āpyāyayanti camasān āpyāyasva sametu ta iti
- 17
सीदन्ति नाराशंसा आप्यायिता दक्षिणस्य हविर्धानस्यापालम्बम् अधोऽध ऐन्द्राग्नाय
sīdanti nārāśaṃsā āpyāyitā dakṣiṇasya havirdhānasyāpālambam adho'dha aindrāgnāya
- 18
अथैषो ऽच्छावाको ऽग्रेण सद आस्ते
athaiṣo 'cchāvāko 'greṇa sada āste
- 19
तस्मै महत्पुरोडाशशकलम् आदधद् आहाच्छावाक वदस्व यत्ते वाद्यम् इति
tasmai mahatpuroḍāśaśakalam ādadhad āhācchāvāka vadasva yatte vādyam iti
- 20
स यत्राच्छावाकस्याभिजानात्य् उपो अस्मान्ब्राह्मणान्ब्राह्मणा ह्वयध्वम् इति तद् आह होतर् अच्छावाको वा अयम् उपहवम् इच्छते तम् उपह्वयस्वेति
sa yatrācchāvākasyābhijānāty upo asmānbrāhmaṇānbrāhmaṇā hvayadhvam iti tad āha hotar acchāvāko vā ayam upahavam icchate tam upahvayasveti
- 21
तम् ऋचा होतोपह्वयते
tam ṛcā hotopahvayate
- 22
अथ प्राङ् आयन्न् आहोन्नीयमानायानुब्रूह्य् अच्छावाकस्य चमसाध्वर्यव् उन्नयस्वोभयतःशुक्रं कुरुष्वेति
atha prāṅ āyann āhonnīyamānāyānubrūhy acchāvākasya camasādhvaryav unnayasvobhayataḥśukraṃ kuruṣveti
- 23
स तथा करोति
sa tathā karoti
- 24
अथ प्राङ् एत्याच्छावाकचमसम् आदायाश्राव्याहाच्छावाक यजेति
atha prāṅ etyācchāvākacamasam ādāyāśrāvyāhācchāvāka yajeti
- 25
वषट्कृतानुवषट्कृते हुत्वा हरति भक्षम्
vaṣaṭkṛtānuvaṣaṭkṛte hutvā harati bhakṣam
- 26
स यद्य् अस्मिन्न् अच्छावाक उपहवम् इच्छत उपैवैनं ह्वयते
sa yady asminn acchāvāka upahavam icchata upaivainaṃ hvayate
- 27
नो त्वेव संभक्षयतः
no tveva saṃbhakṣayataḥ
- 28
सीदत्य् अस्य नाराशंस आप्यायितः
sīdaty asya nārāśaṃsa āpyāyitaḥ
- 29
अथाहाच्छावाक सीद नेष्टः पत्नीम् उदानयाग्नीद् अच्छावाकं मे सन्नं प्रब्रूताद् इति
athāhācchāvāka sīda neṣṭaḥ patnīm udānayāgnīd acchāvākaṃ me sannaṃ prabrūtād iti
- 30
सीदत्य् एषो ऽच्छावाको जघनेन स्वं धिष्णियम्
sīdaty eṣo 'cchāvāko jaghanena svaṃ dhiṣṇiyam

