45 shlokas
- 1
तौ देवौ शुक्रामन्थिनौ कल्पयतं दैवीर्विशः कल्पयतं मानुषीर् इषम् ऊर्जम् अस्मासु धत्तं प्राणान्पशुषु प्रजां मयि च यजमाने चेति
tau devau śukrāmanthinau kalpayataṃ daivīrviśaḥ kalpayataṃ mānuṣīr iṣam ūrjam asmāsu dhattaṃ prāṇānpaśuṣu prajāṃ mayi ca yajamāne ceti
- 2
अथाप्रोक्षितौ शकलौ बहिर्वेदि निरस्यतः
athāprokṣitau śakalau bahirvedi nirasyataḥ
- 3
निरस्तः शण्डः सहामुनेत्य् अध्वर्युर्यं यजमानो द्वेष्टि तं मनसा ध्यायति
nirastaḥ śaṇḍaḥ sahāmunety adhvaryuryaṃ yajamāno dveṣṭi taṃ manasā dhyāyati
- 4
निरस्तो मर्कः सहामुनेति प्रतिप्रस्थाता यं यजमानो द्वेष्टि तं मनसा ध्यायति
nirasto markaḥ sahāmuneti pratiprasthātā yaṃ yajamāno dveṣṭi taṃ manasā dhyāyati
- 5
अथाप उपस्पृश्य प्रोक्षिताव् अभ्याधत्तः
athāpa upaspṛśya prokṣitāv abhyādhattaḥ
- 6
शुक्रैषा ते समित्तया समिध्यस्व स्वाहेत्य् अध्वर्युः
śukraiṣā te samittayā samidhyasva svāhety adhvaryuḥ
- 7
मन्थिन्न् एषा ते समित्तया समिध्यस्व स्वाहेति प्रतिप्रस्थाता
manthinn eṣā te samittayā samidhyasva svāheti pratiprasthātā
- 8
एतस्मिन्काले चमसाध्वर्यवश्चमसान् उपोद्यच्छन्ते
etasminkāle camasādhvaryavaścamasān upodyacchante
- 9
अथाध्वर्युः पुरस्तात्प्रत्यङ्तिष्ठन्न् आश्रावयत्य् ओ श्रावयास्तु श्रौषट्प्रातः प्रातःसावस्य शुक्रवतो मन्थिवतो मधुश्चुत इन्द्राय सोमान्प्रस्थितान्प्रेष्येति
athādhvaryuḥ purastātpratyaṅtiṣṭhann āśrāvayaty o śrāvayāstu śrauṣaṭprātaḥ prātaḥsāvasya śukravato manthivato madhuścuta indrāya somānprasthitānpreṣyeti
- 10
वषट्कृते सहोभौ जुहुतः स प्रथमः संकृतिर्विश्वकर्मा स प्रथमो मित्रो वरुणो अग्निः
स प्रथमो बृहस्पतिश्चिकित्वान्तस्मा इन्द्राय सुतम् आजुहोमि स्वाहेति
vaṣaṭkṛte sahobhau juhutaḥ sa prathamaḥ saṃkṛtirviśvakarmā sa prathamo mitro varuṇo agniḥ
sa prathamo bṛhaspatiścikitvāntasmā indrāya sutam ājuhomi svāheti
- 11
वषट्कृतानुवषट्कृते द्विर्जुहुतः
vaṣaṭkṛtānuvaṣaṭkṛte dvirjuhutaḥ
- 12
तथैव द्विर्द्विः सर्वांश्चमसाञ्जुह्वति
tathaiva dvirdviḥ sarvāṃścamasāñjuhvati
- 13
अथ संप्रैषम् आह प्रैतु होतुश्चमसः प्र ब्रह्मणः प्रोद्गातुः प्र यजमानस्य प्र सदस्यस्य होत्रकाणां चमसाध्वर्यवः सकृत्सकृद्द्रोणकलशाद् अभ्युन्नीयोपावर्तध्वं होतुश्चमसाध्वर्यव् उपरमैहि प्रतिप्रस्थातर् उत्तरार्ध आहवनीयस्य मन्थिनः संस्रावं जुहुधीति
atha saṃpraiṣam āha praitu hotuścamasaḥ pra brahmaṇaḥ prodgātuḥ pra yajamānasya pra sadasyasya hotrakāṇāṃ camasādhvaryavaḥ sakṛtsakṛddroṇakalaśād abhyunnīyopāvartadhvaṃ hotuścamasādhvaryav uparamaihi pratiprasthātar uttarārdha āhavanīyasya manthinaḥ saṃsrāvaṃ juhudhīti
- 14
यथासंप्रैषं ते कुर्वन्ति
yathāsaṃpraiṣaṃ te kurvanti
- 15
अथ प्रदक्षिणम् आवृत्य होतृचमसे ग्रहस्य संस्रावम् अवनयति हुतं त्वा हुते ऽवनयाम्य् ऊर्जस्वन्तं देवेभ्यो मधुमन्तं मनुष्येभ्य इति वा तूष्णीं वा
atha pradakṣiṇam āvṛtya hotṛcamase grahasya saṃsrāvam avanayati hutaṃ tvā hute 'vanayāmy ūrjasvantaṃ devebhyo madhumantaṃ manuṣyebhya iti vā tūṣṇīṃ vā
- 16
अथ प्रतिप्रस्थातोत्तरार्ध आहवनीयस्य मन्थिनः संस्रावं जुहोत्य् एष ते रुद्र भागो यं निरयाचथास्तं जुषस्व विदेर्गौपत्यं रायस्पोषं सुवीर्यं संवत्सरीणां स्वस्तिं स्वाहेति
atha pratiprasthātottarārdha āhavanīyasya manthinaḥ saṃsrāvaṃ juhoty eṣa te rudra bhāgo yaṃ nirayācathāstaṃ juṣasva vidergaupatyaṃ rāyaspoṣaṃ suvīryaṃ saṃvatsarīṇāṃ svastiṃ svāheti
- 17
अथाप उपस्पृश्य शुक्रपात्रं च मन्थिपात्रं च खरे यथायतनं सादयति
athāpa upaspṛśya śukrapātraṃ ca manthipātraṃ ca khare yathāyatanaṃ sādayati
- 18
यन्त्य् एते महर्त्विजां चमसाः
yanty ete mahartvijāṃ camasāḥ
- 19
अथैते होत्रकाणां चमसाध्वर्यवः सकृत्सकृद्द्रोणकलशाद् अभ्युन्नीयोपावर्तन्ते
athaite hotrakāṇāṃ camasādhvaryavaḥ sakṛtsakṛddroṇakalaśād abhyunnīyopāvartante
- 20
तेषां मैत्रावरुणचमसम् आदायाश्राव्याह प्रशास्तर्यजेति
teṣāṃ maitrāvaruṇacamasam ādāyāśrāvyāha praśāstaryajeti
- 21
वषट्कृतानुवषट्कृते द्विर्जुहोति
vaṣaṭkṛtānuvaṣaṭkṛte dvirjuhoti
- 22
ब्रह्मन्यज पोतर्यज नेष्टर्यजाग्नीद्यजेति पञ्च होत्राः संयाज्य प्रदक्षिणम् आवृत्य प्रत्यङ्ङ् आद्रुत्याग्रेण होतारम् उपविशत्य् अयाड् अग्नीद् इति
brahmanyaja potaryaja neṣṭaryajāgnīdyajeti pañca hotrāḥ saṃyājya pradakṣiṇam āvṛtya pratyaṅṅ ādrutyāgreṇa hotāram upaviśaty ayāḍ agnīd iti
- 23
स भद्रम् अकर् इत्य् आह होता यो नः सोमं राजानं पाययिष्यतीति
sa bhadram akar ity āha hotā yo naḥ somaṃ rājānaṃ pāyayiṣyatīti
- 24
अथ होतादत्त ऐन्द्रवायवपात्रम्
atha hotādatta aindravāyavapātram
- 25
आत्तम् एवाध्वर्युर् अन्वारभते
āttam evādhvaryur anvārabhate
- 26
अन्वारब्धे ऽध्वर्यौ होतोपहवम् इष्ट्वा भक्षयति यथा स वेद
anvārabdhe 'dhvaryau hotopahavam iṣṭvā bhakṣayati yathā sa veda
- 27
तथान्वारब्धे होतर्य् अध्वर्युर् उपहवम् इष्ट्वा भक्षयति मयि वसुः पुरोवसुर्वाक्पा वाचं मे पाहीति
tathānvārabdhe hotary adhvaryur upahavam iṣṭvā bhakṣayati mayi vasuḥ purovasurvākpā vācaṃ me pāhīti
- 28
अथ होता भक्षयति
atha hotā bhakṣayati
- 29
अथाध्वर्युः
athādhvaryuḥ
- 30
अथैनद्धोत्रे ऽनुषजति
athainaddhotre 'nuṣajati

